ආයුබෝවන් මිත්‍රවරුණි..!
ඉතිං බයිස්කෝප් 10 වැනි සංවත්සරයට එක හුස්මට දුන්නු The Widow සහ The Crossing බලල මහන්සිත් ඇති නේ. එහෙම තමයි මේ වගේ වැදගත් දවසක අපි කොහොමටවත් අපේ සහෘදයින්ට බයිස්කෝප් අඩවියෙන් ඈත් වෙන්න දෙන්නෙ නෑ. අද විතරක් නෙවෙයි කිසිම දවසක අතාරින්නෙ නෑ. කොහොමහරි ඉතිං ඔයාල 10 සමරන අතරෙ මම මේ පැත්තෙ ඉඳගෙන ඔන්න සෙවනැලි දඩයමත් කරගෙන ආව. එහෙනම් බලමු කලින් කොටසෙදි මොනවද වුණේ කියල.
පසුගිය කොටසින්..
ලිලිත් සයිමන්ට පහර දෙනවත් එක්කම ලිලිත්ගෙ ශරීරය බෝම්බයක් වගේ පිපිරිලා ගියාට ඊට සුළු මොහොතකට කලින් ක්ලැරී සහ ජොනතන් හිටපු නවාතැන වෙන තැනකට මාරු වෙලා තිබුණ. ඒ සයිබීරියාවේ හිම සහිත ප්‍රදේශයකට. නමුත් මේක කිසි කෙනෙක් දන්නෙ නෑ. ක්ලැරීට සිහි එන්නෙත් සිද්ධිය වෙලා සතියක් විතර ගියාට පස්සෙ. ඒ නිසා ජේස්, සයිමන්, ඉසී, ඇලෙක්, මැග්නස් වගේම මායා හිතන්නෙත් ක්ලැරී මැරුණ කියල. ඒත් ලූක් මේක විශ්වාස කළේම නෑ. ලූක් ඒ බව ජේස්ට කියනව.නමුත් ජේස්නම් ඒක එච්චර ඔළුවට ගන්න බවක් පෙනුණෙ නෑ. මේ අතරෙ ජොනතන් එක්ක තනි වෙලා හිටපු ක්ලැරී නවාතැනේ දොර ඇරගෙන එළියට පැනල දුවනව. දිව්ව කියල කොහේ යන්නද? හැම තැනකම තියෙන්නෙ හිම විතරයි. එහෙම ගිහින් සිහි නැතුව එක තැනක වැටෙනව. ජොනතන් ඇවිල්ල ක්ලැරී ආපහු එක්කගෙන යනව. මේ අතරෙ කේන්ගේ සලකුණ නිසා සෑහෙන හිත කරදර කරගෙන ඉන්න සයිමන් හොයන්නෙ කේන්ගෙ සලකුණ තමන්ගෙ නළලෙන් ඉවත් කරගන්න ක්‍රමයක්. ඒකට සයිමන් රෆායෙල් ලඟට ගිහින් අහනව එයා දන්නෙ මොනවද කියල. ඒත් ඉතිං රෆායෙල් ලොකු දෙයක් දන්නෙ නෑ. හැබැයි දන්න කෙනෙක් ඉන්න තැනක් ගැන ඉඟියක් ලබා දුන්න සයිමන්ට. දැන් සයිමන් ඒ කෙනාව හොයාගෙන යන්නයි සූදානම. ඒ වගේම අවසාන විනාඩි කීපයේ අපි දැක්ක ක්ලැරී, ජොනතන්ව මරන්න හැදුව. හැබැයි ඒකෙන් වුණේ හිතපු නැති දෙයක්. ජොනතන්ට විඳින්න වෙන ඕනම දෙයක් ඒ විදියටම ක්ලෑරීටත් විඳින්න වෙනව.
අද කොටසින්…
ඉතිං මේ ඔක්කොම ඔහොම වෙද්දි අද බලාගන්න පුළුවන් කපන්න බැරි අත ඉඹිනව වගේ ක්ලැරී ජොනතන් එක්ක ඉන්න විදිය. ඒ වගේම සයිමන්, ඉසී එක්ක යනව රෆායෙල් කිව්ව පරණ වැම්පයර් හමු වෙන්න. එහෙම යද්දි මේ කෙනා හමු වෙනව. වැඩේ කියන්නෙ ඒ කෙනාටත් කේන්ගේ සලකුණ තියෙනව. කවුද මේ? කේන්ගේ සලකුණේ සැබෑ උරුමකරුවා තමයි මේ ඉන්නෙ. ඒක රහසක් විදියට තියන්නම් ඔයාලට විසඳ ගන්න. මේ කෙනා හමු වුණාට පස්සෙ සයිමන් දැනගන්නව සලකුණ අයින් කරන එක සිලී රැජිණට කරන්න පුළුවන් කියල. හැබැයි ඒක මරණයටත් වඩා වේදනාකාරී දෙයක්. ඒ වගේම මේ සිදුවීමෙදි ඉසී තමන්ගෙ ජීවිතය පරදුවට තියනව සයිමන් වෙනුවෙන්. හරියට ජේස් වෙනුවෙන් මැගන්ස් තමන්ගෙ මායා බලය පරදු තිව්ව වගේ. ජොනතන් ගැන කිව්වොත් ජොනතන් යම් දෙයක් හොයනව. ඒක කතාවෙ ඉදිරියේදි අපිට හමුවෙයි. හැබැයි ඒක ඒ හැටි හොඳ දෙයක් නම් වෙන එකක් නෑ. තව තව දේවල් ගොඩක් වෙනව. ඒ ඔක්කොම බලන්න කියල ආරාධනා කරමින් හෙට Walking Dead තුළින් හමු වෙන බලාපොරොත්තුව ඇතිව මම යනව. එහෙනම් Hail බයිස්කෝප්..! ජය වේවා..!
ඒ වගේම දැනුම් දීමක් කරන්න තියෙනවා අපේ නවතම බයිස්කෝප් සිංහලෙන් වෙබ් අඩවිය වෙනුවෙන් නිර්මාණය කල ෆේස්බුක් පිටුව ගැන. මොකක් හෝ අහේතුවකට 130,000 අධික ලයික් ප්‍රමාණයකින් යුතු අපේ ෆේස්බුක් පිටුව මීට සති දෙකකට කලින් මකා දමා තිබෙනවා. ඒ වෙනුවෙන් අපි නැවත ෆේස්බුක් පිටුවක් ආරම්භකොට තිබෙනවා. මුහුනුපොත තුල උපසිරැසි පළකිරීම් ගැන දැනුවත් වෙන්න ඒ පිටුව සමහ මෙතනින් එක්වෙන ලෙසින් හැමෝටම ආරාධනා කරනවා.
හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.
Torrent Download
| HDTV | x264 | 298MB |
Direct Download
| HDTV | x264 | 298MB |
අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම් අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්.
(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)
