Jessica Jones [S02 : E02] | විසෙන් විස නැසීම…(18+)

“සොඳුරු තැනක් කළ නිවසන මිහිකත
මවකි, සොයුරියකි, ඇය වෙයි සිරිකත
ලොව සුරකින්නට මිහිමත දිනුකත
මැණිකක් මැයි ඇය දිදුළන මරකත”

2018 මාර්තු 08,ජාත්‍යන්තර කාන්තා දිනය නිමිති කරගනිමින් Netflix මඟින් විකාශය කරන්න යෙදුන කතා මාලාව නම් ජෙසිකා ජෝන්ස්ය. 2015 නොවැම්බර් මස 20 දින විකාශය ආරම්භ කරමින් නිමා වුන පළමු කතා සමයෙන් පසුව මෙවර කාන්තා දිනය නිමිති කරගනිමින්, ඔවුන් විසින් දෙවන කතා සමය විකාශය කරන්න යෙදුනා. ඒ නිසාම මේ කතා සමයේ සියලු කතාංග අධ්‍යක්ෂණය කිරීම සිද්ධ කරනු ලබා ඇත්තේ කාන්තාවන් විසින්. ඇතැම් කතා මාලා කාන්තාවන් නිසා නැත්තටම නැති වෙලා යන සමයක කාන්තාවක් නිසා ඉස්සරහට එන කතා මාලා අතර ජෙසිකා ජෝන්ස් කතා මාලාව ප්‍රමුඛස්ථානයක් ගන්නවා කිව්වොත් නිවැරදියි.

පළමු කතා මාලාවෙන් ජෙසිකා ජෝන්ස් හා ඒ හා සම්බන්ධ චරිත පිළිබඳව අලගිය තැන්, මුල ගිය තැන් විස්තර කරපු නිසා ඒ පිළිබඳව අංශු මාත්‍රයක දෙයක් නොකියා ඉන්න කල්පනා කළා.ඒ නිසා වැඩි විස්තර දැනගන්න පමණක් නෙවෙයි මේ කතා සමය බලන්න ඕනෙනම් අනිවාර්යෙන් පළමු කතා සමය බලලා එන්න. හෝ…හෝ..හෝව්….පොඩි බබාලා එහෙම ඒ පැත්තේ නොගියට කාරී නෑ. හරිද?මේක වැඩිහිටියන්ගේ කතාවක්… ඒ නිසා ඔයා තාම පොඩිහිටියෙක්නම් මේක නොබලා ඉන්න එකම තමා හොඳ(හොරෙන් බලලා අම්මගෙන් කොසු කැඩෙන්න ගුටි කෑවොත් අපිව අල්ලන්න එහෙම එපා).

නෙට්ෆ්ලික්ස්ලා ගෙඩි පිටින්නේ දෙන්නේ. ඒ නිසා පසුගිය කොටස් ගැන වැඩිය කතා කරන්න දෙයක් නෑ.එක දිගට බැලිල්ලක් තියෙන්නේ. හැබැයි සිංහල උපසිරස නෑ කියලා දුක් වෙන්න එපා. මේ සතිය ඉවර වෙන්න කලින් අපේ ගොයියෝ ටික සේරම දෙනවා ඈ.වෙනදා වගේම සුපිරි සෙට් එකක් මේ සැරෙත් ගේමට බැහැලා ඉන්නේ. වල්පල් නම් සෑහෙන්න කියෙව්වා.ඒ නිසා දැන් කතාව දෙසට හැරෙමු.

සුපුරුදු පරිදි ජෙසිකා තමන්ගේ විමර්ශන කටයුතු කරගෙන යනවා. ඉස්සර කුඩ්ඩෙක් වෙලා හිටපු මැල්කම් දැන් ජෙසිකගේ සහායක විදියට වැඩ කරනවා. මේ අතර තුරේ තරුණ හාදයෙක් ජෙසිකා ගාවට එන්නේ තමන්ව මරන්න කෙනෙක් එනවා.තමන්ව බේරා දෙන්න කියලා ආයාචනය කරමින්. තමන් මරන්න හේතුව තමන්ට සුපිරි වේගයක් තියෙන නිසා බව ඔහු පවසනවා. හැබැයි ජෙසිකා ඔහුව එලවා දමන්නේ එය නොපිළිගන්නා නිසයි. කෙසේමුත් දිනක් නැවත මොහු පැමිණෙන අතර ජෙසිකා සමග සටන් කරමින් සිටිය දී (සටනක්ම නෙවෙයි ඉතින්) පලන්චියක් කඩා වැටි මොහු මිය යනවා.මේ අතර තුරේ ජෙසිකාට දැනගන්න ලැබෙන්නේ මොහු කොස්ලෝව් නොහොත් තමන්ව නිර්මාණය කල දොස්ත්රගේම නිර්මාණයක් කියලයි. ඉන් පසුව ජෙසිකා කොස්ලෝව් සොයා යාමට තීරණය කරනවා…..කොස්ලෝව් සොයා යන ජෙසිකාට ඔහුව මුණ ගැසේවිද? විසර් මැරුනේ සැබෑවට අනතුරක් නිසාද? ට්‍රිෂ් මෙවර කුමන භූමිකාව රංගනය ඉදිරි පත් කරාවිද? ඔය ප්‍රශ්න ටිකත් විසඳගෙන තව ප්‍රශ්න ගොඩක් ඔලුවේ පුරවා ගන්න පුළුවන් කොටසක උපසිරස ඔන්න දැන් භාගත කර ගන්න පුළුවන්.

එහෙනම් කලින් කිව්වා වගේම සියලු කොටස්වල උපසිරස ඉක්මනින්ම ලැබේවි. ඒ වගේ මේක 18+ බව ඉතා වගකීමෙන් කියනවා. ඒ නිසා පොදු ස්ථානවල නැරඹීමෙන් වලකින්න කියලා අනතුරු අඟවමින් චාමර සහෝගේ උපසිරසත් සමග ඊළඟ කොටස බලන්න කියලා ආරාධනා කරමින් සමු ගන්නවා.ජය ශ්‍රී.