The Wind (2018) | හුදෙකලාව!

මේ 19 වැනි සියවසයි. ලිසී කියන්නෙ බාධක ගැටළු මද්‍යයේ තම ජීවිතයේ මැද භාගයේ ඉන්න කාන්තාවක්. ලිසී තමන්ගෙ ස්වාමියා, අයිසෙක් එක්ක ඉන්නෙ මිනිස් වාසයෙන් තරමක් ඈතින් තියෙන ප්‍රදේශයක. ලිසී කලින් ගැබ් අරගෙන හිටියත් චිත්‍රපටයේ කියවෙන්නෙ එය දෙවියන්ගෙ කැමැත්ත නොවන බවයි. මේ විදිහට ජීවිතය ගෙවන පවුලට අළුතෙන් අසල්වැසියන් පිරිසක් එන්නෙ මේ අතරෙදියි. ඔවුන් එමා හා ගිඩියන් යුවලයි. ඔවුන් මේ ප්‍රදේශයට පැමිණීමත් සමඟ හුදෙකලාබවින් සිටි එමාට යෙහෙළිය වන්නෙ එමා ය. එමාත් ගිඩියන් සමඟ විවාහවෙලා තම නිවසින් ඈත්ව කණගාටුවෙන් ඉන්න තරුණියක්. ඒත් ඔවුන්ගේ පැමිණීම එම ප්‍රදේශයේ සිදුවීමට තිබෙන විනාශයන්වල ආරම්භයක් විතරයි!

චිත්‍රපටය ගෙවීයන්නෙ මේ ප්‍රධාන චරිත හතර වටායි. ලිසී චිත්‍රපටය පුරාවටම තම ස්වාමියාට ඒත්තුගන්වන්න උත්සහ කරනව ඒ ප්‍රදේශයේ කිසියම් අත්භූත යමක් තිබෙන බව. ඒත් ස්වාමියා කියන විදිහටනම් ඒ හුදෙකලාබවත් ලිසීගෙ දරුවා අහිමිවීමත් නිසා ඇතිවුන තත්වයක් විතරයි. චිත්‍රපටයේ ආරම්භය දකින්න ලැබෙන්නෙ එමා සියදිවි නැතිකරගන්නා දර්ශණයකින්. එමාට ජීවිතය නැතිකරගන්න හේතුව චිත්‍රපටය අවසානයේ දකින්න ලැබෙයි. කොහොමවුනත් චිත්‍රපටයේ එක්තරා දෙබසක සඳහන්වෙනව ඒ ප්‍රදේශයේ අසාමාන්‍ය විදිහට සොහොන් කොත් තිබෙන බවක්. මේ සොහොන්වලට හේතුව ලිසී කලින් කියපු අත්භූත තත්වයද? එහෙමත් නැත්නම් ඇත්තටම ඒ ලිසීගෙ මනසේ ඇතිවෙන දෙයක් විතරද? එමාට ජීවිතය නැතිකරගන්න සිදුවුනේ ඇයි? මේ හැමදේකටම හේතුව මොකක්ද? චිත්‍රපටය නරඹන ගමන් ඒ ප්‍රශ්ණවලටත් පිලිතුරු හොයාගන්න ලැබෙයි.

Imdb දර්ශකයේ 5.6 ක අගයක් ලබාගෙන තියෙන මේ චිත්‍රපටය Horror/Supernatural ගණයට අයත්වෙනව. හොලිවුඩය තුලින් පහුගිය වසරවල දකින්න ලැබුණු ඉතාමත් සීමිත නළු නිළියන් පිරිසක් සමඟ නිර්මාණය වුනු සාර්ථක චිත්‍රපට අතරට මේ චිත්‍රපටයද එකතුවෙනව. චිත්‍රපටය පුරාවටම ප්‍රේක්ෂකයාට ගුප්තබවක් ලබාදීමට අධ්‍යක්ෂකවරයා සමත්වෙනව. තරමක් අඳුරු දර්ශණ භාවිතය, නිහඬබව චිත්‍රපටය පුරාවටම දකින්න ලැබෙන කාරණාවන්. කොහොමවුනත් අනිවාර්යයෙන්ම රාත්‍රියක තනියෙම බලන්න පුලුවන් චිත්‍රපටයක්.

Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

Direct Download