Robin Hood (TV Series 2006–2009) [S03 : E09] | අනතුරුදායක ගනුදෙනුව

ඇත්තටම චිත්‍රපටවලට උපසිරැසි හදනවට වඩා නම්, කතා මාලාවලට උපසිරැසි හදන එක ලේසියි. ඒත් හදන්නේ එකක් විතරක්යැ. අනික ඔක්කොම හදලා ඉවර වෙනකම් හිතට නිදහසක් නෑ වගේ. ඔයාලත් ඊළඟ කොටස එනකම් බලාගෙන ඉන්නවා කියලා අපි දන්නවනේ. ඉතින් ඔන්න පැය හතරක් – පහක් විතර ටයිප් කරලා, නවවෙනි කොටසත් හදලා ඉවරයි. ඉතින් ඉක්මනටම කතාව පැත්තට හැරෙමුකෝ.

පසුගිය කොටසින්

රිචඩ් රජතුමා ශුද්ධ වූ දේශයේදි මැරුනයි කියලා කියන, රජතුමාගේ ඔටුන්න භාරකාරයා වන ෂෙරිඩන්, නොටින්හැම්වලට රජතුමාගේ මිනිය ගේනවා. අග රදගුරු තුමාත් මිනිය ඇත්ත බවට තහවුරු කරගන්න අතරේ, රොබින්ලාත් ඒක සහතික කරගන්න එනවා. එයාලා හොයාගන්නේ, මේ මිනිය ඉටිවලින් හදපු පිළිමයක් බවයි. කොහොමහරි ජෝන් කුමාරයා මිනියත් ගිනි තියලා සාක්ෂි විනාශ කරලා, රාජාභිෂේකයත් තියන්නයි හදන්නේ. අවසානයේදි රොබින්ලා රැවටීමක් කරලා, මිනිය බොරුවක් බව ෂෙරිඩන්ගේ කටින්ම හැමෝම ඉදිරියේ කියවනවා. ඒකෙන් රාජාභිෂේකයත් නවතින අතරේ, ගිස්බන් එතනට ඇවිත් ජෝන් කුමාරයාව මරන්න යනකොට සෙබලුන්ට අහුවෙනවා. රොබින්ලා කුමාරයාගෙන් ඔටුන්න පැහැරගෙන, ආයෙත් අග රදගුරුතුමාට දෙනවා. ජෝන් කුමාරයා ඉසබෙලාව නොටින්හැම් හි ෂෙරිෆ් විදියට පත්කරලා, නොටින්හැම්වලින් යනවා.

මෙවර කොටසින්

ගිස්බන්ට දැන් මරණ දඬුවම දෙන්නයි සූදානම. සමහර කතාවල, දුෂ්ටයා මැරෙන්න ළංවෙනකොට අපිට කණගාටුවක් දැනෙනවනේ. (Lost in Space එකේ ගෑනි ගැන නම් මම එහෙම කියන්නේ නෑ.) ඒත් ගිස්බන් මැරෙන එක නම් අපරාදේ වගේ දැන්. කොහොම වුනත් මේ කොටසෙදි ඉසබෙලා, වැරදිකාරයෙක් වුනු ගෑනු ළමයෙක්ට නිදහස දෙනවා. ඊට පස්සේ එයාගේ හිතවත් කෙනෙක් විදියට මාලිගාවෙම තියාගන්නවා. ඔය අතරෙයි, ඉසබෙලාගේ සැමියා, තෝන්ටන් එයාව හොයාගෙන එන්නේ. මිනිහට ඕනි බලහත්කාරෙන් නොටින්හැම්වල ෂෙරිෆ්කම ගන්න වගේම, ඉසබෙලාගෙන් පළිගන්නත්. මිනිහා ඉසබෙලාට කරදර කරනවා දැක්කම අර කෙල්ල, ශාපයට ලක්වුණු නිධානයක් තියෙන තැනක් ගැන තෝන්ටන්ට කියනවා. තෝන්ටන් ඒ නිධානය ගන්න ගිහිල්ලා මොනවද වෙන්නේ, රොබින්හුඩ් කල්ලිය මේකට සම්බන්ධ වෙන්නේ කොහොමද, ගිස්බන්ට මොකද වෙන්නේ කියලා මේ කොටසින් බලන්න. ඊළඟ කොටසින් ඉක්මනටම හමුවෙමු. ජයවේවා!

 Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.