Money Heist aka La casa de papel [S01 : E02] | ඇදහිය නොහැකි පළමු සටන……

⏺ මංකොල්ලයේ පළමු නීතිය, එක ලේ බින්දුවක් වැටෙන්න නොදීමයි. ඒ වගේම බැංකුවේ ඇති කිසිම මුදලක් සොරකම් නොකිරීමයි.

⏺  අංක දෙක කිසිවිටකත් පෞද්ගලික දේවල්, සම්බන්ධතා කොහෙත්ම මෙයට අදාල කර කර නොගැනීමයි.

⏺ තෙවැන්න මෙය සැලසුම් සහගත මංකොල්ලයක් වග පොලිසියට අනාවරණය නොකිරීමයි.

මෙවැනි ප්‍රධාන නීති තුනක් ඇතිව, මාස 05 ක පුහුනුවක් ඇතිව ආරම්භ වන මුදල් කොල්ලයක් කෙසේ නම් ගලා යාවිද? දැනටමත් ඔබව නිසැකවම අන්ද මන්ද කරන්නට, ආරම්භය සමත් වී ඇති බවට මට සැකයක් නැහැ. මුදල් සොරකම් නොකර කරන්න යන මංකොල්ලයක් කිනම් හැඩයක් ගනීවිද. මට විශ්වාසයි ඔබ මින් පෙර එවැනි කොල්ලයක් දැක නැතුවා ඇති.

පෙර කතාංගයෙන්,

ටෝකියෝ, බර්ලින්, රියෝ, මොස්කව්, ඩෙන්වර්, නයිරෝබි, ඔස්ලෝ හා හෙල්සිංකිගේ පෙරවැඩ ගැන මේ වනවිට දැන් ඔබ හොඳාකාරවම දැනුවත්. මොවුන්ට අපි දන්නා පරිදි, නැතිවෙන්නට කිසි දෙයක් නැති පිරිසක්. තමාට තමා පමනක් ඇති පිරිසක්.

පළමු කතාංගය ආරම්භයේදීම ටෝකියෝගේ කතාව අපිට දැන ගන්නට ලැබුනා. ප්‍රොෆෙසර්ගේ උදව් ඇතිව පොලීසියෙන් මිදී , කොල්ලයට එක්වුන ටෝකියෝ මංකොල්ලයේ ප්‍රහාරකයෙක් මෙන්ම පෙර කොල්ලයන් තුල අත්දැකීම් ඇති දක්ෂ තරුණියක්. වටින් ගොඩින් ටෝකියෝ හා රියෝ අතර පහුගිය මාස 5 තුල සම්බන්ධයක් ඇතිවී ඇති බවත්, අපිට දැක ගන්න පුලුවන් වුනා.

මේ කතා මාලාව ටිකක් එහෙ මෙහෙ විසිරෙන කතා ශෛලියක් ඇති කතා මාලාවක්. ඉතින් මාස 05ක පුහුණුවක් ඇතිව මංකොල්ලකරුවන් 8 දෙනෙක් ස්පාඤ්ඤයේ රෝයල් මින්ට් ආයතනයට ඇතුලු වන්නේ සියලුම දෙයින් සන්නද්ධවයි . ඒ පිළිබඳ වැඩි විස්තර ඉදිරියේදී දැක ගන්නට පුලුවන් වේවි. මෙහි මහ මොළකරු, මංකොල්ලකරුවන් සමඟ නොවීම තවත් විශේෂයක් ගන්නවා.

කඩදාසි ගෙන එන ලොරියක් හරහා රෝයල්මින්ට් තුලට ඇතුල්වන කොල්ලකරුවන් එහි පාලනය
තමන් සතු කරගන්නට පළමු කොටසින් සමත්වූවා. එහිදී “ඇලිසන් පාකර්” තරුණිය වඩා සුවිශේෂී චරිතයක් වේව් කියන්නට පුලුවන්. ටෝකියෝ ඇයව සොයාගත්ත තැනත් ඔයාලට හොඳට මතක ඇති කියලා හිතනවා. ඒ වගේම ඉදිරියේදී අර්තුරෝ රෝමාන්, මොනිකා ගැස්ටම්බිඩ් මෙහි ප්‍රධාන චරිත වන්නට නියමිතයි. අර්තුරෝ කමකට අහන්නේ නැති මිනිහෙක් බව මේ වනවිට අපට පැහදිලියි.

ඒ කෙසේවෙතත් අවසානයේ සියලු ප්‍රාණ ඇපකරුවන් එක් තැන් කරන්නට මේ අටදෙනාගේ කණ්ඩායමට හැකිවූවා.

