MENU

Ask Laftan Anlamaz [S01 : E25] | රණ්ඩු වෙවී යාලුවෙවී…

සුමාන දෙකකට පස්සෙයි මේ හම්බවෙන්නේ. පොඩි වැඩ රාජකාරි වගයක් තිබ්බ නිසා පරක්කු වුණා. සමාව ඉල්ලන ගමන් ගිය සතියේ කතාව ටිකක් මතක් කරන්නයි මේ සුදානම.

පහුගිය කොටස පටන් ගත්තේ මුරාත් එයාගේ අම්මගේ හදිසි දැනුම් දීමෙන් ඉපෙක්ලගේ ගිවිසගැනීමත් මග නවත්තලා සාදයෙන් ගියපු තැනිනුයි. මේකට නම් ඉපෙක්ට වස කේන්තිය වුණත්, හයාත් නම් ගොඩක් බයෙන් හිටියේ මුරාත් යද්දී කියලා ගිය නිසා. ඔය අතරේ වෙච්ච රණ්ඩුව මතක ඇතිනේ හසල් සහ ලෛලා අතර. හසල් පඩි පෙලෙන් වැටුනට කාගේ කාගේත් හොඳට ජීවිතේ බේරුනා. ලෛලා නම් හිටියේ හොඳටම බයවෙලා මේ ගැන. හැබැයි හිතේ සතුටක් තියෙන්න ඇති. අදාළ සිද්ධියෙන් පස්සේ මුරාත් හසාල්ව සේවයෙන් පහ කරන්නයි ගියේ. හසාල් නම් වැඩේ අරින්න සුදානම් නැති පාටයි.

මුරාත් ගැන ආරංචියක් නැති නිසා මහා රෑම වැස්සේ හයාත් මුරාත්ලගේ දිහා ආවා ඇතිනේ. අන්න ඒ වැස්ස නිසාම ඉපෙක්ලගේ ගෙදර ඇවිදින් කෙරම්ට වෙච්ච අවාසනාවන්ත සීන් එකත් මතකයිනේ. අන්තිමට සීයාගෙන් හොඳ පාරක් කාලා සීයා එක්කම නිදාගන්න වුණා. ඔය අතරේ අර පැත්තේ, ආච්චි මුරාත්වයි හයාත්වයි එකම කාමරේට දාලා අගුලු දානවා, දෙන්නගේ ප්‍රේමේ වැඩේවා කියලා වෙන්නැති. අනේ උන්ගේ ප්‍රේමේ. එතනත් මරාගත්ත එකනේ කරේ.

ඔය අස්සේ ගෙදර උත්සවයකුත් තිබ්බා. මනමාලිගේ දෑවැදි ගේන උත්සවයක්. ඒක ඉවර උනෙත් දෙර්යාගෙයි ලෛලාගෙයි වලියකින්. කෝමහරි මුද්දක සීන් එකක් නිසා අසීමේ නෝනා ලෛලාගේ තෝල්කයා වෙනවත් දකින්න ඇතිනේ. මේ දවස් වල නම් යක්ෂ දෙර්යා ගැන අනුකම්පාවක් තමා දැනෙන්නේ ඔය සීන් හින්දා. එම්රේ ඔෆිස් එකේ ඇති කරපු කලබගෑනියත් එක්ක සාර්ටේ එකේ හෙට දවස ගොඩක් අවිනිශ්චිත වෙලා තිබ්බේ. මිනිහා හයාත්ගේ සීත සෘතු එකතුව ගුලාට් එක්ක එකතු වෙලා මිනිහගේ වැඩක් විදිහට කරානේ. හයාත්වත් එක්කන් ගිහින් ඒක පෙන්නලා හයාත්ව මිනිහගේ පැත්තට නම්මගන්නයි හැදුවේ. ඒත් බැරිවුනාද කොහෙද? ඔය අතරේ එම්රේම ෆොටෝකාරයෙක් දම්මලා හයාත් ඒ ඔෆිස් එකේ ඉන්න ෆොටෝස් වගයක් ගැහුවා මතක ඇතිනේ, ඒවා මුරාත්ට යැව්වත් එක්ක. මුරාත් ඒවා දැක්කොතින් එහෙම මොනා වෙයිද?

තුවල් විසඳුමක් දුන්නා මේ සිද්ධ එන ආරවුල් වලට එකම විසඳුම හයාත් මුරාත් එක්ක එකතු වෙලා දරුවෙක් හදන එක කියලා. දාන්න ගිය නමත් මතකයිනේ, හයිමුර්! හයාත්ටත් මේක ඇහුවම නිකන් ආසයි ආසයි වගේ. කෙල්ල ගොඩක් සුදානම් වෙලා මුරාත් එනකම් රෑ ගෙදරට වෙලා බලන් හිටියා. මුරාත් එම්රේ එවපු ෆොටෝ ටික නොදැක්කා නම් එදා රෑ ගොඩක් සුන්දර වෙන්නත් තිබ්බා.

අද එතැන් සිට…!

Direct Download

| WEB-DL | x264 | 360p | 380MB |

 

WEB-DL | x264 | 720p  | 788MB |

 

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

Leave a Reply

Your email address will not be published. Required fields are marked *