The Water Horse (2007) | මුහුදු අශ්වයාගේ කතාව

දමිත් තරංග සොහොයුරාගේ ලිපිය…

මේ චිත්‍රපටයට පදනම් වෙලා තියෙන්නේ 1933 අවුරුද්දෙදි ස්කොට්ලන්තයේ Loch Ness නමින් හඳුන්වන විලේ දී දැකපු Loch Ness Monster(Nessie) නමින් හඳුන්වපු අද්භූත සත්වයා පිලිබඳවයි. මේ සතාගේ සැබෑ ජායාරූපයක් හොයාගන්න පුලුවන් අන්තර්ජාලයේ Nessie කියලා google සෙවුමක් කලොත්. මේ ජායාරූපය කොහොමද හැදුනේ කියන එකත් චිත්‍රපටයේ එක්තරා තැනක බොහොම අපූරුවට කියවෙනවා.කතාවේ එන පුංචි ලමයගේ නම ඇන්ගස්. ඇන්ගස්ගේ තාත්තා ලෝක යුද්ධ කාලේ නාවික හමුදාවට බැඳිලා ජර්මනියට විරුද්ධව සටන් කරමින් ඉන්නකොට මෙහෙයුමක් අතරදී මිය ගිහින්. ඒත් ඇන්ගස් හිතාගෙන ඉන්නේ කවද හරි තමන්ගේ තාත්තා ආයෙත් ගෙදර ඒවි කියලයි. ඇන්ගස් ස්කොට්ලන්තයේ තියෙන ලොච් නෙස් (Loch Ness) කියන විල ගාවට තමන්ගේ අම්මත් එක්ක හැමදම වගේ ඇවිදින්න යනවා. ඒ සිප්පි කටු අහුලන්න. එක දවසක් ඔහොම ඇවිදින්න යනකොට ගල් වැටි අස්සේ රැඳිලා තිබිල ටිකක් විතර අමුතු බිත්තරයක් දකින්න ලැබෙනවා. මෙයාට අවබෝධයක් නෑ ඒක බිත්තරයක්ද නැත්නම් වෙන මොකක්වත්ද කියලා. ඉතින් ඇන්ගස් කාටවත් නොකියාම ඒක අරන් ඇවිත් ගෙදර වැඩ කාමරයේ මේසය උඩින් තියනවා. ඒක මොකක් උනත් ඇතුල නිල් පාටයි.එහෙන් මෙහෙන් අතපත ගාලා වැඩේ අත හැරලා දානවා. එදාම රෑ ඇඳට වෙලා ඉද්දී ලොකු හුලඟක් එහෙම හමනවා. වැස්සකුත් වහිනවා. බලද්දී එක පාරටම ඇහැ යොමු වුනේ නිවසින් පිටත තියෙන තමන්ගේ වැඩ කාමරයේ දොර වෙතටයි. දොර හැරලා දාලා වගේ පෙනෙන හින්දා ඇන්ගස් දුවගෙන ගිහින් බලනවා. බලද්දී මේසය උඩ තිබුන බිත්තරය දැන් තියෙන්නේ බිම වැටිලා. බිත්තරේ කටු ටික කඩා ගෙන මොකෙක් හරි එලියට ගිහින්. ඇන්ගස් ඒ පා සටහන් ඔස්සේ ඇවිදගෙන ඉස්සරහට යද්දී මෙන්න ඉන්නවා පොඩි ලේන් පැටියෙක් විතර මහ අමුතු පෙනුමක් තියෙන සතෙක්. කාමරේ බඩු මුට්ටු සීසී කඩ ගිහින්. අම්මා වවපු එලවලු වගාව සම්පූර්ණයෙන් විනාශ කරලා දමලා. මේ සතා දවසකට අඩි 10ක් උස යන සතෙක් කියලා ඇන්ගස්ට අහන්න ලැබෙනවා. එච්චර ලොකු වෙන සතෙක් එක්ක ඇන්ගස් කොහොමද යාලු වෙන්නේ. අන්තිමේදී සතාට මොකක් වෙයිද? ටිකක් අවුල් සහගත ලමයෙක් කියලා අම්මත් හිතාගෙන හිටපු ඇන්ගස් ගැන අවසානයේදී අම්මා මොනවා හිතයිද? ඒ අතරෙදි තව කොච්චරක් නම් ප්‍රශ්නවලට ඇන්ගස් මුහුණ දෙයිද?

