13 Reasons Why [S02 : E08] | ලසෝ ගී ලියූ කිරිල්ලියද ඈ…?

ඔන්න එහෙනම් චාමරගෙ ඉල්ලීමට හැනාගේ හේතු 13 දෙවැනි කතා මාලාවට දායකත්වයක් දෙන්න ආව මාත්. කතාව බලන්න ගත්තු දා ඉඳලා හැනාව දකින දකින වාරයක් පාසා හදවත පාරගෙන තමා එපි 13ම බැලුවේ ගිය පාර. ඉතිං මේ පාරනම් තවම මට මේ එපිසෝඩ් එක ඇරෙන්න මුල් එපියවත් බලන්න උනේ නැහැ මේ ලිපිය ලියන මොහොත වෙනකම්ම. ඉතිං ඒ නිසා ඇත්තටම කතාවේ කලින් වෙච්ච සිදුවීම් ටික කියන්න දන්නේ නෑ. ඉතිං කොහොමහරි මුලින් ආවේ හඬ පට, ඊට පස්සේ දෙවැනි කතා මාලාව විදියට ආවේ පොටෝ. තුන්වෙනි එකට වීඩියෝ කෑලි ටිකක් එයිද දන්නේ නෑ නෙ? කට්ටිය කියන විදියට සීසන් 3ක් ඇවිල්ලා හැනා මළවුන්ගෙන් නැගිටලා එයිද ආයේ? කොහොම උනත් මේ කතාවෙන් යම් දෙයක් නිරුපනය කරනවා. ඒ අපි යම් කෙනෙක්ට විහිළුවක් කරනවනම්, යම් කෙනෙක්ව මඩවනවා නම්, යම් කෙනෙක්ව හාස්‍යයට ලක් කරනවනම් අපි හැම වෙලේම හිතල බලන්න ඕන කියල ඒ කෙනාගේ පැත්තෙනුත්. ඉතාම අහිංසක අන්දමට යාළුවො යාළුවො අතර කරන පොඩි පොඩි ආතල් වැඩ වලට එහා ගිය දේවල් වෙන බව ඉතිං තරුණ වයසේ ඉන්න ඔයාලට කියන්න ඕන නැහැනේ. ඉතිං හැම වෙලේම විහිළුවක් කරනකොට කෙනෙක්ව මඩවනකොට ඒ දේට ලක්වෙන කෙනත් හිනාවෙලා ඒ දේට දායක වෙන මට්ටමට අපේ විහිළුවේ / මැඩවීමේ සීමාව තියාගන්න එක හොඳයි කියලයි මං නම් හිතන්නේ. එහෙමනම් අද කතාව දිහාවට හැරෙමු.අද කතාවේ නම “ලිට්ල් ගර්ල්” එහෙමත් නැත්නම් ‘කෙලි පැටික්කි’ මේ එපිසෝඩ් එකට ලැබුන imdb අගය 8.1ක් වෙනවා. ඉතිං මේ වෙනකොට හැනාගේ අම්මලා ලිබර්ට් උසස් පාසලට එරෙහිව නඩු මගට බැහැල ඉන්නේ. තේරෙන විදියට දැනට වාසිය තියෙන්නේ හැනාගේ අම්මලාගේ පැත්තට. අද හැනාගේ අම්මවයි තාත්තවයි සාක්ෂියට කැඳවනවා. එතැනදී මේ වෙනකම් හැනාගේ අම්ම නොදැන සිටි කාරණයක් එළිදරව් වෙනවා. ඒ සිදුවීමෙන් පස්සේ හැනාගේ අම්ම දැනගන්නවා හැනාගේ මරණයට එයාලත් වගකියන්න ඕන බව. ඒ වගේම ඒ දේවල් එහෙන් වෙනකොට කට්ටියව බ්ලැක් මේල් වෙන වැඩේ ජයටම වෙනවා. ඉතිං අද වෝකර් පවුලට ඒ තරම් හොඳ දවසක් වෙන්නේ නෑ. මොකද අද සිද්දවෙන බ්ලැක් මේල් කිරීමක් නිසාවෙන් ප්‍රසිද්දියේ බ්‍රයිස්ට ස්ත්‍රී දුෂකයා චෝදනාව එල්ලවෙනවා. නිකම් නෙමේ වෝකර් පවුල සංවිධානය කරපු උත්සවයකදී ඒ කල්ලියේ කෙනෙක්ගෙන්ම. ඉතිං එහෙනම් තව එපිසෝඩ් 5 තියෙන්නේ කතාව ඉවර වෙන්නේ අපේ සහෝදරවරු මේ වෙනකොට වැඩේ ඉවර කරගෙනයි තියෙන්නේ ඔයාලට ඉක්මනටම කතා ටික ලැබෙයි. ඒත් නිකම් බලන කට්ටියගේ උවමනාවක් නැතිදෝ කියලත් හිතෙනවා කලින් ඒවට වැටිලා තියෙන කමෙන්ට් ස්වල්පය දැක්කම..

I’m glad you’re still watching!!
Having fun?