Sense8 (2017) [S02 : E04] | සියලු බිය පසෙකලා…

කතාව ආරම්භයේදීම ඩොක්ටර් මිල්ටන් විසින් එයාගේ සොම්බි කෙනෙක් දම්මලා කෘම්ව මරලා දානවා. ඒකට හේතුව වුනේ BPO ආරම්භ කරලා තියෙන්නේ හෝමෝ සෙන්සෝරියම් (සෙන්සේට් වරුන්) හෝමෝ සේපියන් (මනුශ්‍යයින්) එක්ක එකට සහජීවනයෙන් කටයුතු කරන්න ඕනේ කියන බලාපොරොත්තුවෙන් වැඩිදුර පර්යේශණ සිදු කරන්න. ඒත් පෞද්ගලික වාසි තකා කාලෙන් කාලෙට අලුතෙන් එකතුවු සාමාජිකයින් එකතු කරලා අමානුශක විදියට පර්යේශනයන් තමුන්ගේ වාසි තකා සිද්ධ කරන්න පෙලඹීමත් සමග තමයි BPO නරක සංවිධානයක් විදියට රහසිගතව නමුත් බොහෝ දෙනා අතරේ පැතිරිලා තියෙන්නේ. නමුත් තවමත් සංවිධානය තුල ආරම්භක අභිප්‍රායන් පමණක් හිතේ තියාගෙන සමාගම තුල වැඩ කටයුතු කරන අය පිරිසක් ඉන්න බවක් කෘම් විසින් විල්ට කියන්නට යෙදුනා. ඒ වගේම හොඳ හිත පෙන්නන්න කියලා විල්ට බ්ලොකර් කරල් කීපයකුත් ලබා දුන්නා. ඉතිං මේ කෘම් කියන්නේ හොඳ පිලේ කෙනෙක් නිසා තමයි ඩොක්ටර් මිල්ටන් මෙයාව මරලා දාන්නේ. ඒ එක්කම එයාට කෘම්ගේ තැනක් හම්බෙනවා.

සන් හිරෙන් පැනලා ආවට පස්සේ. පොලිසියත් එයාගේ පස්සෙන් ආවා. ඒත් කොහොමහරි බේරිලා පැනගත්තා. ඒ වගේම කලා රාජන් එක්ක එකට ඔෆිස් එකේ වැඩ කරනවා. මේ අතරේ වූල්ෆ් ගැන්ග් එක්ක තියෙන තහනම් ආදරයත් එන්න එන්න දලුලනවා. ඒ එක්කම ලීලා ෆකීනි කියන සෙන්සේට් ගෑණු කෙනත් වුල්ෆ් ගැන්ග් හම්බෙන්න වෙලාවෙන් වෙලාව එනවා. ඒ වගේම තමයි නෝමි බග්ට පැහැදිලි කරනවා දෙනවා එයා වෙලාවෙන් වෙලාවට හිස් අවකාශයත් එක්ක කතා කරන්නේ ඇයි කියලා. සෙන්සේට් කෙනෙක් කියන්නේ කවුද, මොනවද වෙන්නේ, සෙන්සේට් වරු අතරේ සන්නිවේදනය සිදුවෙන්නේ කොහොමද කියන එක පැහැදිලි කරලම කියනවා. කොහොම වුනත් බග් සිහි නැතුව අහගෙන හිටියේ බොහෝම අමාරුවෙන්. ඒ වගේම නෝමිගේ පරණ හතුරෙක් වෙච්චි බෙන්ඩික්ස් එයාගේ පෙම්වතිය පස්සේ එලවගෙන එනවා. මේ අතරේ තමයි කෙන්යාවේ වතුර සම්බන්ධ කාලගෝට්ටියකුත්, ඉන්දියාවේ කෝවිල ඇතුලේ උත්ඝෝශණයකුත් හට ගන්නේ. මේ තුනේම පීඩනය තුන් දෙනා අතරේ බෙදිලා යනවා. කොහොමහරි මෙයාලට බෙන්ඩික්ස් ගෙන් ගැලවෙන්න ලැබෙනවා. ඒ වගේම කෆියස් කරපු කතාවත්, වතුර ප්‍රශ්ණය විසඳපු නිසාත් කෆියස්ට රූපවාහිනී වැඩසටහනකට සහභාගී වෙන්න අවස්ථාවක් ලැබෙනවා. ඒ වැඩසටහනේදී කරපු කතාවත් ජනමාධ්‍ය අතරේ සුපිරියටම නැගලා යනවා.

ඒ අතරේ මෙයාලා තවත් හිටපු සෙන්සේට්ලා ගැන හොයන එක අතෑරලා නෑ. මෙයාලට BPO පිලිබඳ තොරතුරු දැනගන්න පුළුවන් හැම අතකින්ම හාරා අවුස්සලා බලනවා. ඒක නිසා ලීටෝ රවූල් කියලා තමුන් ඉස්සර දන්න කියන කෙනෙකුගේ ගෙදරකට යනවා. එතනින් තොරතුරු හොයලා බලලා එයා දැනගන්නවා මහාචාර්ය කොලෝවි ඩොක්ටර් මිල්ටන් එක්ක එකතු වෙලා අර විදියේ පර්යේශණ කරපු කෙනෙක් වග.