Gotham [S04 : E14] | යළි එක්වීම…!!!

හොඳයි එහෙනම් 14 වෙනි කොටස අරගෙන තමයි මේ ආවේ. කට්ටිය මග බලාගෙන ඉන්නත් ඇති. කතාව බොහොම රසවත් විදියට ගලාගෙන යනවා කියලා අපි කවුරුත් දන්නවා. ඒවගේම තමයි මට නම් පුද්ගලිකවම එදා ඉඳලාම ටිකක්වත් එපා වෙන්නේ නැතුව එකදිගට බලපු කතාවක් විදියට ගෝතම් හඳුන්වන්න පුලුවන්. අපි එහෙන පෙර කොටස ගැන ටිකක් මතක් කරගමු.

කලින් සතියේ කොටස පටන් ගත්තේ අයිවිගේ වැඩකින්. අයිවි කෙනෙක්ව මැරුවා. එයා වේන් සමාගමේ හිටපු ජෛව තාක්ෂණික නිලධාරියෙක්. අයිවි මුලින් හිතුවේ වේන් සමාගමෙන් පැල වලට හානියක් වෙනවා කියලා. ඒත් අන්තිමේ වේන් සමාගම කරලා තියෙන්නේ වෙනම දෙයක්. ගෝතම් වලට ඉතින් කොහෙන්හරි හෙනයක් පාත්වෙනවානේ. ඉතින් මේ ටිකේ ඉන්න හෙනේ තමයි අයිවි. එයාට තියන බලය ගැන ඔයාලා දන්නවානේ. අයිවි වේන් සමාගමේ දේවල් හොයාගෙන යද්දී ලාසරස් දියරය හොයාගන්න පුලුවන් උනා. ලාසරස් දියරය මොකක්ද කියලා ඔයාලාට මතක ඇති. අර මැරුණ මිනිස්සුන්ට පණ දෙන එක. ඇල්ෆ්රඩ්ට බෘස් කඩුවෙන් ඇන්න වෙලාවේ ඇල්ෆ්රඩ්ට පණ ගන්න බෘස් පාවිච්චි කලේ. අන්න ඒවා. හැබැයි අයිවි ඒක එයාගේ විෂ පැල වලට පාවිච්චි කලා ලොකු විනාසයක් කරන්න පුලුවන් වෙන විදියට.

ඒවගේම පෙන්ගුයින් ගැන කිව්වොත්, එයා ආකම් එකේ පාඩුවේ ඉන්නවා. හැබැයි ඒකට හේතුවක් තියනවා. සොෆියා එයාට අනතුරු අඟවලා තියෙන්නේ ආකම් වලින් පනින්න හැදුවොත් එහෙම අර කතා කරන්න බැරි ලමයාව මරනවා කියලා. ඒකයි පෙන්ගුයින් පැත්තකට වෙලා හොඳ ලමයා වගේ ඉන්නේ. හැබැයි ඉතින් ජෙරොම්ගෙන් එයාට බේරුමක් නෑ. ජෙරොම්ට ඕන කලින් හිටපු පෙන්ගුයින්ව ආපහු එලියට ගන්න. ජෙරොම් ඒකට කරපු දේවල් ඔයාලා දකින්න ඇතිනේ.

අනික් කාරණය තමයි එඩ් සහ රිඩ්ලර් අතර සටන. එඩ් කොච්චර උත්සාහ කලත් රිඩ්ලර් ආපහු එලියට එන්නම තමයි හදන්නේ. රිඩ්ලර් කරන දේවල් අඩුමගානේ එඩ් දන්නේවත් නෑ. ඉතින් අලුත් කොටසින් ඔයාලාට බලාගන්න පුලුවන් වෙයි මේ රිඩ්ලර් ආපහු එලියට එනවාද නැද්ද කියලා. එතනින් ගියාම බෘස්ට ඔන්න ආපහු මොලේ පෑදිලා ඇල්ෆ්රඩ්ව ඕන වෙලා. අපි මේ කොටස බලලාම වෙන්නේ මොනවාද කියලා දැනගමු. ඊලඟ සතියේ හමුවෙනතුරු, ඔබට ජය!!