Scooby-Doo! and the Gourmet Ghost (2018) | සූපශාස්ත්‍ර නිකේතනයට ආ රතු භූතයා!

ස්කුබි ඩු.. ස්කුබි ඩු කියන්නෙ ඉතින් ලොකු පොඩි හැම කෙනෙක්ගෙම මතකයේ රැදිලා ඉන්න කතා කරන බලු තඩියා කිව්වොත් නිවැරදියි. ඉතින් මේ සූදානම ස්කුබී සහ කණ්ඩායමේ අලුත්ම හොල්මන් ඇල්ලීමේ වික්‍රමය ඔබ හමුවේ තබන්නයි.

මේ පාරනම් කතාව යන්නෙ ස්කුබි ඩු සහ ශැගිට ගැළපෙනම තැනක. ඒ කියන්නෙ කෑම තියෙන තැනක. ෆ්‍රෙඩිගෙ මාමා කෙනෙක් වෙන බොබී ෆ්ලේ තමන්ගෙ තානායමේ නවතින්න එන්න කියලා ස්කුබි ඩු කණ්ඩායමට ආරාධනා කරනවා. කට්ටිය එතනට ගිහිල්ලා බැලින්නම් මේ බොබී ෆ්ලේ කියන්නෙ ලෝක ප්‍රසිද්ධ චෙෆ් කෙනෙක්. ඒ වගේම මෙතන තව ජාඩා ඩි ලොරන්ටිස් සහ මාකස් සමුවෙල්සන් කියලා ප්‍රසිද්ධ චෙෆ්ලා දෙන්නෙකුත් ඉන්නවා ඔන්න. බොබී මේ තානායම අලුත්ම තාක්‍ෂණයක් සහිතව තමයි අලුතින් හදලා තියෙන්නෙ. හැබැයි මේ තානායම පිටිපස්සේ තියෙන්නෙ වෙනම කතාවක්.

බොබීගෙ පරම්පරාවේ කෙනෙක් වෙන එඩ්වඩ් ඩුෆ්ලේ කියන්නෙ ඇමෙරිකානු විප්ලවය කාලේ හිටිය ප්‍රසිද්ධ චෙෆ් කෙනෙක්. ඒ වගේම මේ තානායමේ මුල් අයිතිකාරයත් ඔහු තමයි. ඒත් දවසක් මේ එඩ්වඩ් ඩුෆ්ලේ හිටිහැටියේම අතුරුදහන් වෙලා යනවා. ඒකට හේතුව විදිහට ප්‍රකට වෙන්නෙ භූතයෙක්. රතු භූතයා කියලා තමයි කියන්නෙ. ඉතින් මෙන්න මේ රතු භූතයා සියවස් ගානකට පස්සෙ බොබී ෆ්ලේ මේ තානායම යලි ප්‍රති නිර්මාණය කළාට පස්සෙ කරළියට එනවා. ඉතින් බොබී තානායම ගොඩ ගන්න කියලා සජීවී ටීවී වැඩ සටහනක් කරමින් ඉන්න අතරේ තමයි භූතයා කඩාපාත් වෙලා ඒ සේරම දේවල් කඩාකප්පල් කරලා යන්නෙ.

ඉතින් ඊට පස්සෙ තමයි ඔන්න ස්කුබි ඩු කණ්ඩායම වැඩට බහින්නේ. බලමු ඉතින් මේ පාරත් ස්කුබි ඩු ඇතුළු කණ්ඩායම මේ භූතයාව අල්ලගන්නේ කොහොමද කියලා. එහෙමනම් ඉතින් වැඩි යමක් කියන්නෙ නෑ.

ස්කුබි ඩු රසිකයන්ට බාගෙන බලන්න කියලා ආරාධනා කරමින් මා සමුගන්නවා.