මාස 05ක පුහුණුවක් ඇතිව ආරම්භ කල මංකොල්ලයක් වුවත් නීති කැඩෙන බවක් තමයි ආරම්භයේදීම අපිට දකින්න ලැබෙන්නේ. ප්‍රථමයෙන් පෞද්ගලික සබඳතාද, දෙවනුව ලේ සෙලවීම්ද ඇති වනවා. පොලිසියට කල වෙඩි තැබීම, සැලසුම තුල නොවුවත් ටෝකියෝගේ ආදර අන්දරය මේ විශිෂ්ට සැලසුම බොඳ කරන්නට තරම් දුරකට ගලා යාවිදෝ කියන සැකය ඔබට ඇති කරන්නට ඇති.

මම එහෙම කිව්වට, මේ වෙනකම් ඔයා මංකොල්ලයේ සැලසුම කුමක්ද කියලා දන්නේ නැහැනේ. ඔව් ,නිසැකවම මේ කතා මාලාව ආරම්භයේ කිසිම තැනක සැලසුම මෙය යැයි අවසානයක් තෙක්, එකින් එකට පැවසෙන්නේ නැහැ. එය කතාවේ රසය වැඩි කරන ප්‍රධානම සාධකයක් වනවා. කූඹියෝ බලපු ඔයාලට ඒ රසය දැනිලා ඇති හොඳටම. ඒක වෙනම ආතල් එකක්…

ඔබ ගන්නේ මංකොල්ලකරුවන්ගේ පැත්තද? නැතිනම් පොලීසියේ පැත්තද? ඔන්න එහෙන්ම් ඔට්ටු අල්ලන දවස අදයි. එහෙනම් පටි තද කරගෙන සූදානම් වෙන්න.

අද කතාංගයෙන්,

පසුගිය කොටස අවසන් වන්නේ පොලීසිය නොමග යවන්න කල උත්සාහයේදී, ටෝකියෝගේ හදිස්සියට, සැලසුමට පිටින් ගොස් රියෝට වෙඩි වැදී ඇද වැටුන අවස්ථාවෙනුයි. කොහොමෙන්හරි රියෝව ඇතුලට දාගෙන බැංකුවේ ප්‍රදාන දොර වහගන්න සියලුදෙනා සමත් වූවා.

දැන් සියල්ලෝම ඇතුලේ. මීලඟට කුමක් වේවිද? රියෝට වෙඩි වැදුනා. ඔහු මිය යයිද? මාස ගණනක පුහුණුවෙන් පලක් නැතිවේවිද? ආරම්භයේදීම සැලසුම් සියල්ල වතුරේ යයිද ? රියෝගේ හා ටෝකියෝගේ සම්බන්ධය හැමෝටම අනාවරණය වේවිද? පොලීසියට වෙඩි තැබීමේ ඵලවිපාක කෙසේවේවිද? පොලීසිය මෙයට කෙසේ මැදිහත් වේවිද? මේ සියල්ලට විසදුම් අද කතාවෙන් සොයන්නට ඔබට හැකියි.

ආරම්භයේ පටන් කුතුහලයෙන් සපිරි කතාවක පහස ගෙනෙන්නට උදව් කල සමීර කරුණාරත්න සහෝදරයාවත් මතක් කරනවා. අදහස් වලට පහල ඉඩතිබෙනවා. අදහස් දක්වන සැමට තුති. ගිහින් එන්නම්. හැමෝටම ජය…!!! ?✌

ප:ලි:

මෙම කතා මාලාවේ සිංහල උපසිරැසි නිමවා ඇත්තේ ස්පාඤ්ඤ භාෂාව සඳහා වන අතර, නමුත් KM Player එක හරහා මෙය නැරඹීමේදී ස්වයංක්‍රීයව ස්පාඤ්ඤ භාෂාව ඉංග්‍රීසි භාෂාවට හුවමාරු වන නිසාවෙන් යම් අපහසුතා පැන නැගිය හැක. එය උපසිරැසියේ දෝෂයක් නොව තාක්ෂණික දෝෂයක් බව කරුනාවෙන් සලකන්න. වෙනත් Player එකක් තුලින් නැරඹීමේදී එසේ සිදුවන්නේ නැත.එම නිසාවෙන්, මෙය ස්පාඤ්ඤ භාෂාවෙන් නිවැරැදිව සිංහල උපසිරැසි සමග නැරඹීමට Pot හෝ Vlc player භාවිත කරන්න.

අවසාන වශයෙන් මෙය ස්පාඤ්ඤ භාෂාවෙන් නිකුත් වුන වීඩියෝ පිටපතට කල සිංහල උපසිරැසි ගැන්වීමක් වන අතර ඉංග්‍රීසි හඬ කැවූ වීඩියෝ පිටපත සමග 100% සමමුර්ථ නොවේ.

| WEBRip | x265 | 720p | 5GB |S01-S02

218C934C894F0CE3DF26A30A96204DAFC697EFA2

| WEBRip | x264 | 720p | 300MB |

| WEBRip | x265 | 720p | 210MB |

| WEBRip | x265 | 720p | 3GB |
Complete S01 |

</p

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)