Lucifer [S03 : E26] | වෙඩිල්ලක් යන පාර වෙනස් කලොත්..

සුභ දවසක් හැමෝටම… ඒ වගේම පින්බර පොහෝ දිනයක් වේවා..!! ඔන්න එහෙනම් මේ අරගෙන ආවේ ලුසිෆර් තුන්වෙනි කතාමාලවේ අවසාන එපිසෝඩ් එක… කලින් එපිය වගේම මේකටත් සමාවෙන්න ඕන මේකත් පරක්කු කලාට… විභාගය නිසා කල් ගියා මේක කරලා දෙන්න, හරි හැමෝම දන්නවනේ ලුසිෆර් කතා මාලාව Fox නාලිකාවෙන් කැන්සල් කලා කියල, එහෙම කැන්සල් කලාට පස්සේ ආව අමතර කොටස් දෙකෙන් අවසාන කොටස තමා මේ, හරි එහෙම කැන්සල් කරපු කතාව නෙට්ෆ්ලික්ස් එකෙන් ගත්තා කියලත් මේ වෙනකොට ඒකේ රූපගත කිරීම් වෙනව කියලත් කට්ටියම දන්නව ඇති. ඒ කියන්නේ 4 වැනි කතා මාලවක් අපිට 2019 වගේ බලාගන්න පුලුවන් වෙයි පෙරටත් වඩා හොදට. හරි අපි එහෙනම් මේ කොටස ගැන බලමු..

මේ කොටසත් කලින් කලින් එපිය හා කිසිම සම්බන්ධයක් නම් නෑ ඒ වගේම 24වැනි කොටස එක්කත් සම්බන්ධයකුත් නෑ. මේ එපිය තුල ඒ කලින් එපි දෙකේ කිසිම සදහනක් නෑ. වෙනස්ම විදිහකට තමා මේ එපිය දිවයන්නේ. කලින් කොටස වෙන්වුනේ එලාගේ අතීතය හා එයාගේ යාළු භූතයා ගැන. ඒ උනාට අපි දන්නවනේ ඒ භූතයෙක් නෙමෙයි ලුසිෆර් ගේ ආදරණීය නංගි පොඩ්ඩ කියලා එහෙමත් නැත්තම් මරණයේ දිව්‍ය දූතිය කියල. ඊට අමතර ළමා වෛද්‍යවරියකගේ මරණයක් ගැනත් පරීකෂනයක් ඒ කොටසේ උනා. ඔහොම තමා ඒ කොටස ඉවර වුනේ..

මේ කොටසින් අපිට දෙවියන්ගේ කටහඩ අහන්න ලැබෙනව, මෙච්චර දවස් දෙවියෝ ගැන සදහන් කලාට පෙන්නුවේ නෑ නේ, මේකෙදි පෙන්නන්නේ නැති උනාට උන්දැගේ කටහඩනම් ඇහෙයි. මේ කොටසින් වෙන්නේ දෙවියෝ එක පුංචි දෙයක් වෙනස් කලා නම් මොකද වෙන්නේ කියලා. ඒ වෙනස් කරන්නෙ මොකද්ද කියලා මාත්ෘකාවෙන් තේරෙනව නේ. එහෙම වෙනස් කලා නම් මොකද වෙන්නේ කියල තම මේකෙ කතාව තියෙන්නේ. ක්ලෝයි ලුසිෆර් අදුරන්නේ නෑ, එලා කාර් හොරකම් කරන මැකැනික් කෙනෙක්, චාර්ලට් මැරිලා නෑ, ඇමෙන්ඩියල් ඉස්සර හිටපු විදිහමයි, ක්ලෝයි නිලියක්, ක්ලෝයිගේ තාත්තත් මැරිලා නෑ, ඔන්න ඔය ටික ඔහොම වුනාම මොකද්ද වෙන්නේ කියලා බලන්න මේ කොටස අරගෙනම බලන්න. තව දෙයක් මේ කොටසෙදී සුපරුදු පරිදි පරීක්ෂණයක් නම් ලුසිෆර් සහ ක්ලෝයි එකතු වෙලා විසදනව, ඒකට එලාත් කලින් වගේ සම්බන්ධ වෙනව, මොනවද මම මේ කියවන විකාර නේද? තේ‍රෙන්නේ නැද්ද, එහෙනම් අරගෙනම බලන්නකො.. ඔක්කම තේරෙයි ගානට..

ඒ වගේම කොමෙන්ටුවක් දාගෙන යන්නත් අමතක කරන්න එපා. මේ එපි දෙක කලාට වඩා ෆිල්ම් දෙකක් කරා නම් හොදයි කියලා හිතුනා තිබ්බ ලයින් ගානට, ඉතින් ඒ ගැනවත් හිතලා කොමෙන්ටුවක් දාලා පොඩ්ඩක් ධෛර්‍යමත් කරන්න.එහෙනම් ඔන්න මග නැවතිලා තිබ්බ ලුසිෆර් 3වැනි කතා මාලවත් අපි අවසන් කලා උපසිරසිකරුවන් කිහිප දෙනෙක් එකතු වෙලා. ඒ හැම උපසිරසිකරුවන්වත් මතක් කරනව මේ වෙලාවේ. ලැබෙන ප්‍රතිචාර අඩු වුනත් මේක ඉවරයක් කරලා දැම්මනේ කියන සතුට තියේ නේ. ඒ ඇති. හතර වෙනි කතාසමය නෙට්ෆ්ල්ක්ස් මගින් 2019 වගේ වෙනකොට ලැබෙයි, මේ කලින් කතා සමයන්ට වඩා හොද කතා සමයක් නෙට්ෆ්ලික්ස්ලගෙන් බලාගන්න පුළුවන් වෙයි එහෙනම්, ඒ කතා සමයත් අපේ සහෝදරවරු අරගෙන ඒවි. එහෙනම් මම ගිහින් එන්නම් තවත් උපසිරසියකින් හමුවෙන බලාපොරොත්තුවෙන්. ජය වේවා………!!!

අද කතාවේ නම : Once Upon a Time
අධ්‍යක්ෂණය : Kevin Alejandro
රචනය : Neil Gaiman
IMDb අගය මෙම කොටසට : 8.6
විකාශය කලේ : 28 May 2018
ධාවන කාලය : 43M
ඊලග කොටස : 2019 On Netflix