Cobra Kai (2018) [S01 : E10] | අතීතය නැවත නැවත සිදුවේවිද?

පළවෙනි සීසන් එකේ අවසාන කොටස තමයි මේ අරන් ආවේ. මේක පටන් ගත්ත විදිය කිව්වොත් චාමර අයියා පළවෙනි කොටස කරලා එයා කාර්යබහුල නිසා තාවකාලිකව නවත්තලා තිබුනෙ. පස්සෙ විමා අයියා තමා මේක කරමුද ඇහුවෙ. අරගත්තට මටත් ලොකු කාලයක් යනකන් මේකට අත තියන්න බැරිවුනා. රවිඳු මල්ලිට ස්තූති කරන්න ඕනෙ, එයා තමයි කට්ටියව එකතු කරගෙන මේක කරමු කියලා කිව්වෙ. පස්සෙ රවිඳුට අමතරව, චාමර අයියගෙ එපියත් ඇතුළුව, හිරාන්, උදයංග, අචින්ත, දිලේකා, පසිඳු කියන සහෝදර සහෝදරියන් එකතු වෙලා සීසන් 2 එන්න කලින් කොහොමහරි මේක ඉවර කළා.

මං මේ කොටසෙ වෙන දේවල් ගැන විස්තර කරන්නෙ නෑ. පහුගිය කොටස ගැන කිව්වොත් සෑමුයි මිගෙලුයිගෙ සම්බන්ධය කැඩිලා යනවා ගොඩක් අයගෙ දායකත්වයෙන් වුන පැටලැවිල්ල නිසා. ඒකට සම්බන්ධ වුන හැමෝටම හිත්අමනාමකම් ඇති වුනා කිව්වොත් නිවැරදියි. Cobra Kai කියන්නෙ තලාපෙලන මිනිස්සුන්ට පාඩමක් කියලා දෙන්න තියෙන තැනක්ද, නැතිනම් තලා පෙලන අයට ධෛර්යයක් දෙන්න තියෙන තැනක්ද කියලා තේරුම් ගන්න මං හිතන්නෙ ඒකෙ සෙන්සෙටවත් බැරිවෙලා තියෙනවා. අනික් අතින් මිස්ටර් මියාගිගෙ ඉගැන්වීම් වල තියෙන්නෙ තමන්ගෙ ආරක්ෂාව තහවුරු කිරීමත්, අනවශ්‍ය සියළු කරදර වලින් ගැලවී යන්නෙ කොහොමදත් කියන එක. මේ එකිනෙකට විරුද්ධ, පරයා යන අරමුණු තියෙන පැති දෙකක සටන අදින් ඉවර වෙයිද, අළුත් අමනාපකම් ඇති වෙයිද කියන එක මේ කොටසින් බලන්න පුළුවන්.