Crash Zone (TV Series 1999–2001) [S01 : E08] | කැට්ලස්ට් එකේ අපි තනියම…

කලින් කොටස ගැන බලමු එහෙනම්. බෙක් සහ පායිගේ පරිගණක ක්‍රීඩාව මොකක්ද වුනේ කියලා කලින් කොටස බලපු ඔයාලා දැන් දන්නවනේ. ඇත්තටම මම නම් දකින්න ඒක හෙන පිස්සු තේරුමක් නැති වැඩක් විදියට. එයාලට සාර්ථකව ක්‍රීඩාව නිම කරලා ඉවරයක් කරන්නත් බැරි වුනා. ඒ විෂය සම්බන්ධයෙන් ක්‍රීඩාවක් හදනවා කියන්නේ ලේසි වැඩක් නම් නෙමෙයි. විශේෂයෙන්ම කොල්ලො ගැන එහෙම ක්‍රීඩාවක් කෙල්ලෝ හදනකොට. කෙල්ලො මොනවද කොල්ලො ගැන දන්නේ… මේකට වර්ජල්ගෙනුත් උදව් බෙක්, පායි ගන්න උත්සහා කරත් ඒක තේරුමක් නැති වැඩක් වුනා. මොකද පොර පිස්සුනේ කෙළින්නේ අහන දේට නෙමෙයි උත්තර දෙන්නේ වෙන බයිලා ගහන්නේ. හැබැයි මේ ගොල්ලෝ අන්තිමේදි කොල්ලො ගැන ක්‍රීඩාවක් හදන මාතෘකාව වෙනස් කරලා ඒක කෙල්ලො ගැන දෙයක් බවට පත්කර ගත්තා. ඒ මාතෘකාව යටතේ වැඩ කරන එක පහසු බව බෙක්, පායි, ඇලෙක්ස් ට තේරුම් ගියා. මොකද කෙල්ලො දන්නවනේ කෙල්ලො ගැන හොඳ හැටි.

එතකොට මයික්ගේ වුන සිද්දි දාමය, තමන්ගේ අම්මා තාත්තා වෙන් වෙලා ඉන්න හන්දා මයික් හුඟක් කණගා‍ටුවෙන් දුකින් තමයි හිටියේ. මේ නිසා මයික් ට හරියට පරිගණක ක්‍රීඩාවක්වත් තමන්ගේ නිසි සුපිරි රිද්මයට අනූව සිදු කරගන්න බැරි වුනා. මයික් තමයි හැමෝගෙන්ම පරිගණක ක්‍රීඩා වලට වැඩියෙන්ම දක්ෂ පුද්ගලයා. නමුත් එදා දවසේ නම් මයික් තමයි හැමෝගෙන්ම අතරේ හිටපු දුර්වලම ක්‍රීඩකයා. මයික් තමන්ගේ වෙන් වෙලා ඉන්න දෙමාපියන් දෙන්නා ආපහු එකතු කරන්න විවිධ උත්සහයන් දැරුවා. දෙන්නව ළං කරලා ආපහු එකතු කරන්න. හැබැයි ඒ සේරම උත්සහයන් අසාර්ථක වුනා. අවසානයෙදි මයික්ගේ අම්මයි තාත්තයි වෙන් වුනා. ඒ වගේම මයික් තමන්ගේ පසුතැවිලි වීම දුක යටපත් කරගෙන යලි තමන්ගේ සුපුරුදු වැඩ කටයුතු වල නිතර වීමට පටන් ගත්තා.

ඔන්න එහෙනම් අද කොටස මේකයි. අද කොටසේ අපේ පරිගණක දඟයෝ පස් දෙනාට කැට්ලස්ට් සමාගමේ තනියම ඉඳන් කාලය ගත කරන්න අපූරු දුර්ලභ අවස්ථාවක් හමි වෙනවා. මෙයාලා මේ අවස්ථාවෙන් උපරිම ප්‍රයෝජන ගන්න විවිධ විනෝදජනක දේවල් සිදු කරනවා. මෙයාලා මේ වැඩ කරන අතරතුර රූපවාහිනි වාර්තාකරුවන් කියා ගන්නා දෙදෙනෙක් අනපේක්ෂිත ලෙස කැට්ලස්ට් සමාගමට පැමිණෙනවා. නමුත් බෙක්, පායි, මචලෝ, ‍රැම්, ඔවුන්ව සමාගම තුළට ගැනීමට සිය අකමැත්ත පල කරනවා. අද පායි ට නොසිතු ලෙස විශාල අකරතැබ්බයකට මූණ පාන්න සිදු වෙනවා. ඇත්තටම කියනවා නම් අද පායි ට සියලුම දෙනා ඉදිරියේ කට උත්තර නැති තත්වයකට පත් වෙනවා.

කොහොමද මෙයාලට මේ අවස්ථාව හම්බ වෙන්නේ? සමාගමේ අනිත් අයට මොකද වෙලා තියෙන්නේ? ඇලෙක්ස් කොහෙද? මොනවද මෙයාලා කරන විනෝදජනක වැඩ? කවුද මේ එන රූපවාහිනි වාර්තාකරුවන් කියා ගන්නා දෙදෙනා? ඔවුන් ඇත්තටම රූපවාහිනි වාර්තාකරුවන්ද? ඔවුන් කවුද? ඔවුන්ගේ අරමුණ කුමක්ද? පායි ට අද මොකද වෙන්නේ?

සේරමට උත්තට දැනගන්න දන්නවනේ කරන්න ඕනේ දේ… අද කොටස බලන්න.