Nowhereland (2016) Aka Girl Lost | මංමුලා වූ කෙල්ල

උදාවු නව වසර සෑම සියලු දෙනාගේම සිතුම් පැතුම් ඉටුවෙන සුභම සුභ නව වසරක් වේවායි පතනවා.ඉතිං හා හා පුරා කියල මේ වසර ආරම්භයේදීම මමත් වැඩ ඇල්ලුව පුලුවන් විදියකට උපසිරසක් දෙන්න ඕනි කියල.මොකද හැමෝටම වගේ මටත් නිදහස ගොඩක් අඩුයි. මේ වසරේ වැඩ කිහිපයක්ම කරන්න සිදුවෙලා තියෙන නිසා,කොහොම නමුත් හොද ටිකක් විතර වෙනස් ආකාරයක සමාජ තත්වයක එකක් මට පුලුවන් වුනා ඔබ වෙනුවෙන් ඉදිරිපත් කරන්න.

Nowhereland 2016 IFS චිත්‍රපට උලෙළට ප්‍රදර්ශනය කලත් මෙම චිත්‍රපටය මහ ජනතාව ප්‍රදර්ශනය සදහා Girl.Lost. නමින් ඇමෙරිකාව 2018 වසරේදී නිකුත් කරනු ලබනවා. මෙහි පාදක වු ප්‍රදේශය වන්නේ ඇමරිකාවේ ලොස්ඇන්ජලීස් හා කැලිෆෝනියා අතර කලාපයි..මේක හුගක්ම වැඩිහිටියන්ට සුදුසු එකක් කිවොත් නිවැරදියි. ඉතිං අපි චිත්‍රපටියේ ඇති කතාව ගැන පොඩ්ඩක් කතා කරනවා නම් ඒකේ ඇත්තටම තියෙන්නේ සමාජයේ අන්තයටම වැටුන කෙල්ලක් ඒ අන්තයෙන් ගොඩ එන්න උත්සහ කරනවා. නමුත් ඒ ගොඩ ඒම වෙනුවට එහි පත්ලටම වැටෙන එකයි වෙන්නේ.අපේ රටෙත් මේ දේවල් නොවෙනවා නෙවෙයි.මහාපරිමානයෙන් නොවුවත් යම් මට්ටමකට අපේ රටෙත් මේවා තියෙනවා.ඉතිං මේ කතාවේ ප්‍රධාන චරිතය පොඩි වයස අවුරුදු 15 කෙල්ලෙක්.එයාගේ අම්ම තමයි එයාව බලා ගන්නේ.එයාලට ඉන්න ගෙයක් හරි ආදායම් මාර්ගයක් කිසි දෙයක් නෑ.අඩුම තරමින් පියෙක්වත් නෑ. අම්ම ලස්සන ගැහැනියක් ආදායම් මාර්ගය ලෝකයේ පැරණිම රස්සාවක් තමයි කරන්නෙ.ඉතිං එයාට හොද පලපුරුද්දක් දැනුමක් තියෙනවා මිනිස්සු රවටගෙන හොද මිලක් තියාගන්න.ඉතිං මෙයා දැන් ටිකක් වයසයි.සැපයුමට ඉල්ලුම අඩුවෙන්න පටන්ගෙන.පාරිභෝගිකයෝ මග අරිනවා. නමුත් පාරිභෝගිකයොන්ගෙ ඇස දුවට යොමු වෙනවා.දුවට තියෙන ඉල්ලුම නිසා.හිතුවක්කාර කමක්ද මොක්කද මන්ද ඒකට කියන්නෙ කොහොම නමුත් දුව පැටලෙනවා කුලී ගෙදර අයිති කාරයගේ විසේකාර කොල්ලඑක්ක.ඉතිං මේ හැමෝම එක එක මත්ද්‍රව්‍ය සමග කටයුතු කරන උදවිය.හැම තැනකම මත්ද්‍රව්‍ය.කොහොම නමුත් කෙල්ල කොල්ල එක්ක පැනල ගිහින් අලුත් ජිවිතයක් ආරම්භ කරන්න හදනවා.ඒක සාර්ථක වෙවිද. මව කුමක් කරයිද.දුව කුමක් කර ගනියිද.ඇයත් මවගේ රස්සාවම තෝරා ගනියිද.කොහොම නමුත් මේ චිත්‍රපටිය බලන්නම වෙනවා.

ඉතිං මේක හැමෝටම ගැලපෙන එකක් නම් නෙවෙයි කියල නැවත කියමි.ගහමරාගන්න එවාගෙන් ඈත්වෙලා පොඩි වෙනසකට කැමති කෙනෙක්ට නියමයි.මේක මගේ තුන්වන උපසිරස් නිර්මාණය. ඉතින් කලින් දෙකටම තිබුන හොද ප්‍රතිචාරයන් හිතුවටත් වඩා හොදට.ඉතිං ඒ නිසාම තමයි හිතුවේ තව එකක් කරන්න.ඉතිරි මාස දෙක තුන නම් ඔලුව උස්සන බැරි කාලයක් එන්නේ.එ්නිසාම ලැබුන පොඩි විවේකයෙන් තමා මේක ඉවර කර ගත්තේ.විශේෂයෙන් බයිස්කොප් ආයතනයට ස්තුති වන්ත වෙනවා මම හැම විටම මේවගේ අවස්තාවක් ලබා දීම හා මේ වගේ දෙයක් පවත්වාගෙන යාම පිළිබදව.ඒ වගේම කමෙන්ට් වලින් උපසිරස් නිර්මාණකරුවන් දිරිමත් කරන රසික ඔබ සැමටත් ස්තුති කරන ගමන් මේකත් බලන්න බලල ඔබේ අදහස් දන්වන මෙන් ඉල්ලමින් ගිහින් එන්නම් නැවත අවස්තාවක් ලැබූ සැනින් උපසිරසකින් හමුවීමේ බලාපොරොත්තු ඇතිව.

ජයවේවා…