The Flash [S06 : E03] | මිච් රොමේරෝ…

මිත්‍රවරුනි, ඔන්න තුන්වෙනි කොටසත් අරගෙන ආවා. ඉතින් ගිය සතියේ කොටස පටන් ගත්තේ රැම්සි රූසෝගෙන්. එයාට දැන් ඕන වෙලා තියෙන්නේ එයාගේ රෝගී තත්වයට අවශ්‍ය බෙහෙත් හදන්න ඕන කරන ඩාර්ක් මැටර් හොයාගන්න එක. එයා කලින් වතාවේ උත්සාහ කලේ කේට්ලන්ගේ මාර්ගයෙන් ස්ටාර් ලැබ් එකෙන් වැඩේ ගොඩ දාගන්න. ඒත් කේට් වැඩේට කැමති උනේ නැහැනේ. ඉතින් එයා මිච් රොමේරෝ කියන කෙනාගෙන් ඩාර්ක් මැටර් වලින් ආරෝපනය වෙන තුවක්කුවක් අරගන්නවා. එතනදී ඇතිවෙන සටනින් රූසෝ අතින් රොමේරෝව මැරෙනවා. මොකද රූසෝට දැනටමත් අමුතු බලයක් තියෙන නිසා.

ඉතින් ගිය සතියේ අන්තිමටම පෙන්නුවා මැරුණ රොමේරෝ ආපහු නැගිටිනවා. ඉතින් එයා තමයි මේ සතියේ ෆ්ලෑෂ් ටීම් එකට මෙල්ල කරගන්න වෙන්නේ. හැබැයි එයා හිතනවාට වඩා ශක්තිමත්. මිනිස්සු දහදෙනෙක්ගේ විතර ශක්තියක් තියනවා. ඉතින් මේ මැරුණ රොමේරෝ යන්නේ ඩාර්ක් මැටර් හොයාගෙන. අනික් කාරණය තමයි දැන් කේට්ලන් එයාගේ සම්පූර්ණ පාලනය ෆ්රොස්ට බාරදීලා තියෙන්නේ. මොකද එයා අවස්ථාව ලබාදුන්නා ෆ්රොස්ටත් එයාගේ ජීවිතය විඳින්න.

බෙරි සහ අයිරිස් එකඟතාවයකට ආවානේ ව්‍යසනයේදී එයා මැරෙන එක ගැන කණ්ඩායමට කියන්නේ නෑ කියලා. අපි බලමු එයාලා දිගටම ඒක නොකියා ඉඳියිද නැත්නම් කියාවිද කියලා. එතනින් ගියාම, වෙල්ස් කෙනෙක් නැතුව නිකන් කතාවේ පොඩි අඩුවක් වගේ දැනෙනවා ඇතිනේ ඔයාලාට. ඔන්න තව වෙල්ස් කෙනෙක් වෙන පෘථිවියක ඉඳන් කඩන්පාත් වෙනවා. එහෙනම් කතාව බලන්න ඔයලාට බාරයි. ඊලඟ කොටසින් මුණගැහෙමු!