Supernatural [S03]- Complete

කට්ටියම සීසන් 3 බලන්න දැන් ලෑස්ති ඇති කියලා හිතනවා. ඉතින්, කලින් සීසන් එක ඉවර වුන හැටි මතක ඇතිනේ. කහ-ඇස්ගේ ප්‍රශ්නෙ විසදුවත්, දැන් අයියා මලෝ දෙන්නට මුණ දෙන්න වෙලා තියෙන්නේ ඊට වඩා බරපතල ප්‍රශ්නවලටයි. ඩීන්ට තව ජීවත් වෙන්න තියෙන්නේ අවුරුද්දයි. ඒ මදිවට මැරුණාම යන්න වෙන්නෙත් අපායටයි. ඒත් සෑම් පොරොන්දුවක් දෙනවා එයා කොහොම හරි ඩීන්ව බේරාගන්නවා කියලා. ඉතින් මේ සීසන් එකේදී අපිට බලතහැකි සෑම් ඩීන්ව බේරගන්න මොනවා කරයිද කියලා. මේ සීසන් එකේ එපිසෝඩ් 16යි තියෙන්නේ, ඒ තමයි ඩීන්ගෙ අවුරුද්ද. වෙන වචනවලින් කියනවනම් සෑම්ට ඩීන්ව බේරගන්න තියෙන්නේ එපිසෝඩ් 16යි! ඒ මදිවට, ඩීමන්ලා දෙසීයක් විතර දැන් ලෝකේ සැරිසරනවා, අපි දන්නේ නැති වුනත් උන් ආවේ මොකටද කියලා. අද කථාව පටන් ගන්නේ ගේට්ටුව ඇරලා දවස් පහක් ගියාට පස්සේ තැන ඉදලයි.

ආපු ඩීමන්ලා රොත්තේ හැටියට උන් හරිනං මේ වෙනකොට මහා විනාසයක් කරලා තියෙන්න එපැයි. උන් මොනවද කරන්නේ කියලා දැන ගන්න කථාව බලන්න වෙනවා. ඒ අතරේ බොබීට දැනගන්න ලැබෙනවා නෙබ්‍රස්කා කිට්ටුව ඩීමන් නිමිති වගයක් පහල වෙලා තියෙන බව. බොබීයි, කොල්ලෝ දෙන්නයි, තුන් දෙනාම යනවා ඒ ගැන හොයලා බලන්න. මෙහෙදී මේගොල්ලන්ට හම්බවෙන්නේ පොතපතේ සදහන් වෙන භයානකම ඩීමන්ලා කණ්ඩායමක් වන මාරක පව් හතයි. මාරක පව් හතත් එක්ක හැපිලා දිනන්න පුලුවන්ද කියලා අද කථාව බලලම දැනගන්න.