Lucifer [S03 : E20]| අද්භූත දේව දුතයා…

මේක තමයි ලුසිෆර් කතා මාලාවේ තුන්වැනි සීසන් එකේ විසිවෙන කොටස. එහෙම නැත්නම් විසිවැනි කොටස. අද කතාවේ වෙන්නේ මෙහෙම දෙයක්. සැන් බර්නාඩිනෝ වල එක්තරා ගෙදරකට මහ රෑ ඇතුලුවෙන කෙනෙක් ඒ ගෙදර කුළියට ඉන්න තරුණයෙක්ව මරලා දානවා. එහෙත් ඒ ගෙදර හිමිකාරිණිය එක්තරා අබිරහස් “ආරක්ෂක දේවදුතයෙක්”ගේ බලපෑම නිසා දිවි ගලවා ගන්නවා. ඝාතනය වුණු තැනැත්තා ගැන පරීක්ෂණය ලුසිෆර්ට භාරවෙනවත් එක්කම මේ අභිරහස් ආරක්ෂක දේවදුතයා කවුරුන්ද කියල ලුසිෆර් හොයන්න ගන්නවා. සිද්ධිය වුණු ස්ථානයෙන් අතුරුදන් වුණු දේවදුතයෙකුගේ කුඩා පිළිමයක්, තමන්ගේම නිදන කාමරයෙන් හමුවීම නිසා ලුසිෆර් සැක කරනවා මේ දේවදුතයා තමන් ම ද කියල. එහෙත් එවැනි සිදුවීමක් ගැන කිසිම මතකයක් ඔහුට නැහැ! ක්ලෝයි එක්ක පියර්ස්ගේ තිබුණු සම්බන්ධතාවයට බාධා එල්ල වෙනවා ට්‍රික්සි හමුවෙන්න ඇය ඔහුට ඉඩ නොදීමත් එක්ක. මේ අතර ලින්ඩා යෝජනා කරනවා ලුසිෆර්ට ඔහු රෑට රෑට නින්දෙන් ඇවිදින මිනිස්සු වගේ නින්දෙන් පියාඹනව කියලා! එහෙත් ලුසිෆර් සහ ඇමනඩියෙල් දෙදෙනාම සැක කරන්නේ මේ සිද්ධිය පිටුපස ඉන්නේ දෙවියන් වහන්සේ කියල. දෙවියන් තමන්ව “අවභාවිතා” කරන එක වළක්වන්න ලුසිෆර් කරන්නේ නිදාගන්නේ නැතිව දිගටම ඇහැරිලා ඉන්න තීරණය කරන එක. මේ අතර ක්ලෝයි ඝාතනයට ලක්වුණු තැනැත්තා සම්බන්ධ වීඩියෝ පටයක් සොයාගන්නවා. මේ ඔස්සේ ඔහුගේ මරණයට සම්බන්ධ යැයි ඔවුන් සැක කරන කුඩු වලට සම්බන්ධ අයෙක් ගැන හෝඩුවාවක් ලැබෙනවා. මේ අද්භූත දේවදුතයා ලුසිෆර් ද? වෙන කෙනෙක් ද? වෙන කෙනෙක් නම් ඒ කවුද? ලුසිෆර්ගේ කාමරයට අර පිළිමය ආවේ කොහොමද? පියර්ස්ට තමන්ගේ අමරණිය ශාපයෙන් ගැලවෙන්න හැකි වෙයිද? මේ ඔක්කොටම පිළිතුර දැනගන්න අද කොටසින් පුළුවන්. දිගටම බයිස්කෝප් අඩවියත් එක්ක රැඳී ඉන්න! කරුණාකර මේ නිර්මාණය පිළිබඳ ඔබේ අදහස් Comment එකකින් අප වෙත දන්වන්න. ඔබට තෙරුවන් සරණයි!! තවත් උපසිරසියකින් හමුවෙමු!