පසුගිය සිදුවීම් වලින් පස්සේ මේ එකතු වෙන්නේ ඊලඟට සිද්ධ වෙන්නේ මොකක්ද කියලා දැනගන්න. මේ දිනවල බොහෝමයක් හුරු පුරුදු කතා මාලාවන් වල අවසානයන් තමයි රූපවාහිනී වල විකාශය වෙන්නේ. බොහෝමයක් කතා මාලාවන් වල කතා සමයන් අවසාන වෙලත් අහවරයි. මේ කාලය වෙද්දී බොහෝමයක් රසිකයෝ බලාගෙන ඉන්නේ තමුන් කැමති කතා මාලාවන් මීලඟ සමය දක්වා දීර්ඝ කරලද නැද්ද කියන වග. කොහොම වුනත් මේ කතා මාලාවට මේ පලමු සමයෙන්ම කන කොකා හැඬලූ වග තමයි අන්තර්ජාලය වාර්ථා කරන්නේ. කතාව යන විදියත් එක්ක බොහෝමයක් අය හිතුවේ කතාව ඉදිරියට අලුත් වෙයි කියලා. ඒත් නොහිතපු විදියට කතාව කැන්සල් වුනු එක ගැන නම් ගොඩක් අය අප්‍රසාදය තමයි පල කරන්නේ. මොකද කිව්වොත් වැඩකට නැති කතා බොහෝමයක් අලුත් වෙවී රූපවාහිනියේ විකාශය වෙද්දී පවත්වාගෙන යා යුතු තවත් හොද කතා මාලාවන් කැන්සල් වෙන අමුතුම කාලයක් නිසා වෙන්නැති.
කොහොම වුනත්, කතාවට බහිමු. කැමරන් අභිරහස් කාන්තාව වෙනුවෙන් දියමන්තිය හොරකම් කලත් ඒක කලේ තමුන්ගේ සහෝදරයාගේ නිදහස වෙනුවෙන්. ඒත් තමුන්ට ඒ වෙනුවෙන් අවශ්‍ය කරන සාක්ශි අභිරහස් කාන්තාවගෙන් ලබාගන්න බැරිවුනා. ඒ වගේම තමයි තව ඩිංගෙන් එයාට එයාගේ ජීවිතයත් නැති වෙනවා. කවුරුත් හිතුවේ ඒ වෙලාවේ කැමරන් නරක අතට හැරුණාවත්ද කියලා. ඒත් පසුගිය කතාංගයෙන් ඔයාලට දැකගන්න ලැබුනා ඇත්තටම සිද්ධිය කොහොමද වුනේ කියලා. ඒ වගේම කැමරන් ඩීකින්ස්ට ඇත්තම ලින්ක්ස් දියමන්තියත් ලබා දුන්නා. හැබැයි ඒජන්ට් කේ ඩැනියෙල්ස් ඇතුලු මැජික් කණ්ඩායම ලොකු තරහකින් ඉන්නේ එයාලට මුකුත් නොකියා රහසේම තමුන් තනියම ගේමක් අදින්න හදපු එක ගැන.
මේ සිද්ධියෙන් පස්සේ අද කතාංගයේදී දකින්න ලැබෙන්නේ පොලිස් කාරයෙක් ඇස් පනාපිට දැකපු මිනීමැරුමක් ක්ශණිකව අතුරුදහන් වීමක්. ඇත්තටම කොහොමද එහෙම වෙන්නේ. තමුන්ගේ ඇස් දෙකෙන් දැකපු මිනීමැරුම තමුන් නැවත ඇස් අරිද්දී සාක්ශියක් වත් නැතිව අතුරුදහන් වුනු එක. කැමරන් ඇදපු අංචිය නිසා නියෝජිත කේ ඇතුලු කණ්ඩායමට කුණු කේස් අදින්න සෙට් වෙනවා. ඒ ඩීකින්ස් විසින් වැඩ අනාගත්තු එකට කේට පවරපු දඬුවමක්. ඒත් කැමරන් කොහොමහරි මේ කුණු කේස් අතරේ තිබිලා සිත්ගන්නා සුලු කේස් එකක් විදියට ඉහතින් සදහන් කරපු සිදු වුනත් සිදු නොවුනු මිනීමැරුම ගැන පොලිස් වාර්ථාව කේට ලැබුණු පොලිස් වාර්ථා අතරේ තිබිලා හොයා ගන්නවා. මේ ගැන හොයා බලමු කියලා කැමරන් යෝජනා කලත් කේ ඒකට කැමති නොවුනු නිසා, කැමරන් තනියම මේක පස්සේ යනවා.
ඉතිං අපි බලමු, කොහොමද කැමරන් මේ මිනීමැරුම විසදන්නේ කියලා. මීලඟ කොටසින් හමුවෙන බලාපොරොත්තුවෙන් මම අදට සමුගන්නවා.
Torrents Download
| HDTV | x264 | KILLERS | 310MB |
825901F1E0FB991013AE9818611EB790C4B19E5D
Direct Download
| HDTV | x264 | 480p | 200MB |
| HDTV | x264 | SVA | 320MB |
අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම් අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්.
(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)
