Supernatural [S15 : E04] | සුපර්නැචුරල්: දී එන්ඩ්!

ආයූබෝවන් හැමෝටම…!! ඔන්න අදත් ආපු දවසෙම අරගෙන ආවා. කලින් සතියේ සුපර්නැචුරල් විකාශය උනේ නෑ නේ. සතියක නිවාඩුවකින් පස්සෙ තමා අපි මුණගැහෙන්නේ. එහෙනම් වැඩි කතා නැතුව හැරෙමු කතාව පැත්තට…

පෙර කොටසින්….

අපායේ පැල්මෙන් එලියට ආපු ඔක්කම වගේ ආත්ම ටික බෙල්ෆෙගොර්ගේ උදව්වෙන් නරගයේ හිර කරලා ආරක්ෂිත ආවරණයක් හැදුවත් ඒක එන්න එන්නම දුර්වල වෙන්න ගත්තා ආත්ම වැඩිවෙනවත් එක්ක. ඉතින් ඒ පැල්ම වහලා දාන්න රොවීනා, බෙල්ෆෙගෝර්, කෑස්, කේච්, ඩීන් සහ සෑම් ඔක්කමලා එකතු වෙලා වැඩ කරගෙන යනවා. ඔය අතරේ තමා බෙල්ෆෙගෝර් කියන්නේ මේ ආත්ම ඔක්කම ආපහු අපායට ගෙන්වන්න ලිලිත්ගේ නලාවට පුළුවන් කියලා, ඒත් ඒක අපායේ ඔටුන්න ගන්න බෙල්ෆෙගොර් කරපු උපක්‍රමයක්. ඒත් මේ ආර්ඩට් කියන ඩීමන් කෙනෙක් මේ ගැන අනතුර් ඇගෙව්වා. ඒත් බෙල්ෆෙගොර් එයාව මරලා දැම්මා. කෝමහරි කෑස් බෙල්ෆෙගොර්ව මැරුවා. කේච් ආර්ඩට් අතින් මැරෙනවා. ඒ අතරේ අපායේ පැල්ම වහන්න තියෙන අන්තිම උප ක්‍රමය රෝවින කරන්න හිතාගත්තා. ඒ තමයි රෝවිනාගේ ඇගට ඔක්කම ආත්ම ටික ඇදගෙන එයා අපායට පනින එක. කෝමහරි එතනදි කලින් කියලා තිබ්බා වගේම සෑම් තමා රොවීනව මරන්නේ, කැමැත්තෙන් නෙමෙයි කරන්න දෙයක් නැති කමට. අවසානේ කෝමහරි රෝවිනගේ කැපකිරීමෙන් තවත් ලෝක විනාශයක් බේරුනා. කෑස් ඒ අතරේ ඩීන් සහ සෑම්ව දාලා යනවා. මොකද ඩීන් කෑස් ගැණ පැහැදීමෙන් නෙමෙයි හිටියේ, සෑම් දිගටම මේ සිද්ද වෙන අහිමිවීම් ගැණ හිත හිත දුක් වෙද්දි තමා කතාව අවසන් වුනේ.

අද කොටසින්…

අද කොටසෙන් ඔන්න තවත් ලෝක විනාශයක් අවසන් කරපු කොල්ලා දෙන්නා සුපුරුදු දඩයමේ යනවා. මේ සැරේ වැම්පයර් කෙනෙක් තමා කට්ටියට සෙට් වෙන්නේ. ඒ අතරේ චක් නොහොත් දෙවියෝ අපේ පරණ මිතුරියක්ව හම්බුවෙන්න යනවා. එයාගෙන්වත් උදව්වක් ගන්න බලාපොරොත්තුවෙම්. බලන්නකෝ ඒ අමුත්තිය කවුද කියල එහෙනම්.. ඒ අතරෙම දෙයියෝ අද තවත් දරුණු වෙනවා අවසානේ, හොද හොද සෙල්ලම් ටිකක් බලාගන්න පුළුවන් වෙයි වගේ ඉස්සරහට. අද විශේෂත්වයක් තියෙනවා කතාවේ, ඒ තමයි අපි කවුරුත් දන්න ඩීන් වින්චෙස්ටර් (Jensen Ackles) තමයි මේ කොටස අධ්‍යක්ෂණය කරන්නේ, බලන්නකො එයාගේ අධ්‍යක්ෂණය හොදද කියලා. එහෙනම් බලන්නකෝ.. මම ගිහින් එන්නම්. ලබන සතියේ කොටසින් හමුවෙමු. ජය වේවා…!!!

___ ____

අද කතාවේ නම “Atomic Monsters “
අධ්‍යක්ෂණය: Jensen Ackles
ලිව්වේ: Eric Kripke
විකාශනය වුනේ: 2019 නොවැම්බර් 07
මීලග කොටසින්:Proverbs 17:3 | 2019 නොවැම්බර් 14