Robin Hood (TV Series 2006–2009) [S01 : E04] | කැලේට බබෙක් ඇවිත්!

ඉතින් ඔයාලා මග බලාගෙන හිටපු, රොබින්හුඩ් කතා මාලාවේ හතරවෙනි කොටස තමයි මේ. ඉතින් සුපුරුදු විදියට, මුලින්ම පසුගිය කොටසේ සාරාංශය බලමු.

පසුගිය කොටසින්…

ගම්මුන්ගේ බදු එකතු කරන්න එන මුලාදෑනියට, කවුරුහරි ඊතලයකින් විදලා මරලා දානවා. ගම්මු හිතන්නේ ඒක කළේ රොබින්හුඩ් කියලයි. රොබින් හිතන්නේ රාත්‍රී රැකවලා කියන, වෙස්මූණක් දාගත්තු අබිරහස් මනුස්සයා ඒක කළා කියලයි. මේ වගේ තවත් මරණයක් සිද්ධ වුනාම, ගිස්බන් රොබින්ලාව අල්ලගන්න බල්ලෝ එක්ක ආරක්ෂකයෝ එවනවා. ගම්මුත් රොබින්ගේ කණ්ඩායමට ගමට එන්න දෙන්නේ නෑ. මේ අතරේ ෂෙරිෆ් තමන්ගේ ආයුධ භාරකාරයා, ඩි ෆෝට්නෝයි ලවා තවත් මිනීමැරුම් කිහිපයක් කරලා, ඒකත් රොබින්ගේ පිටටයි දාන්නේ. තමන්ගේ නමට වෙන කැළල මකාගන්න, රොබින් මේ මිනීමරුවාව අල්ලන්න උත්සාහ කරනවා. අවසානයේදි මිනීමරුවා, එයාලම අඳුනන සෙබලෙක් බවත්, එයා ඒවා කළේ ෂෙරිෆ්ව මරන්න මිස ගම්මුන්ව මරන්න නොවෙන බවත්, රාත්‍රී රැකවලා විදියට වෙස් වළාගෙන යන්නේ මැරියන් බවත් රොබින්ට හොයාගන්න ලැබෙනවා. මේ ඔක්කොම ඉවර වුනාට පස්සේ, තමන්ගේ රහස එළිවීම වළක්වන්න, ෂෙරිෆ් ගිස්බන් ලවා ඩි ෆෝට්නෝයිව මරලා දානවා.

මෙවර කොටසින්…

රොබින්ලාගේ කණ්ඩායම ගිස්බන්ගේ සෙබලු එක්ක තියෙන සටනක් අතරමැදදියි,මම මාතෘකාවෙදි කිව්ව බබාව ඒ ගොල්ලන්ට  හම්බවෙන්නේ. එයාගේ අම්මා මොකක්හරි හේතුවකට එයාව කැලේ දාලා ගිහින්. ඉතින් තමන්ගේ කණ්ඩායමේ සමහරෙක්ගේ විරෝධයත් මැද, රොබින් මේ බබාට එයාගේ අම්මා හොයලා දෙන්න උත්සාහ කරනවා. ඒ වගේම කලින් කිව්ව සටනෙදි, මෙයාලගේ කණ්ඩායමේ ඉන්න අර නාහෙට අහන්නේ නැති කෙනා – රෝයිව, ගිස්බන්ගේ සෙබලු අල්ලගෙන යනවා. කොච්චර බලකෙරුවත්, රෝයිගෙන් රොබින්හුඩ් ඉන්න තැනක් ගැන වචනයක්වත් අහගන්න ෂෙරිෆ්ට බැරිවෙනවා. ඉතින් එයාලගේ සූදානම, රෝයිගේ පවුලේ කාටහරි අනතුරක් කරන බව කියලා, රෝයිව තමන්ගේ පැත්තට නම්මගන්න. ඉතින් ෂෙරිෆ්ගේ උපාය සාර්ථක වෙයිද, රොබින්ට බබාගේ අම්මා හොයාගන්න පුළුවන් වෙයිද, ඇත්තටම කාගෙද මේ බබා කියලා අද කොටසින් බලන්න. පස්වෙනි කොටසින් ඉක්මනටම හමුවෙමු. හැමෝටම සුභ දවසක්!

අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම්  අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්.