American Animals (2018) | ඩොලර් මිලියන දොළහේ මංකොල්ලය…[Bluray Update]

ආයුබෝවන් යාළුවනේ..!

මම මේ කියන්න යන දේ කියවන්න කම්මැලි නම් ශේප් එකේ පහලට ගිහින් සබ බාගන්න.. ඉතිං ඔන්න හරියටම අවුරුදු 1යි මාස 3යි දවස් 13ක කාලයක කැපවීමකින් පස්සෙ මේ අරගෙන එන්නෙ මගේ පනස් වැනි උපසිරැසිය. ලොකුවට මොකුත් කියන්න උත්සාහ කරන්නෙ නෑ මම. ලිව්වත් කවුරුවත් කියවන්නෙ නෑනෙ. ඒත් ඉතිං යුතුකම් කීපයක් තියෙනව ඉෂ්ට කරන්න. මුලින්ම මම බයිස්කෝප් ඇඩ්මින් මණ්ඩලයේ සහෝදරයන්ට ස්තූතිවන්ත වෙන්න ඕනෙ මාව බයිස්කෝප් පවුලට පිළිඅරගෙන මේ තරම් දුර එන්න අතහිත දීම වෙනුවෙන්. ඇත්තම කිව්වොත් විමා තමයි මාව මේ තරම් දුර එන්න ප්‍රධානම සාධකය වුණේ. විමා හැම වෙලාවෙම උපසිරැසියක් ඇඟේ එල්ලපු නිසා තමයි මෙච්චර ඉක්මනට මේ ගමන ආවෙ. ඒ වගේම සමීර, නොදන්න ගොඩක් දේවල් කියල දීල මේ ගමනට ලොකු හයියක් වුණා. හසායිය නම් වැරදි හොයන එක තමා කරන්නෙ. බේරෙන්න බෑ. කොහොමහරි ඉතිං එහෙම වැරදි හොයන නිසාම හැම වෙලාවෙම ගුණාත්මක උපසිරැසියක් නිර්මාණය කරන්න අවස්ථාව ලැබෙනව. රොයිලි අයියවත් මේ වෙලාවෙ සිහිපත් කරන්න ඕනෙ, මොන වැඩේ තිබ්බත් හැම උපසිරැසියකටම “ජය” කියල සුභපතල යනවනෙ. ඒක ඉතිං මාරම ලොකු හයියක්. ඒ වගේම චාමර, දෙන හැම උපසිරැසියම මාර ඉක්මනට පළ කරන්න බැඳිල ඉන්නෙ. ඉතිං රොයිලි අයිය, හසන්ත වික්‍රමරත්න අයියා, ශාන් විමුක්ති, සමීර කරුණාරතන, චාමර සම්පත්, අසංක ප්‍රදීප් රණතුංග, සුධීර මාලන්, ප්‍රණීත් චින්තක රණසිංහ, සිසිල ප්‍රසාද්, ආසිරි ප්‍රියන්ත මේ හැමෝම ගොඩක් ලෙංගතුව සිහිපත් කරන්න ඕන අය.

මීට අමතරව බයිස්කෝප් එක තුළදි යාළුවො සෑහෙන ප්‍රමාණයක් හමුවුණා. කවදාවත් දැකල නැති හැබැයි හොඳ යාළුවො වුණු අය. ලහිරු ප්‍රසාද්, අචින්ත උදයංග, නුවන්ත දුලාන්, නිලුපුල් මධුකප්‍රිය, රවිඳු රුක්ෂාන්, දිල්ශාන් සචින්ත, තරිඳු ගමගේ, ඉසුරු සම්පත්, කවිෂල් රසින්ත, යුශාන් පියුමාල්, මයුර සුරාජ් මේ වගේ ගොඩක් යාළුවො හමුවුණා. ඒ වගේම ශෂිකා එරන්දි මගේ යෙහෙළිය හැම වෙලාවෙම ලොකු සහයෝගයක් ලබා දෙනව උපසිරැසිකරණයේදි මාව දිරි ගන්වමින්. ඉතිං මඟ හැරුණු කෙනෙක් ඉන්නවනම් සමාවෙන්න ඕනෙ ඉතිං. ඒ වගේම මගේ නිර්මාණ වලදි අදහසක් දක්වල ගියපු හැමෝටම මගේ ශීර්ෂ ප්‍රණාමය පිළිගන්වන්න කැමතියි. ඔය තමයි මගේ විස්තරේ. ඒකත් දිග වැඩියි ඒත් ඉතිං ඔය මතක් කරන්නම ඕනෙ ටික තමා කිව්වෙ. එහෙනම් කතාව දිහාවට හැරෙමු දැන්.

