Sense8 (2017) [S02 : E12 – Amor Vincit Omnia] | සමුගනිමු ආදරෙන්..

The Matrix (Series) + (Game), Jupiter Ascending (2015), Cloud Atlas (2012), V for Vendetta (2005) මේ සිනමා නිර්මාණයන් බලපු, එහෙම නැතිනම් The Matrix වීඩියෝ ක්‍රීඩාවත් එක්ක සෙල්ලම් කරපු ගොඩක් දෙනෙක් ඉන්නවා ඇති. මේ ලිපිය කියවනවා ඇති. සිනමා ලෝකයේ ලොකු වෙනසක් කරපු The Matrix, V for Vendetta වැනි චිත්‍රපට නම් මැරෙන තාක් සිනමා ලෝලියෙකුට කවදාවත් අමතක නොවන විදියේ සිනමා සිත්තම්. මේ වගේ චිත්‍රපට නිර්මාණය කරන ලද විශිෂ්ඨ ගණයේ අධ්‍යක්ශක, රචක සහ නිශ්පාදක යුවලක් තමයි The Wachowskis කියන්නේ. මේ දෙන්නා ඇත්තටම සහෝදරියෝ, තවකෙකුට කියන්න පුළුවන් සහෝදරයෝ කියලා. ඔව් මට වැරදුනේ නෑ. මේ ලෝකේ විවිධාකාර විදියේ පුද්ගලයින් ජීවත් වෙනවා. ඒ වෙනස්කම් දකින අපි බොහෝමයක් සාමාන්‍ය මිනිස්සු එයාලා අසාමාන්‍ය මිනිස්සු කියලා ගරහනවා. ඒත් එවැනි සමාජ තත්වයක් හමුවේ තමුන් තමුන්ම වෙමින් තමුන්ගේ සිතේ තියෙන දෑ නිර්මාණාත්මකව කලා ලෝකයට එකතු කරපු දෙන්නෙක් තමයි Lilly Wachowski සහ Lana Wachowski කියලා කියන්නේ. ඔවුන් දෙදෙනා විසින් නිර්මාණය කරන ලද මේ Sense 8 නම් අන්තර්ජාල කතා මාලාව අදින් අවසන් වෙන්නයි මේ හදන්නේ. කතාව නිර්මාණය කලත් මේ කතා මාලාවේ මුල්ම කතාංගයේදී සදහන් කරපු විදියට කතාව කතා මාලාවකට සරිලන විදියට තිර රචනයට J. Michael Straczynski පවා දායක වෙනවා.

මේ කතා මාලාව අනෙකුත් කතා මාලාවන්ට වඩා විශේෂ වෙන්න හේතු ගොඩක් තියෙනවා. ඒ ලෝකේ බහුතරයක් තත්වයන්, තරාතිරමක්ම, පොදු දර්ශණයක්ම කතාව තුලින් ආවරණය කිරීම. අනෙක සමාජවාදීත්වය විදහා දැක්වීම. මිනිසෙකුගේ නිදහස් චින්තනයට ඉඩහසර ලබාදීම. තත්වය, ජාතිය, භාෂාව, රට මොකක් වුනත් ආදරය හැමටම පොදුයි යන බව විදහා දැක්වීම. මෙසේ ගලා යා යුතු ලෝකයේ නපුර කෙතෙක් පැවතුනත් ආදරය, එකමුතුකම, මිත්‍රත්වය අභිබවා ඒ කිසිවකටත් යජග්‍රහණය කල නොහැකි බව. මම පිලිගන්නවා මේ කතාවේ බොහෝමයක් දේවල් අපේ සංස්කෘතියට ගැලපෙන්නේ නෑ. සමහර අදහස් අපට ගැලපෙන්නේ නෑ. ඒත් විශිෂ්ඨ කලා නිර්මාණයක් කියන්නේ තමුන් ලෝකය දකින ආකාරය, තමුන්ගේ අත්දැකීම්, තමුන් දුක, ආදරය, වේදනාව විදපු ආකාරය, ලාභ, ප්‍රශංසා, සැප, දුක යන සියල්ලක්ම තමුන් විදපු ආකාරය කලාත්මකව ඉදිරිපත් කිරීමක්. අපි ලෝකය දකින්නේ වෙනස් විදියකට. ඒ වගේම රචකයාගේ දැක්ම අනුව මේ විදියට සිද්ධ වුනොත් ලෝකය මේ විදියට ගලා යා හැකියි නේද යන අදහසින් ගොඩනගන ලද ප්‍රබන්ධයක්. මේ ප්‍රබන්ධය හමුවේ රසිකයින් නිර්මාණයේ දැක්වෙන අදහස් මනසට අවශෝෂණය කරගන්නේ කෙසේද යන දෘශ්ඨිකෝණයෙන් දැක කරන ලද නිර්මාණයක්. අසාධාරණ ලෙස කප්පාදුවට ලක් කරන රූපවාහිනී කතා මාලාවන් හමුවේ අසංතෘප්තියට පත්වෙන රසිකයින් අත් නොහැර, මුදල් පමණක් පරමාර්ථ කර නොගෙන සිදු කල පිරිසිදු නිර්මාණයක්.

