The Mandalorian [S01 : E01 & E02 ] | මැන්ඩලෝරියන් : තිලිණ දඩයම්කරු..

අලුත් අවුරුද්දේ අරගෙන ආවේ ඩිස්නි+ නාලිකාවෙන් විකාශනය වෙලා අවසන්වුණ හරි අපුරු කතාවක්. මේ කතාව සෘජුවම Star Wars විශ්වය සමග සම්බන්ධයි. හැබැයි ඒ ෆිල්ම් එකක්වත් නොබලපු කෙනෙක්ට උනත් කිසිම අවුලක් නැතුව කතාව මුල ඉඳලා රසවිදින්න පුළුවන්. ස්ටාර් වෝර්ස් බලපු අය වෙනුවෙන් මතක් කරන්නෙ, මේ කතාව පටන් ගන්නේ Episode VI – Return of the Jedi (1983) සිදුවීමෙන් පසුව ගතවෙන කාලයේ ඉඳලා.

ඉතිං කවුද මේ මැන්ඩලෝරියන් කියන්නේ.? මැන්ඩලෝරියන් කියන්නේ ස්ටාර් වොර්ස් යුනිවර්ස් එකේ මැන්ඩලෝරි කියන ග්‍රහලෝකයේ ඉන්න පිරිසක් තමයි මැන්ඩලෝරියන් කෙනෙක් කියන්නෙ. හැබැයි කවදාවත් ස්ටාර් වොර්ස් ෆිල්ම්ස්වල නම් මෙයාල ගැන මේ විදියටම සඳහන් වෙලා නැහැ. මැන්ඩලෝරියන් කෙනෙක්ව සාමාන්‍යයෙන් හැදින්වෙන්නේ, සුපිරි කමාන්ඩෝ කෙනෙක් විදියට වගේ. ඒ අය කරන්නෙ Bounty Hunter, එහෙමත් නැත්නම් තිළිණ දඩයම්කරණය. මේ අය ගැන සෑහෙන ඉහලින් කතාන්දර පැතිරිලා තියෙනව.

ඉතිං මේ කතාවේ ඉන්නේ තනි මැන්ඩලෝරියන් කෙනෙක් ගැන කතාවක්. හැබැයි කතාවේ ඉන්නේ එයා විතරක් නෙමෙයි. සෑහෙන දෙනෙක්ගේ අවධානය දිනාගත්ත බේබි යෝඩත් ඉන්නවා කතාවේ. ඒ වගේම ඩිස්නි+ එකේ මේ කතා මාලාව 2019 වසරේදී ගේම් ඔෆ් ත්‍රෝන් එක හා සම සමව වගේ ඉන්නවා, ඒ මොනාගෙන්ද දන්නවද? අපි වගේ නීති විරෝධී පිටපත් බාගතකරගත්ත අයගේ ලයිස්තුවේ ඉහලින්ම.

එහෙනම් අද ලබා දෙන්නේ මුල් කොටස් දෙක එක කොටසක් විනාඩි 30ක වගේ ධාවන කාලයක් තියෙන නිසා එකවර කොටස් දෙක බැගින් දෙනව අපි. පළමු කොටස සම්පුර්ණයෙන්ම වෙන් වෙන්නෙ මැන්ඩලෝරියන් කියන්නෙ මොන වගේ කෙනෙක්ද, එයාගේ ක්‍රමය මොකක්ද, එයාගේ වැඩ කොහොමද වගේ දේවල්. ඒත් එක්කම දෙවැනි එකෙන් කියන්නෙ අවුරුදු 50ක් වයස බේබි යෝඩා ගැන. බේබි උනත් වැඩේ කොහොමද කියල බලාගන්න ලැබෙනව දෙවැනි එපිසෝඩ් එක ඉවරවෙනකොට..