The Walking Dead [S10 : E03]| මේක දැන් මට අයිති භූමියක්!

ආයුබෝවන් යාළුවනේ..!

ඉතිං ඊයෙ දවසෙ නිකුත් වුණු, TWD 10 කතා මාලාවේ තුන්වැනි කතාංගය තමයි මේ අරගෙන එන්නෙ. රාජකාරි කටයුතු එක්ක තිබුණු කාර්‍යබහුල වීමත් එක්ක, ඊයෙ දවසෙම මේක අරගෙන එන්න හැකියාවක් තිබුණෙ නෑ. රාජකාරි අතරෙ ලැබුණු විවේක වෙලාවල් වල තමා මේ සබ් එක කළේ. වැරදි අඩුපාඩු තිබුණොත් සමාවෙන්න කියල ඉල්ලා සිටිනවා. ඉදිරි සති කීපයේදිත් මේ වගේම පුංචි ප්‍රමාද වීමක් වෙන බව දැනුම් දෙන්න ඕනෙ. හරි එහෙනම් බලමු පහුගිය කතාංගයේ මොනවදවු ණේ කියල.

පහුගිය කොටසින්..

පහුගිය කතාංගය වෙන්වෙලා තිබුණෙ, තනිකරම ඇල්ෆා වෙනුවෙන්. ඇල්ෆා මේ වගේ ජීවිතයක් ආරම්භ කරන්නෙ කොහොමද? ඇල්ෆාට සහය වෙන්නෙ කවුද? ඇල්ෆා හංගගෙන ඉන්න රහස් මොනවද? වගේ කරුණු වලට ඒ කතාංගය හරහා පිළිතුරු ලැබුණ. මේ හේතු නිසා ඉදිරියේදී ඇල්ෆා එක්ක සටනෙදි මේ කරුණු වැදගත් වෙන්න පුළුවන්. ඒ වගේම සැටලයිට් එක කඩාගෙන වැටිල, පැතිරිලා ගියපු ගින්න නිවන්න ජනපදවාසීන්ට සීමාව පනින්න වුණා. ඔන්න ඒකෙ ප්‍රතිඵල අද බලාගන්න පුළුවන්.

අද කතාංගයෙන්..

මම කලින් කිව්ව වගේ, කැරොල් කියන්නෙ හැප්පෙන්න හොඳ ජාතියේ ගෑණියෙක් නම් නෙවෙයි. ඇල්ෆා තාම ඇත්තටම කැරොල් කවුද කියල අඳුරගෙන නෑ. “රික්” නැති වුණාට පස්සෙ මම නම් ඇත්තටම මේ කතාව බලන්න හේතුවත් කැරොල් තමයි. කැරොල් කියන්නෙ, අහස පොළවවත් නොදැන ගේමක් ගහල එළියට එන්න පුළුවන් අමුතුම හයියක් තියෙන චරිතයක්. ඒ හයිය, ඩැරල් ලඟවත්, මිශෝන් ලඟවත් නෑ. කොහොමහරි ඔන්න අදත් ඒ වගේ ගේමක් යනව කැරොල්ගෙ. ඒ වගේම ඇල්ෆා ජනපදවාසීන්ට සෑහෙන දරුණු තර්ජනයක් එල්ල කරනව. මේ හේතු නිසා ඉදිරියේදී නොවැලැක්විය හැකි දරුණු අරගලයක ලක්ෂණ පහළ වෙනව. එහෙනම් ඊලඟ කතාංගය එක්ක නැවත හමුවෙමු. ජය වේවා!