The Mission (1986) ස්වර්ග රාජ්‍ය…

ආයුබෝවන් හැමෝටම! අද ගෙනාවේ 80 දශකයේ චිත්‍රපටියක්. මේක කරන්න අවසර ලබා දුන්නේ හසන්ත අයියා. චිත්‍රපටිය ගැන කියනවා නම් අධ්‍යක්ෂණය කරලා තියෙන්නේ 1986 දී Roland Joffé කියන අධ්‍යක්ෂවරයා. චිත්‍රපටියට IMDb වර්ගීකරණයේ 7.5/10 ක් ලැබිලා තියනවා. මේ චිත්‍රපටියට 1987 ඔස්කා සම්මාන 6කට නිර්දේශ වෙලා තියනවා සහ එක් ඔස්කා සම්මානයක් ජයග්‍රහණය කරලා තියනවා. ඒවගේම වෙනත් සම්මාන 14 ක් දිනලා තියනවා වගේම 26 ක් සදහා නිර්දේශ වෙලා තියනවා. චිත්‍රපටියේ මෙන්ඩෝසාගේ චරිතය රගපාන්නේ ප්‍රවීන රංගන ශිල්පී Robert De Niro, ගේබ්‍රියල් පියතුමා ලෙස Jeremy Irons සහ ඊට අමතරව Liam Neeson ද රංගනයෙන් එකතු වෙනවා.

කතාව වෙන්නේ මෙහෙමයි,ස්පාඤ්ඤය සහ පෘතුගාලය 18 වැනි ශතවර්ෂයේදී දකුණු ඇමරිකාවේ බලය අල්ලාගන්න තරගයක යෙදෙනවා. මේ රටවල් ඒ භූමි වල සම්පත් අල්ලාගන්නවා වගේම වහල් වෙලදාමත් ක්‍රියාත්මක කරනවා. රොද්‍රිගෝ මෙන්ඩෝසා කියන්නේ කුලී හේවායෙක් වගේම වහල් වෙලෙන්දෙක්. එයා කරන්නේ ස්වදේශික ඉන්දියානුවන්ව අල්ලලා එතකොට ලතින් ඇමරිකාව ආක්‍රමණය කරලා හිටිය පෘතුගීසින්ට සහ ස්පාඤ්ඤ ජාතිකයන්ට එයාලාව විකුනණ එක. ඔය වහල් වෙලදාමට එතකොට ධර්ම දූත මෙහෙවරේ යෙදිලා ඉන්න මිෂනාරි පියතුමන්ලා සෑහෙන්න විරුද්ධ වෙනවා. ඒ වගේම වහල් වෙලදාමෙන් බේරෙන්න ස්වදේශ ඉන්දියානුවනුත් මිෂනාරි වල පිහිට පතාගෙන එනවා. ඒ හින්දා වහල් වෙලෙන්දන් මිෂනාරි වලට දැඩි විරුද්ධත්වයක් දක්වනවා. ඔය වගේ පසුබිමක තමයි ගේබ්‍රියල් පියතුමා ස්පාඤ්ඤයට අයත් භූමි ප්‍රදේශයක ශාන්ත කාර්ලෝස් මිෂනාරිය පිහිටවන්නේ. බොහොම අමාරුවෙන් පටන්ගත්ත වැඩේ අන්තිමේට සෑහෙන්න සාර්ථක වෙනවා. ඔය අතරේ නගරෙට යන වෙලාවක ගේබ්‍රියල් පියතුමා දැනගන්නවා මෙන්ඩෝසා එයාගේ සහෝදරයා මැරුව හින්දා, පිහිටක් පතාගෙන පල්ලියට ඇවිත් කියලා. ඉතින් ප්‍රධාන පූජකතුමා එයාට උදව් කරන වැඩේ ගේබ්‍රියල් පියතුමාට භාර දෙනවා. ඉතින් පියතුමා තීරණය කරනවා ව ශාන්ත කාර්ලෝස් මිෂනාරියට අරං යන්න. ඉතින් මෙන්ඩෝසාට මොනවා වෙනවා ඇතිද? නැවත හමුවෙමු!

“ආලෝකයට අදුරේදී බැබලිය හැකි මුත් අදුරට එය මැඩලීමට හැකියාවක් නොමැත.”
-ජෝන්, 1 වැනි පරිච්ඡේදය