The Terror [S02 : E03] | මගේ යක්ෂ පැටියා..!

ආයුබෝවන්!

සතියක්ම පරක්කුයි. මොනව කරන්නද ඉතිං තියෙන වැඩත් එක්ක අමාරුවෙන් තමා මේක කරගෙන යන්නෙ. අවාසනාවට අමාරුවෙන් කරන සීරිස් එක 250ක් බාගත කරන්නෙත් නෑ කියල දැනෙනකොට මාර ෆීලින්ග් එකක් තමයි එන්නෙ. මොකද සබ් එකේ ලයින් 600+. ලයින් ගාණටවත් සීරීස් එක බලන්නෙ නෑ. කමක් නෑ ඉතිං බැඳගත්ත බෙරේ ගහන්න ඕනෙ කියල කියනවනෙ.

පහුගිය කොටසින්..

ලොකු විස්තරයක් කියන්න යන්නෙ නෑ. අපරාදෙ ඒකට ගත කරන කාලෙ. කෙටියෙන් කියන්නම් මොකද්ද වුණේ සහ වෙන්නෙ කියල. ගිය සතියෙ අපි දැක්ක ඔක්කොම ජපන් මිනිස්සු එක හමුදා කඳවුරකට ගාල් කරනව. මේ සිද්ධිය නිසා ජපන්නු ඉන්නෙ හරිම කනස්සල්ලෙන්. ඒ වගේම මෙතන වෙන්නෙ මොකද්ද කියලත් කට්ටියට අවබෝධයක් නෑ. ඒ අස්සෙ තමයි චෙස්ටර් ලූස් එක්ක පැනල යන්න හදන්නෙ. කොහොමහරි හමුදාවට ලැබුණු ඔත්තුවක් නිසා දෙන්නව ආයෙත් හමුදාවෙන් අල්ලගෙන කඳවුරට කුදලගෙන ආව. ඊට පස්සෙ තමුයි අපි දැක්කෙ යූකො එයාගෙ යක්ෂ වැඩ පටන් ගත්ත හැටි. මට පේන්නෙ යූකො කියන්නෙ ඇත්තටම අසාධාරණයක් වුණු කෙල්ලෙක් කියල. නැත්තං එකපාරම ඔහොම මිනිස්සු මරණ බලවේගයක් වෙන්න යූකොට උවමනාවක් තියෙන්න විදියක් නෑ. කොහොමහරි යූකොගෙ පසුබිම් කතාවත් අපිට අනාගතේ දකින්න ලැබෙයි. යූකො කලින් සතියෙ යොෂිඩ සන් බිලි ගත්ත.

අද කොටසින්..

අද බලාගන්න පුළුවන් කඳවුරේ ජීවිතේ ගැන. ඒ වගේම අද තවත් දරුණු මරණයක් වෙනව. කියන්න දෙයක් නෑනෙ. ඒකත් යූකොගෙ වැඩක්. මේ අතරෙ ඇමී සහ චෙස්ටර් දෙන්නට රස්සා දෙකක් ලැබෙනව. ඒකත් එක්ක චෙස්ටර් කඳවුරෙන් පිටත් වෙන්න තමයි හදන්නෙ. මෙන්න මේ සිදුවීමචෙස්ටර්ගෙ නූපන් දරුවගෙ ජීවිතේ එක්ක සම්බන්ධ වෙනව. බලන්නකො ඒ කොහොමද කියල. ඊලඟ කොටසත් ඇවිල්ල තියෙන්නෙ දැන්. ඉක්මනින්ම ඒකත් අරගෙන එන්නම්. එහෙනම් ජය වේවා!