IMDb දර්ශකයේ ප්‍රේක්ෂක මනාප 17,544ක් ලබා ගනිමින් 7.1ක ඉහළ ප්‍රේක්ෂක ප්‍රතිචාර ලැබුණු සිනමා කෘතියක් තමයි මේ අරගෙන ආවෙ. Rotten Tomatoes මීටරේ 88% ක ප්‍රතිචාරත් ඔන්න මේකට ලැබිල තියෙනව. ඒ වගේම Google user 88% ක් සිය මනාපය මේ සඳහා පළ කරල තියෙනව. Crime, Drama, Mystery & Suspense යටතේ වර්ගීකරණය කරල තියෙන මේ සිනමා කෘතිය පැය 1යි විනාඩි 56ක් පුරාවට ඔබව විස්මයට පත් කරල තියන්න සමත් කියල කියන්න පුළුවන්. මේක සත්‍ය කතාවක්. ඒ වගේම සාම්ප්‍රදායික සිනමා කලාවෙන් ඔබ්බට ගිහින් සත්‍ය කතාවක් ඉදිරිපත් කරන්න අවශ්‍ය නියම විදියට ඉදිරිපත් කරල තියෙනව. සමීර සහෝ තමයි මට මේක කරන්න කියල ටික කාලෙකට කලින් දුන්නෙ.

පටන් ගන්න මුල්ම විනාඩියේ ඔබව ග්‍රහණය කරගන්න සමත් වෙන වැකි දෙකක් මේකෙ යනව. එතනින් එහාට කතාව වෙනස් ආරකට බොහොම ආකර්ශනීය විදියට ගලාගෙන යනව. ස්පෙන්සර් රැන්හාඩ්, එරික් බොර්සොක්, චාර්ලස් ඇලන් සහ වොරෙන් ලිප්කා.. මේ තමයි මේ කතාවේ කතා නායකයන්. මෙයාල විශ්වවිද්‍යාල ශිෂ්‍යයින් හතරදෙනෙක්. මේ හතරදෙනාගෙන් ස්පෙන්සර් රැන්හාඩ් දැනගන්නව ට්‍රාන්සිල්වේනියානු විශ්වවිද්‍යාලයේ පුස්තකාලයේ ඉතාම වටිනා ග්‍රන්ථ වල මුල් අත් පිටපත් තියෙනව කියල. මේක දැනගත්තට පස්සෙ ඔහු ඒක ඔහුගේ මිත්‍රයා වොරෙන් ලිප්කාට කියනව. ඔතන තමයි හැරවුම් ලක්ෂය. මේ පොත්වල වටිනාකම ඩොලර් මිලියන දොළහකට වැඩියි. ඔය වටිනාකම නිසා තමයි ඉතිං එතනින් එහාට, එරික් බොර්සොක් සහ චාර්ලස් ඇලන් මේ කතාවට ඈඳෙන්නෙ.

ඔවුන් හදන්නෙ මේ පොත් හොරකම් කරන්න, ඇමරිකානු ඉතිහාසයේ ස්වර්ණමය කොල්ලකෑම මේක වේවි. ඒකට හේතුව තමයි මේ මිලියන 12ක් වටින පොත් බලාගන්න ඉන්නෙ එක වයසක පුස්තකාලයාධිපතිනියක් විතරයි. කිසිම කැමරාවකුත් පුස්තාකලයේ මේ කොටසේ නැහැ, එහෙනම් ඉතිං මොකටද බය වෙන්නෙ, මේක හොඳ සාර්ථක සැලැස්මකට අනුව හොරකම් කරන්න පුළුවන්නේ.. හැබැයි හිතන තරම්, පේන තරම් සරළද මේ හොරකම. ඇයි මෙච්ච්ර වටින පොත් ගොඩක් කිසි ආරක්ෂකයෙක් නැතුව වයසක ගැහැණු කෙනෙකුට බාර දීල තියෙන්නෙ? සැලසුම කොච්ච්ර හොඳ වුණත්, ආරක්ෂාව කොච්චර අඩු වුණත් කෙස් ගහකින් ඔක්කොම ගැස්සෙන්න පුළුවන්. එහෙනම් ඉතිං මේක කැමති නම් බලන්න කියල ආරාධනා කරනව. ඒ වගේම කියන්න ඕනෙ මේක මගේ රසයට සුපිරියක් වුණාට, තව කෙනෙකුට එහෙම නැතිවෙන්න පුළුවන්. ඒ නිසා මේ ලබා දෙන නිර්මාණ පූර්ව ප්‍රචාරක පටයක් එහෙම බලල හොඳනම් විතරක් බාගන්න. එහෙනම් ගිහින් එන්නම්..

ජය වේවා..!

The perfect heist is a work of fiction.