Arrow [S07 : E09] Elseworlds, Part 2 | වෙනත් ලෝක 2 කොටස- ගෝතම් නගරය වෙත

ඇරෝ,ෆ්ලෑෂ්, සුපර්ගර්ල් කතාමාලාවන්හි වාර්ෂික ක්‍රොස්ඕවර් කොටස් පහුගිය දා ආරම්භ උනේ ෆ්ලෑෂ් කතාංගය සමගින්. ඉතින් මේ සුදානම else worlds ක්‍රොස්ඕවර් කොටස්වල දෙවැන්න ලබා දෙන්නයි. හොදයි එහෙනම් අපි බලමු කතාවේ මොකද වෙන්නේ කියලා.

ගිය සතියේ දැක්කා ඔලිවර් ක්වින් උදේ අවදි වෙද්දී ඉන්නෙ අයිරිස් එක්ක. ඒ වගේම අයිරිස් ඔලිවර්ට බෙරී කියලා කතා කරනවා. එතකොට අපේ බෙරී ඇලන් ඔලිවර් ක්වින් වෙලා. කොටින්ම කිව්වොත් දෙන්නට දෙන්නාගේ ශරීර මාරු වෙලා. හැබැයි මේ විත්තිය කිසිම කෙනෙක්ට මතකයක් නෑ ඒ දෙන්නට ඇරෙන්න. ඉතින් ඔලිවර් සහ බෙරී දෙන්නම එක්කාසු වෙලා මේ ගැන මුලින්ම කියන්නේ ෆ්ලෑෂ් ටීම් එකට. හැබැයි ඒකෙනුත් වෙන්නේ මාරම වින්නැහියක් තමා. ෆ්ලෑෂ් ටීම් එක මේ දෙන්නව විශ්වාස කරන්නෙ නෑ. ඒ නිසාම දෙන්නව අල්ලලා පයිප් ලයින් ඒකෙ හිර කරලා දානවා. හැබැයි පැනයාමේ කලාවේ විශේෂඥයෙක් වෙන ඔලිවර්ගේ දැනුමත් ෆ්ලෑෂ්ගේ බලයත් එක්ක දෙන්නා එතනින් පැනගත්තා.

පස්සෙ දෙන්නා කල්පනා කරලා බලලා තීරණය කරනවා අර්ත් 38වලට ගිහිල්ලා කාරා ඩැන්වර්ස්ව ඒ කියන්නේ සුපර්ගර්ල්ව හමුවෙන්න. ඒ අනුව දෙන්නා සුපර්ගර්ල් ඉන්න ලෝකෙට යනවා. එතැනදී සුපර්ගර්ල් ඉන්නෙ තමන්ගේ ඥාති සොහොයුරා වෙන ක්ලාක් කෙන්ට් සහ ඔහුගේ පෙම්වතිය ලොයිස් ලේන් එක්ක ස්මොල්විල්වල. ඉතින් ඔලිවර් සහ බෙරී දෙන්නා තමන්ගේ ප්‍රශ්නේ කිව්වහම සුපර්ගර්ල් ක්ලාක් එක්කම ඒ කියන්නේ සුපර්මෑන් එක්කම ආපහු අර්ත් 1වලට එනවා. ඒ ආවහම මෙයාලට හටන් කරන්න වෙන්නේ ඇමේසෝ කියලා රොබෝවෙක් එක්ක.

කොහොමහරි මේ ගැටලුවට විසදුමක් හොයන ඇරෝ සහ ෆ්ලෑෂ්ව සිස්කෝ දකින වයිබ් එකක් නිසා ගෝතම් නගරය වෙතට යොමු වෙනවා. එහෙනම් අද කොටසින් දැක බලාගන්න පුළුවන් ගෝතම් නගරය ඒ වගේම බැට් වුමන්ව.එහෙමනම් ඇරෝ කොටහේ වෙන දේවල් මං මොකුත් කියන්නේ නෑ. ඔහෙලාම බලලා දැනගන්න. අන්තර්ජාලයේ සදහන් වෙලා තියෙන ආකාරයට ඇරෝ ආයේ විකාශය වෙන්නේ ජනවාරි 21වැනිදා ඔන්න.