Lucifer [S03 : E23] | විශිෂ්ඨතම ඩෙකර් තරුව

 අද මම ඔබ වෙත ගෙන එන්නේ ලුසිෆර් කතා මාලාවේ තුන්වෙනි සීසන් එකේ 23 වැනි කොටස. මේ කොටස ඔබ වෙත අරගෙන ආවෙ ගොඩාක් ගොඩාක් ප්‍රමාද වෙලා. ඒ ගැන සමාවෙන්න. කෙසේ වෙතත් අද කතාවට කෙලින්ම යමු. අද වෙන්නේ මෙහෙම දෙයක්. අද කතාව ආරම්භ වන්නෙ ඩෑන් චාලට්ට කොයිතරම් වැදගත් පුද්ගලයෙක් වෙලා ද කියන එක පෙන්වන සිදුවීමකින්. චාලට්ගේ එක්තරා සිහිනයකදී, ඩෑන් ඇයගේ ළමයි එක්ක කෑම මේසයෙදි එකතු වෙන අතර, ඔවුන්ව වෙඩි තැබීමට ලක්වෙනවා ඇයගෙ අපාය චක්‍රයේදී ඇය විසින් නිදහස් කළ මිනිමරුවන් අතින්. දිගින් දිගටම ලුසිෆර් උත්සාහ කරන්නේ තමන්ට ක්ලෝයි ගැන දැනෙන විදිය ඇයට කියන්නයි. විවාහ ගිවිස ගැනීම අවසන් වීමත් එක්ක, ලුසිෆර් සහ ක්ලොයිට තවත් අවස්තාවක් ලැබෙනව ඔවුන්ගෙ රාජකාරිමය සම්බන්දතාවය සහ පෞද්ගලික සම්බන්දතාවය යළි ගොඩනගා ගන්න. ඒත් වෙනදා වගේම ඔවුන්ට මෙවරත් විසඳන්න අබිරහස් මිනිමැරුමක් ලැබෙනවා. කෙසේවෙතත්, ඔවුන් සැළසුම් කරන විදියට දේවල් සිදුවෙන්නෙ නැති වීමත් එක්ක ඔවුන් වටහා ගන්නවා, නියම මිනීමරුවා මුල්ම සැකකරුවා නො වෙන බව. තුන්වෙනි සීසන් එක පුරාම චාලට් සැළසුම් වෙනස් කරන්නියක් වුණා. තමන් අපායට යන එක වැළැක්වීම වෙනුවෙන් හොඳ වෙන ඇය, දැන් උත්සාහ කරන්නේ තමන් අපායෙන් ඈත් වී සිටිය යුතුම බව ඔප්පු කරන්න අරගල කරන්නයි. මේ උත්සාහයන් තවත් දිරි ගැන්වෙන්න හෙතුවක් වෙනව ඩෑන් ඇය අසළ ඉන්න එක. ඒත් ඇයගෙ ආතතිය ඇයව ප්‍රශ්නයෙන් මුදවා ගනීවිද? නැත්නම් ඇය වඩාත් දරුණු ලෙස අවදානමට ලක් කරාවි ද? මේ අතර ඇමනඩියෙල් උත්සාහ කරන්නේ තමන්ගේ තටු නැවත ලබාගන්නයි. පියර්ස් සහ මේස් ඇමනඩියෙල්ව මරන්න සැළසුම් කරනවා, පියර්ස්ගේ නැතිවුණු කැළල නැවත ඔහුට ලබාගැනීමටත්, මේස්ට නැවත අපායට යන්න අවස්තාවක් උදා කරගන්නත්. ඔවුන් දෙන්නගෙ උත්සාහයන් සාර්ථක වෙයිද? ලුසිෆර් ක්ලෝයිට හෙළිකරාවිද තමන් යක්ශයා බව? මේ ඔක්කොම එකට සමබන්ධ වෙලා කතාව යන හැටි අද කොටසින් බලාගන්න. දිගටම බයිස්කෝප් අඩවියත් එක්ක රැඳී ඉන්න. කරුණාකර මේ නිර්මාණය පිළිබඳ ඔබේ අදහස් Comment එකකින් අප වෙත දන්වන්න. ඔබට තෙරුවන් සරණයි!!