කතාව මොකක්ද චරිත කවුද, වෙන සිද්ධිය මොකක්ද යන හැම දෙයක්ම මීට පෙර ලිපි වලින් ඇති තරමට පැහැදිලි කරලා තියෙනවා. ඒ වුනත් එදා මෙදාතුර ප්‍රධාන චරිත 8ත් සමග එකට ආදරෙන් බැදුනු හිත මිත්‍රයින් පවා එකට පවුලක් බවට පත්වෙලා 8 දෙනා හිතුවටත් වඩා ලොකු සංඛ්‍යාවක් බවට පත්වෙලා. කලින් සිටි සමහරක් මිතුරන් අතිජාත මිත්‍රයින් බවට පත්වෙලා. කතාවේ තැනකින් මතුවුනු පොඩි චරිත අවසානයේදී එකට එකතු වෙලා. වුල්ෆ්ගැන්ග් ගේ පැහැරගැනීමෙන් පස්සේ විස්පර්ස් ගෙන් පලි ගන්න හැමෝම එකට එකතු වෙලා විස්පර්ස්ව පැහැර ගන්නවා. ඒ කතාවේ ප්‍රධාන චරිත 8හි ක්ලස්ටර් එක BPO වලට යුධ ප්‍රකාශ කරමින්. තමුන්ගේ හැකියාවන්, අදහස්, සිතිවිලි බෙදා හදා ගනිමින් මේ හැම කෙනෙක්ම එකා වගේ එකට වැඩ කරනවා.

කතාව අවසානයේදී මෙතෙක් කතාවේ ක්‍රියාදාමයට උදව් වුනු හැම කෙනාම එකට එකතු වෙනවා. කතාවට තවත් අලුතින් විවරණන් එකතු වෙනවා. ඒ වගේම කතාවේ චරිත සමුගන්නවා. මෙතෙක් කතාවේ සිදු නොවුනු අන්දමට ගැටුම් ඇති වෙනවා. ජයග්‍රහණයන් සහ පරාජයන්ද හැමෝම එකට එකතුව අත්විදිනවා. කෙනෙකුගේ වේදනාව අනෙකුන් පවා බෙදා හදා ගන්නවා.

මේ ආකාරයට ගලාගෙන යන කතාව මොන විදියට අවසන් වේවිද? හිතන්නට යමක් ඉතුරු කරාවිද? අඬන්නට යමක් ඉතුරු කරාවි ද? කුතුහලය සංසිදුවාගැනීම ඔබට බාරයි. මුල් කතාංග තුනට උපසිරැසි කරලා දායකත්වය ලබාදුන්නු චාමර සම්පත් සහෝටත් ස්තුති කරන ගමන් බයිස්කෝප් අද මේ කතාවෙන් සමුගන්නවා.

සමාප්තයි..!