ඔන්න එහෙනම් Marvel’s Cloak & Dragger හයවෙනි කොටසත් අරගෙන එන්නයි මේ සූදානම…
පසුගිය කොටසින්
කලින් කොටසෙදි ඔයාල දකින්න ඇතිනෙ පල්ලියෙදි මුණගැහෙන ටයිරෝනුයි ටැන්ඩියි දෙන්න බර කතාවක් දාන හැටි. එතනදි ටයිරෝන් එවීටගෙ නැන්ද කිව්ව විදිහට කරපු බහුබූත වැඩේ නිසා මිනිහට ලැබුණු අත්දැකීම් ගැන ටැන්ඩිට කියනවා. ඒ වගෙම තමයි ටයිරෝන් ටැන්ඩිගේ අතීතය ගැන ගොඩක් දේවල් ඒ වෙලාවෙ දකිනවා. රොක්සොන් සමාගමේ පළහිලව්ව නිසා ටැන්ඩිට එයාගෙ තාත්තා වගෙම ගොඩක් දේවල් නැතිවෙනවා. මේ නිසා රොක්සොන් සමාගම ගැන ටැන්ඩිගේ හිතේ වගෙම එයාගෙ අම්මගෙ හිතෙත් ලොකු වෛරයක් තියෙනවා. මේ දෙන්නම හදන්නෙ එයාලට වුණ කරදර වලට රොක්සොන් සමාගමෙන් මොන විදිහකින් හරි වන්දිය අරගන්නයි. ටැන්ඩිට කෙනෙක්ව අල්ලලා ඒ අයගෙ බලාපොරොත්තු ගැන දැනගන්න හැකියාවක් තියෙනවනේ. ඉතින් ටැන්ඩිගෙ අම්මට සෙට් වෙලා ඉන්න නීතිඥ පෙම්වතා කලින් ඈයො වගේ නරක හාදයෙක් නොවන විත්තිය ටැන්ඩි ඒ බලය පාවිච්චි කරල දැනගන්නවා. ඊට පස්සෙ දෙන්න එක්ක එකතුවෙලා රොක්සන් සමාගමට විරුද්ධව නීතිමය ක්‍රියාමාර්ගයක් අරගන්න සාක්ෂි එකතුකරන්න පටන්ගන්නවා. ටයොරෝනුත් පොලිසියට ගිහින් එයාගෙ අයියව මරපු හාදයව හොයාගන්න උත්සහ කරනවා. ඒත් ඒ වැඩේ නිසා ටයිරෝන්ගෙ තාත්තට නම් හොදටම යකා නඟිනවා. අවාසනාවකට ටැන්ඩිලාට උදව් කරන්න ආපු නීතිඥයාව ඝාතකයෙක් ඇවිත් වෙඩි තියල මරල දානවා. අන්තිමට ටැන්ඩියි ටයිරෝනුයි අතරෙත් ලොකු බහින්බස්වීමක් සිද්දවෙනවා. ඒ සිද්දියෙන් පස්සෙ ටැන්ඩි අත පය බැඳගෙන ගඟට පනිනවනේ. ඒත් එතනදි එයාගෙ බලය නිසා ටැන්ඩිගේ ජීවිතය බේරෙනවා. ආපහු වතාවක් ටයිරෝනුත් මොකක්දෝ අදහසක් හිතේ තියාගෙන පරීක්ෂක ඔ’රයිලිව මුණගැහෙන්න පොලිසියට යනවා.
අද කොටසින්
අද කොටසෙදි ඔයාලට බලාගන්න පුළුවන් ටයිරෝන් ආපහු පරීක්ෂක ඔ’රයිලිව මුණගැහෙන්න පොලිසියට යන්නෙ මොකටද කියල. ටයිරෝන් ඔ’රයිලිව මුණගැහෙන්න යන්නෙ එයාගෙ අයියගේ ඝාතනයට සම්බන්ද කොනර්ස් කියන දූෂිත පොලිස් නිළදාරියව නීතියට කොටු කරන්න බලාගෙන. ඒත් ටයිරෝන් දැනගන්නවා කොනර්ස් කියල නිළදාරියෙක් ගැන කිසිම සටහන නෑ කියල. ඒ වගෙම එයාගෙ අයියගේ ඝාතනය ගැනත් කිසිම සටහනක් ඇත්තෙත් නැහැ. ඔ’රයිලි කියන විදිහට නම් කොනර්ස් කියන හාදයා දූෂණ මර්ධන අංශයේ වැඩ කරන රහස් නිළදාරියෙක්. මෙතනදි ටයිරෝන් ඔ’රයිලිට කියනවා කොනර්ස් හාදයා මත්ද්‍රවය ජාවාරමට සම්බන්දයි කියල. ටැන්ඩිත් රොක්සොන් සමාගමට විරුද්ධව සාක්ෂියක් හොයාගන්න මැරුණ නීතිඥයාගෙ අල්මාරියෙන් ගත්තු ලිපි ගොණු අවුස්සනවා. මේ වෙනකොට එවීටා සැරටම ටයිරෝන්ට කැමැත්තෙනුයි ඉන්නෙ. එවීටා ටයිරෝන් පුදුම කරවන්න ටයිරෝන්ගෙ ලොකර් එක පවා සරසනවා. තමන්ට ලැබුණු හෝඩුවාවන් පස්සෙ යනකොට ටැන්ඩිට එක තැනකදි මේ හැම දේකටම මූලික වුණු අභිරහස් හාදයෙක් ගැන දැනගන්න ලැබෙනවා. ඔ’රයිලිත් දිගින් දිගටම කොනර්ස්, මත්ද්‍රවය ජාවාරමට සම්බන්ද නිළදාරියෙක් බව ඔප්පු කරන්න පුළුවන් විදිහෙ සාක්ෂි හොයාගෙන යනවා. ටයිරෝන්ගෙ අම්මගෙයි රොක්සොන් සමාගම අතරෙයි සම්බන්දයක් තියෙන බව අද කොටසෙදි අපිට දැනගන්න ලැබෙනවා. මේ හැම දෙයක් අස්සෙම ටයිරෝන්ගෙ සෙන්ට් සෙබස්තියන් පාසලේ කණ්ඩායමයි හැන්කොක් උසස් පාසල් කණ්ඩායමයි අතරෙ ප්‍රාන්ත පැසිපන්දු අවසන් තරඟයත් පැවැත්වෙනවා. ඔය වගේ තව කරුණු කාරණා ගොඩක් අද කොටසෙදි ඔයාලට බලාගන්න පුළුවන් වෙයි. ඉතින් මම කතාව ගැන ලොකු විස්තරයක් කරනවට වඩා, මොකක්ද වෙන්නෙ කියල ඔයාලටම බලන්න දෙන එක හොඳයි නොවැ…
~~Destiny Is All~~
~~සියල්ල දෛවයයි~~
Torrents Download
| WEB-DL | x264 | TBS | 340MB |
e5f7a5c2d0b81500ae141d4fb239c3608fb64f71
Direct Download
| WEB-DL | x264 | TSB | 340MB |
අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම් අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්.
(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)
