Death Fighter (2017)| මාරාන්තික අභියෝගය…

කොහොමද කට්ටියටම. මම නම් හුඟ කාලයකට පස්සෙ තමයි මෙ සබ් එක කරන්න ගත්තෙ මොකද පහුගිය කාලෙ ටිකක් කාර්‍ය බහුල වුනා. එහෙම වුනා කියලා ඉතින් දැනුත් වැඩ වලින් අඩුවක් නැ. ඒත් ඉතින් ඉඩක් ලැබෙන වෙලාවෙ සබ් එක්ක කරන්න හිතුවා. ඉතින් ඒ අනුව තමයි මේ සබ් එක භාරගත්තෙ. එතකොට මේක මගෙ 8 වෙනි උපසිරැසි නිර්මාණය.

මගේ ගැන වැඩි විස්තර ඔන නෑනෙ. එහෙනම් බලමු මේ ෆිල්ම් එක ගැන විස්තරයක්. මේ ෆිල්ම් එක මුලුන්ම නම් කරලා තිබිලා තියෙන්නෙ white tiger කියලා. ඒත් මෙය පසුව Death fighter කියන නමින් තමයි තිරගත කිරීම කරන ලද්දෙ. මෙය IMDB වල 6.9 වැනි ඉහළ අගයක් ගන්න සමත් වෙච්ච තාත්වික සටන් වලින් යුක්ත ඇස් දෙක ඉවතට නොගෙන එක දිගට බලන්න පුළුවන් සුපිරි Action ෆිල්ම් එකක්.

මෙහි විශේෂත්වය තමයි මෙහි කොන්රඩ් ලෙස රඟපාන Joe lewis මිය යන්න කලින් රඟපාපු අන්තිම ෆිල්ම් එකවීම. මොහුගෙ විශේෂත්වය තමයි බෲස්ලිගෙ හොඳම යහළුවකු වීම හා සටනකදි චක්නොරිස් පරාජය කරපු කෙනෙකු වීම. ඒ කියන්නෙ මොහු ඉතා දක්ෂ කරාටේ ශූරයෙක්ද වෙනවා. ඒ වගෙම මෙහි Matt mullins, Don wilson යන සටන් නළුවන්ද රඟපෑම සිදුකරනවා.

අපි බලමු මෙහි කතා සාරාංශය මොකද්ද කියලා. මයිකල් සහ කොන්රඩ් කියන්නෙ FBI නියෝජිතයෝ දෙන්නෙක් ඩ්‍රකෝ කියන දරුණුම ගනයෙ අපරාධකාරයකු පසුපස කාලාන්තරයක් තිස්සෙ පන්නන. මොවුන් දෙදෙනා ඩ්‍රකෝව හොයාගෙන දැන් තායිලන්තයට ඇවිල්ලා ඉන්නෙ. එහිදි මොවුන්‍ට ඩ්‍රකෝ ගැන තොරතුරක් ලැබෙනවා. ඉතින් ඒ තොරතුර අනුව ඔවුන් යනවා ඩ්‍රකෝ ඉන්නවා කියන සැක කරන ස්ථානයට.

කොහොමහරි නොසිතූ ලෙස එතන ගැටුමක් ඇතිවෙලා අවාසනාවන්ත ලෙස එහිදි කොන්රඩ් මියැදෙනවා. මෙතනින් තමයි ස්ටෝරිය පටන් ගන්නෙ. කොන්රඩ් මියයාමත් සමග මයිකල් හිතා ගන්නවා ඩ්‍රකෝ කියන අපරාධකාරයා ලෝකේ කොතන හිටියත් අල්ල ගන්න. ඒ අනුව මයිකල්ගෙ උත්සාහය සාර්ථක වෙවිද නැද්ද කියන එක බලන්න නම් මේ ෆිල්ම් එක බලන්න වෙනවා.

හොඳයි එහෙනම් මම මෙතනින් නවතිනවා. නැවත අලුත් සිංහල උපසිරැසියකින් අපි නැවත හමුවෙමු.