MENU

FILMS
TV

Deewana (1992) | උතුම් වූ පරිත්‍යාගය..

”Aisi deewangi dekhi nahi kahi”

ආයුබෝවන් හැමෝටම. අපේ හිතවතුන් ගොඩ දෙනෙක්, මේ හින්දි චිත්‍රපටයට උපසිරැසි දෙන්න කියලා ඉල්ලීම් කරලා තිබුනා. ඔන්න එයාලගේ ඉල්ලීමට ගරු කරලා මේ උපසිරැසිය අරගෙන ආවා. 1992 ජුනි 25 තිරගත වුන මෙම චිත්‍රපටය අධ්‍යක්ෂණය කළේ රාජ් කන්වාර්. මේ ඔහුගේ පළමුවෙනි චිත්‍රපට නිර්මාණයයි. චිත්‍රපටය සඳහා Rishi Kapoor, Divya Bharti, Shah Rukh Khan, Amrish Puri රංගනයෙන් දායක වෙනවා.Deewana කියන්නේ ශාරුක් ඛාන්ගේ පළවෙනි චිත්‍රපට නිර්මාණයයි. ඔහු රඟපෑව පළවෙනි චිත්‍රපටයම සාර්ථක වෙලා නොසිතූ ලෙස ජනප්‍රසාදයට පත් වෙනවා. ඒ අනුව Filmfare සම්මාන උළෙලේ දි හොඳම ආධුනික නළුවා සම්මානය දිනා ගැනීමට ශාරුක් ඛාන්ට හැකියාව ලැබෙනවා. එම සම්මාන උළෙලේදිම දිව්‍යා භාරති විසින් හොඳම ආධුනික නිළිය සම්මානය හිමිකරගනු ලබනවා.

Nadeem – Shravan විසින් චිත්‍රපටයට සංගීතය සපයා තියෙනවා. Kumar Sanu, Alka Yagnik, Sadhna Sargam, Vinod Rathod ගීත ගායනයෙන් දායක වෙනවා. Filmfare සම්මාන උළෙලේදිම හොඳම ගායනය සඳහා Kumar Sanu විසින්ද, හොඳම ගීත රචනය සඳහා Sameer විසින්ද, හොඳම සංගීතය සඳහා Nadeem – Shravan විසින්ද සම්මාන හිමි කරගනු ලබනවා. ගොඩදෙනෙක් දන්න නිසා චිත්‍රපටයේ කතාව ගැන නම් මං කියන්න යන්නේ නැහැ. ලස්සන ආදර කතාවක්.

ශාරුක් ඛාන්ගේ පළවෙනි චිත්‍රපටය වුනත්, ඔහු රඟපාන චරිතයට තෝරගෙන තිබුනේ වෙන නළුවෙක්ව. ඒත් ඒ නළුවා චිත්‍රපටයට අදාළ ගිවිසුමෙන් ඉවත්ව යාමත් සමඟ ඒ අවස්ථාව ශාරුක් ඛාන්ට හිමි වෙනවා. මේ චිත්‍රපටයේ රඟපාන නිළිය ගැනත් පොඩ්ඩක් කතා කරන්න ඕනේ. දිව්‍යා භාරති මේ නිර්මාණයට දායක වෙනකොට ඇයගේ වයස අවුරුදු 18 යි. 1974 වසරේදි උපන් ඇය, 1992 මැයි 10 ප්‍රවීන චිත්‍රපට නිෂ්පාදක Sajid Nadiadwala සමඟ විවාහ වෙනවා. නමුත් ඇය 1993 අප්‍රේල් 05 වෙනිදා මුම්බායි නුවර මහල් නිවාසයක පස්වෙනි මහලෙන් ඇද වැටීමෙන් මිය යනවා. පසුව ඒ මරණය ගැන ලොකු කතාබහක් ඇති වෙනවා. හදිසි අනතුරක්ද, සියදිවි නසා ගැනීමක්ද නැතිනම් ඝාතනයක්ද කියලා ප්‍රශ්නගත වෙනවා. මේ මරණය සම්බන්ධයෙන් ඇයගේ සැමියාට සෘජුවම ඇඟිල්ල දිගු වෙනවා. නමුත් පසුව කළ විමර්ශනයකින් මෙම මරණය අනතුරක් නිසා සිදුවූ මරණයක් බවට තීරණය කරනවා. ඒත් ඉතින් ඒකේ ඇත්ත නැත්ත නම් ටිකක් පිළිගන්න අමාරුයි.

මේ චිත්‍රපටයේ දෙවනි කොටස නිර්මාණය කිරීමට අදහසක් තියෙනවා කියලා චිත්‍රපටයේ නිෂ්පාදකවරයා පවසනවා. චිත්‍රපටය අවසානයේත් අපට ඒ පිළිබඳව ඉඟියක් ලබා දෙනවා. ගොඩක් අය බලලා තියෙන චිත්‍රපටයක් වුනාට ආයෙමත් බලන්න කියලා හැමෝටම ආරාධනා කරනවා. මට මේ අවස්ථාව ලබා දුන්න බයිස්කෝප් කාර්ය මණ්ඩලයට මගේ ස්තූතිය පුද කරනවා. එහෙනම් ආයේ වෙනත් නිර්මාණයකින් හමුවෙමු. ජය වේවා!

Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrent Download

| HDRip | x264 | 720p | 1.5GB |

Direct Download

| HDRip | x264 | 720p | 1.5GB |

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්. 

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)

31 thoughts on “Deewana (1992) | උතුම් වූ පරිත්‍යාගය..”

Leave a Reply

Your email address will not be published. Required fields are marked *

Facebook Twitter Youtube Instagram Linkedin
BAISCOPELK GROUP
© Copyright බයිස්කෝප් සිංහලෙන් - සිංහල උපසිරසි වෙබ් අඩවිය - Sinhala Subtitles 2023, All Rights Reserved
මේ බයිස්කෝප් සිංහලෙන් උපසිරසි සඳහා ලින්ක් ලබාදෙන නිල වෙබ් අඩවියයි
Design By Logan