Final Score (2018)| අවසාන ලකුණ…

ඔන්න යාලුවනේ මේ අවුරුද්දේ සැප්තැම්බර් මාසේ 14 වැනිදා තිරගත උන සුපිරිම සුපිරි ක්‍රියාදාම චිත්‍රපටියක් අරගෙන ආවා. මේකෙ පූර්ව ප්‍රචාරක වීඩියෝව දැකපු ගමන් මට හිතුනා, මම මේකට අනිවාර්යෙන්ම සබ් එක කරනවා කියලා. එහෙම හිතල බයිස්කෝප් එකට මේල් එකක් දාන්න යද්දී මෙන්න inbox එකේ මේල් එකක් තියෙනවා සිසිල සහෝදරයා එවලා වෙන ෆිල්ම් දෙකක්, ඒවට සබ් කරන්න කියලා. එයින් එකක සබ් එක කර කර ඉන්න ගමන් තමයි මේ සුපිරි ෆිල්ම් එක රිලීස් වුණේ. සිසිල සහෝ කිසි ලෝභකමක් නැතුව මේක මට බාර දුන්නා. මං දවස් දෙකෙන් දෙන්නම් කියලා තමයි ගත්තේ. ඒත් තිබ්බ හදිසි වැඩ වලට පින් සිද්ධ වෙන්න දවස් පහක් විතර ගියා. දැන් කතා ඇති අපි බලමු මේ සුපිරි බයිස්කෝප් එක කොහොමද කියලා.

2018.09.14 දින තිරගත වීම ආරම්භ කළ මේ සුපිරි ක්‍රියාදාම චිත්‍රපටිය IMDb 5.5කුත්, කුණු තක්කාලි එකෙන් 71%ක් ලබා ගෙන තියෙනවා. Avengers: Infinity War, Guardians of the Galaxy Vol. 2 වගේ සුපිරි ෆිල්ම් වල හිටපු Dave Bautista ප්‍රධාන චරිතය රඟ දක්වනවා. විවිධාංගිකරණයෙන් යුක්ත වූ චිත්‍රපට අධ්‍යක්ෂකවරයෙකු වන Scott Mann විසින් මේ චිත්‍රපටය අධ්‍යක්ෂණය කර තිබෙනවා.

පටන් ගත්තු වෙලාවේ ඉඳන් ඉවර වෙනකන් එක හුස්මට බලන්න පුළුවන් සුපිරි ක්‍රියාදාම ෆිල්ම් වලට ආස අය අනිවා මේක බලන්න. කට්ටියට සැකයි වගේ නම් පූර්ව ප්‍රචාරක පටය බලන්න. මේකෙ කතාව ගැන කියනවනම් ඇෆ්ගනිස්ථාන් යුද්ධයේදී තමන් යටතේ සේවය කර මිය ගිය සෙබළෙක්ගේ දියණියක් වෙනුවෙන් තම ජීවිතය වුණත් කැප කිරීමට සූදානම් වන මාමා කෙනෙක්ගේ කතාවක්. කියන්න වදන් නෑ සහෝ සුපිරිම සුපිරි අරන් බලන්න. මගේ කලින් උපසිරැසි වලට දීලා තිබුණු comments වලට ගොඩක් ස්තූතියි ඒවගෙන් අපිව දිරිමත් කරනවා. මේකත් ගෙදරින් බැණුම් අහගෙන දහසක් වැඩ තියෙද්දි කරේ. ඔයාලගේ පුංචි කමෙන්ටුවකුත් ගොඩක් වටිනවා ජයෙන් ජයම වේවා! කට්ටියටම බුදු සරණයි! දෙවි පිහිටයි!