Six [S02 : E02] | බොස්නියාවෙ මෙහෙයුම…

ඔන්න ඉතිං SIX දෙවන සමයෙ 2 වන කොටසත් අරගෙන තමයි මේ ආවෙ. ඇත්තම කිව්වොත් ලොකු කරදරයක් වෙලා තියෙන මොහොතක තමයි මෙහෙම මේ උපසිරැසියත් අරගෙන එන්නෙ. ඒවා වැඩක් නෑ අපි පහුගිය කොටස ටිකක් මතක් කරගමු.

රිප්ගෙ වෙඩි තැබීමත් එක්ක හැමෝම කම්පාවෙලා හිටිය මොහොතෙ අපේ සීල් කණ්ඩායමට මෙහෙයුමකට යන්න වෙනවා ඩ්‍රේගන් කියන පුද්ගලයව අල්ල ගන්න. ඉතිං ඔය මෙහෙයුමට සම්බන්ධ වෙන්න යන මොහොතෙ තමයි රිප්ගෙ මරණය සිද්ද වෙන්නෙ. ඔය හේතු කාරණා නිසාවෙන් බෙයා ඇතුලු පිරිසට මේ මෙහෙයුමට යන්න අවසර ලැබෙන්නෙ නැ.

ඉතිංකතාවට අලුතින් එකතුවුන කෙනා තමයි ජීනා කියන්නෙ. මෙයා ඇවිල්ලා CIA නිළධාරිනියක්. ජීනත් පන්නන්නෙ සීල් කණ්ඩායම පන්නන අය පස්සෙමයි. ජීනා මේක කරගෙන එන්නෙ සෑහෙන කාලෙක ඉදලා. ඒ පෙර සිදුවීම් අපිට කතාව තුල ෆ්ලෑෂ්බැක් විදිහට දකින්න පුළුවන්. ඉතිං ජීනට ඕන කරලා තියෙන්නෙ ඩ්‍රේගන්ව පනපිටින් අල්ල ගන්න. ජීනා ඒකට ඩ්‍රේගන්ගෙ පෙම්වතියව පාවිච්චි කරනවා. කොහොම නමුත් එන පිරිසට ඩ්‍රේගන්ව අල්ල ගන්න බැරි වෙනවා. මොකද මිනිහා එතනින් පැනගන්නවා.

ඔය නිසාම තමයි බෙයා ඇතුලු පිරිසට මෙහෙයුමට එන්න අවසර ලැබෙන්නෙ. ඉතිං කට්ටිය ලොකු සටනකින් පස්සෙ ඩ්‍රේගන්ව කොටු කරගත්තත් මිනිහා බෝම්බයක් පුපුරවන් මැරෙනවා. හැබැයි එතනදි සටහන් පොතක් හොයාගන්නවා. ඒක වටින එකක් බව තමයි අපිට අන්තිමේ දැනගන්න ලැබුනෙ. අවසානයෙ අපි දැක්කා ජීනා මයිකල්ව හම්බවෙන්න ගිහින් ඉන්නවා.

ඉතිං අද අපි බලමු ජීනා සහා මයිකල් අතර මොනවද වෙන්නෙ කියලා. ඒ වගේම ජීනගෙ කලින් මෙහෙයුමක් ගැන අද ලොකුවට කතා වෙනවා ඒක මොකක්ද කියලත් ඔයාලට දැනගන්න ලැබෙයි. ඒ වගේම කට්ටිය මේ කුමාරයා කියන්නෙ කාටද කියලත් දැනගන්න ලැබෙයි. ඒ වගේම රිප්ගෙ මරනය කණ්ඩායමට මොන විදිහට බලපාලා ඇත්ද යන්න බලාගන්න පුළුවන්. එහෙනම් මම ගියා. ඊලග කොටසින් හම්බෙමු.

ජය වේවා!