The Flash [S06 : E04] | ලේ සහ කඳුළු

ඉතින් ඔන්න බයිස්කෝප් රසික රසිකාවියන්ට ෆ්ලෑෂ් ලැබෙන මේ ඉරිදා දවසේ හයවෙනි කතා මාලාවේ හතරවෙනි කොටස අරගෙන තමයි මේ ආවේ. මේ කතා සමයේ මුල ඉඳන්ම පෙන්වන චරිතයක් තමයි රැම්සි රූසෝ. එයාට තියෙන පිළිකා තත්වයට බෙහෙත එයා හොයාගත්තත් ඒකට ඩාර්ක් මැටර් සම්බන්ධ නිසා වැඩේ භයානකයි. ඒත් එයාගේ ඉලක්කය මොන දේ උනත් ජීවත් වෙන එක. අන්තිමේ එයා දැන් මෙටා කෙනෙක් උනා. ඇත්තටම මෙටා කෙනෙක්ද නැත්නම් වෙන කෙනෙක්ද කියලත් වෙලාවකට හිතෙනවා.

ඉතින් මේ සතියේ ඔයාලාට අලුත් මෙටා චරිත මුණගැහෙන්නේ නෑ. රැම්සි තමයි මේ සතියේ ප්‍රධාන චරිතය. ඉතින් ගිය සතියේ ෆ්ලෑෂ් තීරණය කලා ව්‍යසනයෙන් සිද්ධවෙන්න යන දේ සම්බන්ධයෙන් තිත්ත ඇත්ත තමන්ගේ ටීම් එකට කියන්න. ටීම් එකේ අයගේ හිත හදන එක ලේසි පහසු දෙයක් නෙමෙයි. බෙරිට ඉතුරුවෙලා තියෙන්නේ තව සති හයක් විතරයි. ඊට කලින් එයාට කණ්ඩායම සූදානම් කරන්න වෙනවා ව්‍යසනයෙන් පස්සේ ෆ්ලෑෂ් නැති ලෝකයක හැමදේම ඉස්සරහට කරගෙන යන්න.

එතනින් ගියාම අර නෑෂ් වෙල්ස් ඔන්න ස්ටාර් ලැබ් එකට එනවා. සාමාන්‍යයෙන් වෙල්ස් කෙනෙක් මොකක්හරි ලොකු හේතුවක් නැතුව මතුවෙන්නේ නැහැනේ. ඉතින් අපිට තාමත් හිතාගන්න බෑ මෙයා මොකටද ආවේ කියලා. අද කතාවේ අන්තිමට එයා හොයන්නේ කාවද කියලා පොඩි ඉඟියක් දෙනවා. එහෙනම් කතාව බලන්න ඔයාලාට බාරයි. ලබන සතියේ මුණගැහෙමු.