Marvel’s Agents of S.H.I.E.L.D. [S06 : E06] | මනෝ හිරගෙයක අරගලය…

කලින් කොටසෙදි සමානව පෘථිවියෙ සහා අභ්‍යවකාශයෙ සිදුවීම් පෙළගස්වලා තිබුනා මතක ඇති. ඒ වගේම ගොඩක් කරුණු කාරණා පසුගිය කොටසෙදි අනාවරණය වුනා. මුලින්ම මේ සහා ෆේක් කෝල්සන් පැත්තෙන් ගත්තොත් අපි සාර්ජ් කියලම කියමුකො, සාජ්ර් එයා ගැන වගේම එයා මෙහෙම කරන්න හේතුවත් නියෝජිත මේට පැහැදිලි කරලා පෙන්වනවා. ඒ වගේම ඒක හරියට තේරුම් ගන්නත් සාර්ජ් විදිහක් හොයලා දුන්නා මතක ඇති. එතකොට තමයි අපිට තේරුම් ගියෙ සාර්ජ් නෙවෙයි මේ ලෝක විනාශ පුද්ගලයා කියලා. හැබැයි ශීල්ඩ් එකේ කට්ටිය තාම හිතන් ඉන්නෙ එහෙම.

ඔය අතරෙ ශීල්ඩ් එක තුල මේ සම්බන්ධයෙන් වෙනම පරීක්ෂණ සිද්දවෙනවා. ඔතනදි තමයි අර මුල ඉදන්ම මෝඩ කතාවක් වුන ලේ ලයින් වලට ලොකු අවධානයක් දෙන්න පටන් ගන්නෙ. ඒ වගේම පැචකුටික් කියන වචනය සම්බන්ධයෙන් අවධානය යොමු වෙන්නෙ.

පෘථිවියෙ වැඩ ඔහොම සිද්දවෙන අතරෙ අභ්‍යවකාශයෙ ඉන්න අපේ නියෝජිතයො ටික වෙනම මෙහෙයුමක් කරනවා ෆිට්ස්ව හොයාගන්න. මෙතනදි ඇත්තටම කට්ටිය හිතන් හිටියත් මේ පස්සෙන් එන්නෙ සමූහාණ්ඩුවේ අය කියලා අන්තිමේ බැලින්නම් ක්‍රොනිකෝම්ලා සෙට් එකක්. මෙයාලගෙ ලෝකෙත් පෘථිවියෙ සිද්දවෙන සිදුවීමක් වගේ දෙයක් හන්දා විනාශ වෙලා ගිහින්. ඉතිං මේ අයට ඕන කාලය හරහා ආපස්සට ගිහින් තමන්ගෙ ලෝකෙ බේරගන්න. ඒකට තමයි මේ අය ෆිට්ස්ව අල්ලගෙන තියෙන්නෙ.

අන්තිමේදි අපි දැක්කා කරන්න දෙයක් නැතිම තැන ෆිට්ස් සහා සිමන්ස් දෙන්නා නතර ක්‍රොනිකෝම්ලා එක්ක නතර වෙලා ඉතුරු අයව ආපහු පෘථිවියට එවනවා. ඔන්න අද කොටස වෙන් වෙන්නෙ ෆිට්ස්-සිමන්ස් දෙන්නා සම්බන්ධයෙන් වැඩි හරියක්ම නෙවෙයි සම්පූර්ණයෙන්ම. ටිකක් පමා වුනාට සමාව ඉල්ලන ගමන් මං සමුගන්නවා.

#Hail Marvel!