Marvels Daredevil [S03 : E08] | වැළලුන අතීතය…

කතාව තවත් රසවත් වෙමින් පවතින අවස්තාවක තමයි අද මේ අටවෙනි කොටස රැගෙන ආවේ. ඉතින් අද කොටසේ අවසානයේදී ඔයාල ඩෙයාඩෙවිල් කතා මාලාවේ මේතාක් කලකට නොදන්න රහසක් අනාවරණය කරගන්නවා. ඒක අන්තිමේදී දැනගන්න ඉඩ තියලා මම කලින් කොටස ගැන ටිකක් මතක් කරන්නම්.

පසුගිය කොටසින්….

කලින් කොටස අවසන් වෙන්නේ මැතිව් සහ නඩීම් දෙදෙනා හමු වීමත් එක්ක. මැතිව් එනවා නඩීම්ගේ ගෙදරට මේ ගැන කතා කරන්න.  ඊට පෙර දකින්න ලැබුණු අනික් දේවල් තමයි. ඩෙයාඩෙවිල් යනවා මෙල්වින් හෙවත් මුලින්ම ඩෙයාඩෙවිල් ඇඳුම නිර්මාණය කල කෙනාව සොයාගෙන. එතැනදී දැනගන්නවා ෆිස්ක් තමයි මේ ඇඳුම නිර්මාණය කෙරෙව්වේ සහ ඒ ඇඳුම නිර්මාණය කරන්න ඔහුට වෙනම කර්මාන්ත ශාලාවක් පවා  හදා දීල තියෙන බවත්. ඒ වගේම මේ ඇඳුම නිර්මාණය කල කෙනා සිටින්නේ FBI එක ඇතුලේ බවත් මෙල්වින් හරහා ඩෙයාඩෙවිල්ට දැනගන්න ලැබෙනවා. ඒ වගේම බුලටින් එකේ ප්‍රහාරයට පස්සේ ඩෙයාඩෙවිල්ගේ අනන්‍යතාවය හෙළි නොකළ නිසා බුලටින් එකේ රැකියාවට සමුදෙන්න කැරන්ට සිද්ධ උනා. ඒ වගේම බුලටින් ප්‍රහාරයෙන් පස්සේ හැමෝගෙම ජිවිත තරමක් වෙනස් වෙලා තියෙනවා. ඒ අතර තුරේදී තමයි ඩෙයාඩෙවිල්  FBI නියෝජිත නඩීම්ගේ නිවසට පැමිණෙන්නේ. ඉතින් අද කොටස ආරම්භ වෙන්නේ ඒ සමඟින්.

අද කොටස තුල මැතිව්, ෆොගි සහ කැරන් විවිධාකාර අවස්ථාවන්ට මුහුණ දෙනවා තමන්ගේ ප්‍රධාන සතුරා වන විල්සන් ෆිස්ක් නැවතත් බලවත් වීම වලක්වන්න යාමේදී. වරක කැරන්ට ජීවිතය ගැන පවා නොසලකා යම් පියවර ගන්න වෙනවා. ඒ වගේම නඩීම් සහ ඩෙයාඩෙවිල්  දෙදෙනා එකතු වෙලා යමක් හොයන්න වෙහෙසෙනවා. අවසානයේ මේ කොටසේ මාතෘකාව තුලින් කියවෙන වැළලී ගිය අතීතයක ලොකු දෙයක් හෙළි වෙනවා. ඉතින් ඒ දේ මැතිව්ගේ ජිවිතයට ගොඩක් ලොකුවට බලපාන දෙයක්. එහෙනම් ඒ මොකද්ද කියල බලන්න ඔබට ඉඩ දීල සමු ගන්නම්. එහෙනම් නැවත හමුවෙමු. හැමෝටම ජය !!!

| WEB-DL | x265 | 720p | 3.4GB | Complete S03 |

 Direct Download