The Terror [S01 : E01] | භීෂණයක ඇරඹුම..!

ඔන්න ඉතිං මගේ උසස් අධ්‍යාපන වැඩ කටයුතු නිමා කරල ටිකක් නිවී සැනසිල්ලෙ ඉන්නකොට ශාන් විමුක්ති නැත්තං අපි කියන්නෙ විමා කියලනෙ, විමා ඇහුව The Terror කියල සීරීස් එකක් තියෙනව කරමුද කියල.. මාත් නිදහසේ ඉන්න එකනෙ කියල බාර ගත්ත.. ඉතිං ස්තූතියි විමා මට මේක බාර දුන්නට.. භීෂණය කතාවට නියමෙටම ගැලපෙන නම කියල කියන්නම ඕනෙ. මුළු සීරීස් එකම බලල වැඩේට අතගැහුව නිසා මම දන්නව මේකෙ රස කොහොමද කියල. සෑහෙන කාලෙකට පස්සෙ, කියන්නෙ Game of Thrones, The 100, The Last Ship, Vikings, The Walking Dead, වගේ පට්ටම සීරීස් වලට පස්සෙ Game of Thrones වලට පමණක් දෙවෙනි වෙන මේ සීරීස් එක මගේ අතට ආපු එක ගැන නම් තියෙන්නේ සෑහෙන ලොකු සතුටක්. ඉතිං පළවෙනි එපිය බලල කවුරුහරි මේ කතාව අතාරිනවනම් කියන්න තියෙන්නෙ Game of Thrones මුල් සීසන් දෙක බලල ඒක අතෑරල දාපු අයට කියන්න තියෙන කතාවම තමයි. “එයාල පව්.. හොඳම ටික මිස් කරගෙන..” මේකත් ඒ වගේ පළවෙනි එපිය කියන්නෙ පදනම් කතාව. එතනින් එහාට එපි නමයම එක වගේ භීෂණය රජ කරනව. එහෙනං කතාව දිහාට පොඩ්ඩක් හැරෙමු.

මේක ඇත්තටම සෑහෙන ආස හිතෙන කතාවක්. මේක පටන් ගන්නෙ සෑහෙන පරණ ඉතිහාසෙකින්.. 1845 දී රාජකීය නෞකා දෙකක් එංගලන්තයෙන් පිටත්ව යනව ගවේෂණය කිරීමේ අරමුණින්, ඒ දෙකේ නම් තමයි “ටෙරර් සහ එරබස්”. දැඩි ප්‍රයත්නයකින් පසු ඔවුන්ට ආර්ක්ටික් හරහා යාත්‍රණීය මාර්ගයක් සොයා ගැනීමට හැකි වෙනව. මේ නෞකා එම කාලයට අනුව තාක්ෂණයෙන් අනූන නෞකා දෙකක් විදියට තමයි හදල තිබුණෙ.. කොහොම හරි මේ නැව් දෙක ආර්ක්ටික් සාගරට ඇතුළු වුණාට පස්සෙ හිම මත හිර වෙනව.. ඒකට හේතුව තමයි අධික වේගයෙන් ආර්ක්ටික් සාගරය ඝනීභවනය වීම.. ඉතිං මෙහෙම දින සති මාස ගෙවෙනකොට ඔවුන් අවසාන වරට දකින්නෙ තල්මස් දඩයමේ ගියපු පිරිසක්.. ඒ වෙනකොටත් ඔවුන් යහපත් කාලගුණයක් අපේක්ෂාවෙන් ඉඳල තියෙනව ආක්ටික් සාගරයේ ඝණ නොවුණු සාගර තීරයට ඇතුළු වෙන්න අපේක්ෂා කරමින්.. හැබැයි පස්සෙ ඒ නෞකා දෙකම තුරුදහන් වෙනව.. ඔවුන්ට මොකද වුණේ..? කවුරු හරි, නැත්තං මොකෙක් හරි පහර දුන්නද?
ඔවුන්ට ජීවිත බේර ගන්න හැකි වුණාද?
අද සිට මේ දිගහැරෙන්නෙ ඒ භීෂණයේ කතාන්දරය..

අද කොටසින්..

අද දැනගන්න පුළුවන් කතාවේ පදනම.. ඒ කියන්නෙ එංගලන්තයෙන් ටෙරර්, එරබස් නෞකා පිටත් වෙලා ආර්ටික් වලට ආවට පස්සෙ ඔවුන් කොහොමද හිම කාන්තාරයේ හිර වෙන්නෙ කියල.. මේ කොටසෙදි නැවේ වැඩ කරන කොලුවෙක් හදිස්සියේම අසනීප වෙනව.. ඒ කොහොමද? ඒ මොකක් නිසාද? මැරෙන්න මොහොතකට කලින් කොලුව දැක්කෙ මොකද්ද? බලලම දැනගන්න.. ඒ වගේම නැවේ හටගන්න ගැස්සීමකින් නාවිකයෙක් මුහුදට වැටෙනව.. ඔහුට මොකක් වේවිද? ඒ වගේම ගත්ත තීරණ වල ප්‍රතිවිපාකම් මොනවද ?මේ භීෂණයේ ඇරඹුම පමණයි.. රැඳී ඉන්න බයිස්කෝප් එක්ක..!

මේක IMDb හි ප්‍රේක්ෂක ඡන්ද 19000+කින් IMDb 8.1ක අගයක අති විශාල ප්‍රේක්ෂක ප්‍රසාදයක් ලබා ගන්න හැකි වුණු ඉහළ මට්ටමේ සීරීස් එකක් කියල බොහොම විශ්වාසෙන් කියන්න පුළුවන්.. ඒ වගේම කුණු තක්කාලිකාරයො(Rotter tomatoes) 95%ක ප්‍රසාදය වගේම, ගූගල් භාවිතා කරන්නන් (Google users)95%ක් සිය ප්‍රසාදය පළ කරල තියෙනව. හිතන්නකො ඇයි මේ තරම් කට්ටිය මේකට කැමති කියල. ඒකට හේතු මුළු කතාව පුරාම තියෙනව. ඒ වගේම මේක Adventure | Drama | History | Horror | Thriller ගණයට නම් කරල තියෙනව.. AMC එකෙන් තමයි මේකත් අරගෙන ආවෙ.. කියන්න ඕනෙ මේකෙ භාෂාව අතිශය සංකීර්ණයි. ඒ නිසා සෑහෙන ලොකු කට්ටක් කාල තමා වැඩේ ගොඩ දැම්මෙ. ඒ නිසා අඩුපාඩු ඇතොත් සමාව අයැද සිටිනවා මිත්‍රවරුණි.. ඉතිං එහෙනම් දිගටම භීෂණය පතුරන්න පටන් ගනිමු.. පටි තද කරගන්න.. හොඳ හුස්මක් ගන්න.. ඊලඟ කොටස අරන් ආපහු ඉක්මනට එන්නම්..!

ජය වේවා…!

| HDTV | x264 | SVA | 240MB |

 Direct Download