Supernatural [S13 : E16] | ස්කූබි-නැචුරල්..

ශාන්ත පීතරගේ හිස්කබල හොයන එක තමයි රාජකාරිය උනේ. හැබැයි ඒක හොයාගන්නත් මේ දෙන්නට බැරි උනා වෙනින් ප්‍රශ්ණ ගොඩකට පැටලෙන්න උන එක හැරුනම. එතකොට තමයි මේ දෙන්නට ලූකා කියලා පූජකවරයෙක්ව මුණගැහෙන්නේ. එයා ඇවිත් තිබුනෙත් හිස් කබල අරගන්නයි. හිස් කබල නැති වෙන්නේ කොහොමද කියලා කතාව පටන් ගද්දිම පෙන්නුවා මතක ඇති. කොහොම හරි මේ හිස්කබල මංකොල්ල කන්න අනුබල දීලා තියෙන්නේ වෙනින් කවුරුවත් නෙවෙයි සෑම්ටයි ඩීන්ටයි මුලින්ම මුණගැහුණු කෙනා ඈස්ටර්. එයාට ඕන උනේ අන්තිමේදී මේ හිස්කබල ලංසු තියලා වැඩිම ගානට විකුනලා දාන්න. ඒ හැමදේම වළක්වාගෙන හිස් කබලේ නියම අයිතිකාරයා වෙච්චි ලූකා පියතුමන්ටම ඒක ආයෙමත් ලබාදුන්නා. එතකොට තමයි මේ දෙන්නට දැනගන්න ලැබුණේ ලූකා පියතුමන් පාප් වහන්සේව මුණගැහිලා තියෙනවා කියලා. ඒ විතරක් පාප් වහන්සේ එයාට කියලා එයා තමයි වඩාත් ශුද්ධවන්තම කෙනා කියලා. ඒ නිසා මේ දෙන්නා ලූකා පියතුමන්ගෙන් ලේ බිංදු කිහිපයක් අරගෙන අවශ්‍ය කරන මුලද්‍රව්‍යයන් හතරෙන් එකක් සම්පුර්ණ කරගත්ත හැටි කලින් කොටස තුලින් දකින්න ඇති.

අද එහෙනම් අරන් ආවේ සුපර්නැචුරල් කතාමාලාවෙයි ස්කූබි ඩුූූ කාටූන් එකෙයි ක්‍රෝස්ඕවර් කතාංගය අරගෙන. අමුතුවෙන් කියන්න යන්නේ නැහැ මොකද වෙන්නේ කියලා. මොකද මේ කොටස බලන්න කලින් දැනගන්න ඕන හැම කාරණාවක් මං මීට කලින් මංසල හරහා ලිපියක් පල කරලා දැනුම් දුන්නා.