Arrow [S07 : E07] | මහ උළුගෙදර වින්නැහිය…

ඔන්න එහෙමනම් ගෙනාවා ඇරෝ හත්වන කතාමාලාවේ හත්වන කොටස. හරි එහෙමනම් අපි වෙනදා වගේම කලින් සතියේ කොටහා මතක් කරගෙන බලමු කතාවේ මොකද වෙන්නේ කියලා.

ගිය සතියේ අපි දැක්කා රිකාඩෝ ඩියැස් ඇනටෝලිව යොදාගෙන යම් උගුලක් ඇටෙව්වා කියලා. ඉතින් මේ ස්ථානයට ෆෙලිසිටි, ලෝරල් සහ රෙනේ ඇතුළු කණ්ඩායමත් ජෝන් ඇතුළු ආර්ගස් කණ්ඩායමත් ඩයිනා ඇතුළු ස්ටාර් සිටි පොලිසියත් කියන ඔක්කොමලා ආවා. හැබැයි ඉතින් ඩියැස්වනම් අල්ලගන්න උනේ නෑ. පස්සෙ කොහොමින්හරි ෆෙලිසිටි මෙතනට ආවේ කොහොමද කියන එක ගැන ප්‍රශ්ණ කරගෙන යද්දි හැමෝම නොදනිම තම තමන්ගේ රහස් හෙළි කළා. කොහොමහරි ඒ සිද්ධියෙන් පස්සෙ කට්ටියම තීරණය කළා මේ කාරණයේදී එකතු වෙලා වැඩ කරන්න.

ඉතින් ආර්ගස් එකත් එක්ක එකතු වෙලා වැඩ කරන ෆෙලිසිටි ආයෙම සැලැස්මක් හැදුවා ඇනටෝලිව ඇමට දාලා ඩියැස් ඉන්න තැන හොයාගන්න. කොහොම නමුත් ෆෙලිසිටි නිසා තව පොඩ්ඩෙන් ඇනටෝලිට මැරුම් කන්න වෙනවා. ඒ වගේම ගිය සතියේ කොටසින් දැකගන්න ලැබුනා ෆෙලිසිටි කියන චරිතයේ දැවැන්ත පරිවර්තනයකට මුල පුරලා කියන කාරණෙ. ඉතින් කොහොමහරි මේ කට්ටියට මේ වතාවෙනම් හැකියාවක් ලැබෙනවා ලෝන්ග්බෝ හන්ටර්ස්ලව පරාද කරලා රිකාඩෝ ඩියැස්ව අල්ලගන්න.

මතකනේ විලියම් ලොකු වෙලා ඉන්න ටයිම්ලයින් එක. ඉතින් ඒ කාලේ විලියම්ට ෆෙලිසිටි ගැන ගොඩක් රහස් දැනගන්න ලැබෙනවා. හැබැයි ඒවා හොද රහස්නම් නෙවෙයි. ඒ වගේම රෝයි ස්ටාර් සිටිවලට එන්න තීරණය කරලා තිබ්බේ ඔලිවර්ගේ දුන්නෙ තිබිලා හම්බවෙච්ච පණිවිඩේ නිසා. රෝයි ඩයිනාට කිව්වා මතක ඇතිනේ සිව්දෙනාගේ සංකේතය කියලා එකක්.. ඒ මොකක්ද කියන එකනම් ඉතින් තාම අපිට අභිරහසක්. ඒ වගේම ෆෙලිසිටි ගැනත් අන්තිමට දැනගන්න ලැබෙන්නේ බොහොම භයානක දේවල්ම තමයි.

හරි එහෙනම් ඔන්න අද කොටහේ ඩියැස් වෙනුවට ඔලිවර්ව නිදහස් කරන්නයි සුදානම. හැබැයි ඉතින් වෙනදා වගේම ඩියැස් ලොකු වින්නැහියක් තමයි කරන්නේ ඔලිවර්ව මරන්න කියලා. එහෙමනම් අපි බලමු අද කතාවේ මොනා වෙයිද කියලා.