Supergirl [S03 : E21]| ජයග්‍රහණයක්ද? පරාජයක්ද?…

කොහොමද හිතවතුනි.. ඔන්න එහෙමනම් අරගෙන ආවා සුපර්ගර්ල් තුන්වන කතාසමයේ 21වැනි කොටස. අදනම් කොහොමහරි ආව දවසෙම රාත්‍රී 8.30 කණිසම වෙද්දී උපසිරැසිය ඉවරයක් කරගන්නට හැකියාවක් ලැබුනා. එහෙනම් මේ කොටස ඇරුනහම තව කොටස් දෙකක් පමණයි එන්න නියමිත වෙලා තියෙන්නෙත්. හරි එහෙමනම් අපි බලමුකෝ කතාවේ අද මොකද වෙන්නෙ කියලා.

ගිය සතියෙ අපි දැක්කනේ යුඩා කැල් පාශානය හොයාගෙන ගිය මොන් එල් සහ සුපර්ගර්ල්ට හම්බවුනා එහෙම්පිටින්ම පාවෙන නගරයක්. ඉතින් මේ නන්නාදුනන නගරයට ඇතුල්වෙලා පාශානය හොයාගන්න සුපර්ගර්ල්ට දැකගන්න ලැබුනේ ඇස් මවිත කරවන දර්ශනයක් නොවෑ. සුපර්ගර්ල් විතරක් නෙවෙයි කවුරුවත්ම නොසිතුව දෙයක් තමයි උනේ.. ක්‍රිප්ටෝන් විනාශයෙන් මියගියා කියලා හිතාගෙන හිටිය සුපර්ගර්ල්ගේ අම්මා අලුරා සෝර් එල් ජීවත්වෙනවා. අලුරා විතරක්ම නෙවෙයි ක්‍රිප්ටෝන් නගරයක් උන ආර්ගෝ නගරය මුළුමනින්ම වගේ බේරිලා තියෙනවා. ඉතින් කියන විදිහට මේකට හේතුව වෙලා තියෙන්නෙ සුපර්ගර්ල්ගේ පියාණන් සෝර් එල් තමයි.

මතකයිනේ සුපර්ගර්ල් හොයාගෙන ගියපු පාශානය. ඉතින් මේ පාෂාණයේ පිහිටෙන් තමයි ආර්ගෝ නගරය ජීවත්වෙන්නේ. ඒ නිසා එයාලා කැමති වෙන්නෙ නෑ ඒක ලබාදෙන්න. හැබැයි අන්තිමේ ඉතින් සුපර්ගර්ල් කොහොමහරි ඒකට එයාලව කැමති කරවගන්නවා. ඒ වගේම අපිට දකින්න ලැබුනා රෙයින්ව නිර්මාණය කළ අය තවමත් ජිවතුන් අතර බව. ඔවුනුත් ආර්ගෝවල සුවසේ ජීවත්වෙනවා. ඉතින් කොහොමහරි සුපර්ගර්ල් පාෂාණයත් අරගෙන ආපහු එනකොටම වගේ රෙයින් ලීනාගේ කුඩුවෙන් නිදහස් වෙනවා.

ලිනාගේ කුඩුවෙන් එළියට පැන්න රෙයින්ව පාශානයේ උදව්වෙන් ආපහු සෑම් බවට පත් කරගන්න අද සුපර්ගර්ල් ඇතුළු පිරිස සමත් වෙනවා. ඒ වගේම සුපර්ගර්ල්ගේ අදහස වෙලා තියෙන්නෙ මේකෙන් පස්සේ ආපහු ආර්ගෝවලට ඒ කියන්නෙ තමන්ගේ හැබෑ නිවහනට පදිංචියට යන්න. ඉතින් ඒ ගමනට සුපර්ගර්ල් එක්කලා මොන් එලුත් එකතු වෙනවා. එහෙමනම් අද බලාගන්න පුළුවන් සුපර්ගර්ල් යළි තම නිවෙසට ගියහම මොනවගේ ජිවිතයක් ගෙවයිද කියලා? ඒ වගේම සුපර්ගර්ල් නැතුව DEO එක හොරු අල්ලන විදිහ එහෙම.

හරි එහෙමනම් මේ ටික හොදටම ඇතිවෙයි. තව කිව්වොත් කතාවේ කුතුහලය නැති කළා කට්ටිය මට බනින්නත් බැරි නෑ. එහෙමනම් හෙට දිනයේ THE 100 උපසිරැසිය සමගින් හමුවෙන අපේක්‍ෂා පෙරදැරිව මා සමුගන්නවා. එතෙක් ඔබ සැමට ජයෙන් ජය!

Torrents Download

| HDTV | x264 | SVA | 285MB |