Galveston (2018) | පලායාම..

2016 ජනවාරි පළවෙනිදා මගේ 9 වෙනි උපසිරුසිය දැම්මට පස්සේ ඔන්න අද තමා මගේ 10 වෙනි උපසිරු නිර්මාණය අරන් ආවේ. මුලින්ම කියන්න ඕනේ මේ චිත්‍රපටියට උපසිරුසි නිර්මාණය කරන්න අවසර ලබා දුන්නේ ශාන් විමුක්ති අයියා, මුලින්ම එයට ස්තුතී වන්ත වෙනවා. නිවාඩු දවසක් ලැබුන නිසා මට මේක භාර අරන් පැය 24ක් යන්න කලින් ඉවර කරන්න පුළුවන් වුනා.

මම අද අරන් ආව චිත්‍රපටිය තමයි Galveston කියන්නේ. මේ චිත්‍රපටිය වර්ගීකරණයට අනුව අයත් වෙන්නේ Crime/Drama කියන ගණයට. මේ වසරේ ඔක්තෝබර් 19 වෙනිදා තමයි මේ චිත්‍රපටිය ලොව පුරා ප්‍රදර්ශනය ආරම්භ කරලා තියෙන්නේ. මේකට පාදක වෙලා තියෙන්නේ Nic Pizzolatto නම් කතුවරයා මේ චිත්‍රපටියේ නමින්ම රචනා කරපු Galveston කියන නවකතාව. මේ චිත්‍රපටිය අධ්‍යක්ෂණය කරලා තියෙන්නේ Mélanie Laurent (The Adopted 2011, Plonger 2017, Breathe 2014) නම් අධ්‍යක්ෂවරිය. මේ චිත්‍රපටියට Lili Reinhart, Elle Fanning, Ben Foster යන අය රංගනයෙන් දායක වෙනවා.

කතාව පැත්තට හැරුනොත් මේකේ කතා නායකයා වෙන්නේ රෝයි කැඩි කියන පුද්ගලයා මෙයා තමන්ගේ බොස් වෙනුවෙන් කුලියට මිනී මරණ Hit man කෙනෙක්. ඉතින් මෙයාගේ බොස් මෙයාට දවසක් වැඩක් බාර දෙනවා. ඒ තමයි මිනිහෙක්ව හම්බෙන්න ගිහිල්ලා එයාට යමක් තේරුම් කරවලා දෙන්න. නමුත් මෙයාගේ බොස් ගේ යටි හිතේ තියෙන්නේ මේ රෝයි ව ඒ මාර්ගයෙන් ,මරලා දාන්න. ඉතින් මේ රෝයි මේක තමන්ව මරන්න හදපු උගුලක් බව නොදැන තමන්ගේ යාලුවත් එක්ක යනවා ඒ වැඩේ ඉවරයක් කරලා. එත් රෝයිට වැඩි වෙලාවක් යන්නේ නෑ මේක උගුලක් කියලා අදුරගන්න. එතකොට වෙන්න ඕනේ සේරම වෙලා ඉවරයි. රෝයිගේ බොස් ගේ අය රෝයි වයි එයාගේ යාලුවවයි අල්ලගන්නවා. රෝයිගේ යාළුවව එතනදීම මරලා දානවා, ඒත් රෝයි කොහොමහරි එයාලගෙන් බේරෙන්න සමත් වෙනවා මෙහෙම බේරිලා යන්න හදනකොටම එයාට හම්බෙනවා පුටුවක ගැටගහලා ඉන්න ලස්සන කෙල්ලෙක්ව…

මම ඔච්චරයි ඔයාලට කියන්නේ මේ චිත්‍රපටිය රසවිදින්න ඔයාලට බාරයි එහෙනම්, කලින් කියන්න බැරි වුනා මේ චිත්‍රපටියට IMDB අගය 6.2 කුත් rotten tomatoes අගය 71% කුත් ලැබිලා තියෙනවා.

එහෙනම් මේ චිත්‍රපටිය ඔයාලට රසවිදින්න බාරකරමින් මම නිහඩ වෙනවා. ජය.