මේ චිත්‍රපටය රූගත කරලා තියෙන්නේ ස්කොට්ලන්තයේ තියෙන Loch Ness කියන කිලෝමීටර් 37ක් දුරට පැතිරුණු අති විශාල මෙන්ම අති රමණීය විල කේන්ද්‍ර කරගෙනයි. චිත්‍රපටයේ පසුතල නොසෑහෙන්න ලස්සනයි. ඒ වගේම මේ චිත්‍රපටයට මෙන්ම විශේෂයෙන්ම මුහුදු අශ්වයා විදිහට නිරූපණය කරන කෘසෝ නම් සත්වයාට Visual effects (VFX) නිර්මාණය කරලා තියෙන්නේ නවසීලන්තයේ Weta Digital කියන ආයතනයයි. මේ ආයතනයම තමයි The Lord of the Rings(2001,2002,2003), Avatar (2009) , Dawn of the Planet of the Apes (2014), War for the Planet of the Apes (2017), Guardians of the Galaxy Vol. 2 (2017), Maze Runner: The Death Cure (2018), Rampage (2018), Pete’s Dragon (2016),The Jungle Book (2016) වගේ චිත්‍රපටවලට VFX නිර්මාණයෙන් දායක වෙලා තියෙන්නෙත්. ඉතින් එතකොට අමුතුවෙන් කියන්න උවමනා නෑනේ මේ චිත්‍රපටය ටිකක් පරණ වුනත් විෂුවල් ඉෆෙක්ට්ස් නිර්මාණය කොච්චර නම් සුපිරි වෙන්න පුලුවන්ද කියලා. The Water Horse (2007) කියන්නේ පුරා පැය දෙකකට ආසන්න ධාවන කාලයක් තියෙන චිත්‍රපටයක්. ඒ වගේම IMDb දර්ශකයේ 6.5ක අගයක් ලබා ගන්නටත්, Rotten Tomatoes දර්ශකයේ 74% අගයක රැඳෙන්නටත් සමත්වීම තුලම හිතාගන්න පුලුවන්නේ ඉතාමත් ආකර්ශණීය කතාවක් මේ චිත්‍රපටය තුල ගලා යනවා කියන එක. ඉතින් වයස් භේද නැතුව රසවිඳින්න පුලුවන් මුහුදු අශ්වයාගේ කතාව බලන්න හැමෝටම ආරාධනා කරනවා.

චාමික විදුරංග සොහොයුරාගේ පෙර පළවූ ලිපිය…

බයිස්කෝප් අඩවියේ පලවන මේ ලිපිය මගේ පලවෙනි ලිපියයි.මාත් හරි ආසාවෙන් තමයි මේ ලිපිය ඔයාලට ලබා දෙන්නේ.ඔන්න යාලුවනේ මේක නම් පට්ට ෆිල්ම් එකක් කිව්වොත් මම නිවැරදියි කියල හිතනවා.මොකද කිව්වොත් මම දන්නා විදියට මේක තමයි 2007 වසරේ හොදම ළමා චිත්‍රපටය.හරි හරි …දැන් බලමුකෝ මේකේ මොකක්ද වෙන්නේ කියල.

මේ චිත්‍රපටයට පාදක කර ගන්නේ අහිංසක,ඒ වගේම අත්භූත සත්වයෙක් පිළිබඳවයි.ඒ තමයි අද වෙන කොට පුරාවෘර්ථයක් වට පත්වෙලා තියෙන “වෝටර් හෝර්ස්” කියන සත්වයයි. මේකේ වෙන්නේ “ඇන්ගස්” කියල පුංචි ළමයෙක් ඉන්නව.මෙයාගේ තාත්ත යුධ හමුදාවේ තමයි සේවය කරන්නේ.ඉතින් ඇන්ගස්ටත් එයාගේ තාත්ත නැතුව පාලුවක් දැනෙන වෙලාවට එය අම්මත් එක්ක මුහුදු වෙරළට යනවා.ඉතින් දවසක් මෙයා මුහුදු වෙරලට ගිහින් එයාගේ ප්‍රියතම විනෝදාංශය වන සිප්පිකටු අහුලන කොට මේ පුරාවෘර්ථයක් බවට පත් වෙලා තියෙන අපූරු සතාගේ බිත්තරයක් හම්බෙනවා.එත් එයා දන්නේ නෑ මේක මොකක්ද කියල.එත් ඉතින් මේක අමුතුම දෙයක් හින්ද එයා ඒක ගෙදර ගෙනියනවා.ගෙදර ගෙනිහින් බලද්දී තමයි මෙයා මේ සත්වයා ගැන දැන ගන්නේ . පස්සේ මෙයාගේ හොදම යාළුවා බවට පත් වෙන්නෙත් මේ අපූරු සතායි.ඉතින් ඔහොම ඉන්නකොට දවසක් මේ සතා අන්ගස්ලගේ ගෙදර පොකුණේ ඉන්න සේරම මාළු ටික කාල ඉතාම විශාල වෙනවා…..ඇති ඇති..මම ඉතින් මේ කතාවේ සේරම කිව්වොත් මේ ෆිල්ම් එකෙන් වැඩක් නැති වෙනවනේ..ඔයාලම බලන්නකෝ එහෙනම්…

මේක මගේ පලවෙනි ලිපිය හින්ද මගේ මේ ලිපිය ගැන ඔයාලගේ අදහසත් කමෙන්ටුවක් විදියට දාල යනවනම් මම හරිම කැමතියි.

 

හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| Bluray| x264 | 480p | 370MB |

| Bluray| x264 | 720p | 846MB |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)