කොහොමද කට්ටියට… හැමෝටම සුභ අලුත් අවුරුද්දක් වේවා. ඔන්න එහෙනම් කළු ලැයිස්තුව විරාමයෙන් පස්සේ අළුත් අවුරුද්දේ වැඩ ආරම්භ කලා. මාස දෙකකට කිට්ටුකාලයක විරාමයක් ලබාගත්තේ අපේ කුතුහලය උපරිම අන්තයකට නංවමින් සහ බොහෝපිරිසක් දුක් සයුරේ ගිල්වමිනුයි. මතකනේ ටොම් කීන්ගේ මරනය. කලින් කිව්වා වගේ නිශ්පාදකයින් ස්ථිරවම කියලා තියෙනවා ටොම් කීන් නැවත එන්නේ නැහැ කියලා. සමහරවිට අපිට එයාව ෆ්ලෑෂ්බැක් සීන් වලින් දැකගන්න ලැබේවි. ඉතිං කතාව ටිකක් මතක් කරන්නම් අමතක වෙච්ච අයට. හැම අවුලකටම මූලික වුනේ හතරවෙනි සීසන් එක අවසානයේදී මිස්ටර් කැප්ලන් විසින් ටොම්ට ලබාදුන්න අස්ථි පද්ධතිය සහිත සූට් කේස් එකයි. මේ අස්ථි පද්ධතිය කාගේද කියලා අපි තාම දන්නේ නැති වුනත් ඒකෙන් නික් කෝප්‍රල් ටොම් කීන් ඇතුළු බොහෝ දෙනෙක්ට මරණය ළගාකරලා දීලා ඉවරයි. මතක ඇතිනේ මේ අස්ථි පද්ධතිය අයිතිකාරයා හොයාගන්න කියලා ටොම් සහ නික් බාරදීපු කෙනා අතුරුදහන් වෙනවා. එයාව හොයාගන යන ටොම් සහ පීට්ගේ පෙම්වතිය පැහැරගන යන්නේ මේ අස්ථි පද්ධතියේ වටිනාකම තියෙන්නේ රෙඩින්ටන්ට බව දැනගන්න ඉයන් ගාවේ කියන කෙනායි. හැබැයි ටොම්ට රෙඩින්ටන් සහ ඩෙම්බේගේ උදව්වෙන් මෙයාලාගෙන් පැනලා යන්න පුළුවන් වුනත් අවසානෙට ටොම්ගේ ගෙදරදී එලිසබත් එක්කම එයාව අහුවෙනවා. ටොම්ගෙන් ප්‍රෂ්ණ කිරීම් වලදී එයාට පිහි ඇණුම් පහරවල් කිහිපයක්ම වදිනවා. ඒ වගේම තමයි ලිස්ගේ ඔලුව තදින් බිම වදිනවා. ටොම් මරණීය තුවාල සහිතව පවා අවසානය දක්වාම සටන් කරන්නේ ලිස්ට තියෙන ආදරය නිසා ඇයව බේරගන්න තියෙන වුවමනාවෙන්. ඉතිං අවසානයේදී ටොම් සදහටම සමුඅරගන්නවා. ලිස් මාස 10ක්ම කෝමා තත්වයේ පසුවෙනවා. මේ අතරතුර කාලයේදී ඇග්නස්ව වගේම ලිස්ව බලාගන්නෙත් රෙඩින්ටන්. ලිස් කෝමා එකෙන් අවදිවන තැනින් කතාව විරාමයක් ලබාගන්නවා.
ඉතිං අද කතාව බලමු එහෙනම්. මම හිතන්නේ පළවෙනි වතාවට කතාව නඩු අංකයක් නැතිව නම් කරලා විකාශය වෙන්නේ අද වෙන්න ඕන. අද කතාවේදී ටොම්ගේ වියෝව නිසා කම්පාවට පත්වෙලා ඉන්න ලිස් හැමදේකින්ම අෑත් වෙලා ඇලස්කාවට යනවා. හැබැයි මේ වෙනකොටත් ලිස් දන්නේ නැහැ ටොම්ගේ මරණයට කෙලින්ම නොවුනත් වක්‍රාකාරව රෙඩින්ටන්ගේ සම්බන්ධයක් තිබෙන බව. තවමත් අස්ථි පද්ධතිය පිළිබඳ රහස රහසක් විදියටම රැදිලා තියෙනවා. ඒක කොහොම එලිවේවිද කියලා අපි දන්නේ නැහැ. එහෙමනම් කතාව බලන්න. ලිස්ගේ අපි නොහිතපු විදියේ පැත්තක් අද එළියට එනවා. විචාරක අදහස් අනුව නම් මේ කොටස විකාශිත කොටස්වලින් හොදම කොටස්වලින් එකක් බවයි පැහැදිලි වෙන්නේ. එහෙමනම් රසවිදින්න…
මීළඟ කොටසින් හමුවන තුරු ජය…!!!
හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.
Torrents Download
| HDTV | x264 | SVA | 292MB |
617F74D92D25AAA3BC8A3A5DBAFE56BD21903F73
Direct Download
| HDTV | x264 | SVA | 292MB |
අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම් අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්.
