හැමෝටම ආයුබෝවන් වේවා! මේ ගෙන එන්නේ The Gifted කතා මාලාවේ අවසන් කොටස් දෙකයි. 2017 ඔක්තොම්බර 02 දින ආරම්භ වූ මේ කතා මාලාව කොටස් දහතුනක විකාශයත් සමගින් 2018 ජනවාරි 15 දින මෙසේ නිමාව දකින මොහාතේ මේ දක්වා මේ කතා මාලාවේ සිද්ධ වුන දේ ගැන කෙටියෙන් හෝ මතක් කරගැනීමට අවශ්‍යයි.
වෘත්තියමය නීතිඥයෙක් වූ රීඩ් ස්ට්‍රකර් හා ඔහුගේ බිරිඳ වූ කෙට්ලන් තම දරුවන් දෙදෙනා වන ලොරන් හා ඇන්ඩෲ සමග සතුටු සමාදානයෙන් කාලය ගත කරමින් සිටිනවා.නමුත් පාසලේ සිද්ධ වෙන හිරිහැර කිරීම නිසා මානසික පීඩාවෙන් සිටින ඇන්ඩෲ ,දිනක් තම සහෝදරිය සමග රාත්‍රී සාදයකට සහභාගී වෙන්නේ විනෝද වීමේ අදහසින්.මේ අතරවාරයේ එතනට පැමිණෙන ඇන්ඩෲගේ පාසලේ පිරිමි ළමයින් පිරිසක් ඇන්ඩෲහට අඩම්තේට්ටම් කිරීමට සුදානම් වෙන මොහාතේ දී මෙතෙක් කලක් සිරකරගෙන සිටි ඒ පීඩනය නිදහස් වෙන්නේ සාදය තිබුන තැන සුනුවිසුනු කරමිනුයි.මේ සිද්ධියෙන් පසු ඇන්ඩෲ යනු විපරිතයෙක් හෙවත් විකෘති ජාන තියෙන කෙනෙක් බව කේට්ලන් වටහා ගන්නවා.මේ අවස්ථාවේ දී ලෝරන් පවසා සිටින්නේ ඇය ද ඇන්ඩෲ මෙන්ම විපරිතයෙක් බවයි.මෙසේ කතාබහ සිද්ධ වෙන අවස්ථාවේ සෙන්ටිනල් සේවා නම් විපරිත විරෝධී ආයතනයකින් ඔවුන්ගේ දොරටුව අසලට එන්නේ ඇන්ඩෲ රැගෙන යාමටයි.එතනින් පැනගන්නා ඔවුන් තම පියා සමග එක්වෙනවා.මේ කාල වකවානුවේ දී රීඩ් ඔවුන් විසින් අල්වා ගත් විපරිතයෙක් හට නඩු පැවරීමට සුදානමින් සිටින්නේ.තම පවුලට සිද්ධ වුන දෙයින් පසු ඒ විපරිත රැඳවියා ඇපයට තබාගෙන රටින් පිට වීමට උත්සහකල මුත් ඔවුන් නතර වෙන්නේ විපරීතයන් වෙනුවෙන් වෙන් වුන රහස් ජාලයක් සමගයි.
රහස් ජාලය හා සම්බන්ධ වෙන රීඩ් තම දරුවන්ගේ ආරක්ෂාව වෙනුවෙන් කල හැකි සෑම දෙයක්ම සිද්ධ කරන අතර වාරයේ සෙන්ටිනල් සේවාව ද විපරීතයන් අල්වා ගැනීමේ මෙහෙයුම් දිගින් දිගටම සිද්ධ කරනවා.මේ අතර වාරයේ කරලියට පැමිණෙන්නේ විපරීතයන් යොදාගෙන නව දේ නිර්මාණය කරන අධි විපරිත විරෝධියෙක් වූ ට්‍රාස්ක් ආයතනයේ Dr.කැම්ප්බෙල් නමැති පුද්ගලයායි.ඔහු හා එක්ව සෙන්ටිනල් සේවාව විපරීතයන් අල්වා ගැනීමට මහා ප්‍රයත්නයක් දැරුවද එය ලෙහෙසි පහසු වන්නේ නෑ.මේ අතර වාරයේ තම පියා ට්‍රාස්ක් ආයතනයේ වැඩකළ අයෙකු නිසා ඔහු හමුවට යන රීඩ් හට අහන්න ලැබෙන්නේ අරුම පුදුම පුවතකි.එනම් ඇන්ඩෲ හා ලෝරන් යනු පාරම්පරික විපරිත බවට උරුම කම් කියන දෙදෙනෙක් බවත්,ඔවුන්ගේ බලයන් එක්තැන් වූ කළ මහා විනාශයක් කල හැකි බවයි.එමෙන්ම තමනුත්,රීඩුත් විපරීතයන් බව ඔට්ටෝ නොහොත් රීඩ්ගේ පියා එහිදී පහ දා දී අනතුරුව සිදු වූ ප්‍රහාරයෙන් මරණය වැළඳ ගන්නවා.විපරීතයන් දෙදෙනෙක්ගේ බලයක් එකතු කොට දරුණු විපරිතයෙක් හැදිය හැකි බව වටහා ගත කැම්ප්බෙල් ඇන්ඩෲ හා ලොරන් අල්වාගෙන ඔවුන්ගේ ජාන පරික්ෂා කොට අවශ්‍ය තොරතුරු රැස්කර ගන්නවා.අනතුරුව ඔවුන් ප්‍රවාහනය කරමින් තිබු රථයට පහර දෙන විපරීතයන් ඇන්ඩෲ ,ලොරන් ඇතුළු පිරිස ගලවා ගන්නට සමත් වුවත්,එස්මේ නම් විපරිතයා තම සහෝදරියන් දෙදෙනා සමග එක්ව මහා විනාශයක් සිද්ධ කරමින් එතනින් පලා යනවා.පලායන එස්මේ හා සහෝදරියන් නැවත පැමිණෙන්නේ කැම්ප්බෙල්ගේ හවුන්ඩ් වැඩසටහන විනාශ කිරීමට සහය පතාගෙනයි.මේ දක්වා ගලාගිය කතාව මෙසේයි.
කැම්ප්බේල්ගේ හවුන්ඩ් වැඩසටහන නතර කල හැකි වේවිද?ඒ සඳහා කී දෙනෙක්ටනම් දිවි පුදන්න වේවිද?බලයන් එකතු වූ තැන කෙතරම් විනාශයක් සිද්ධ වේවිද?මේ ප්‍රශ්න ටික විසඳන අද කොටස් දෙක මේ කතා මාලාවේ පළමු සමයේ නිමාව ද සනිටුහන්කරනවා.
Fox වෙනුවෙන් මාර්වල් කොමික්හි X-Men පදනම් කරගනිමින් Matt Nix අතින් නිර්මාණය වුන මේ කතා මාලාව මෙසේ නිමාව දකින්නේ තම කොමික් අණසක ටෙලිවිෂන් ජාලය තුලද නොබෝ කලකින්ම පතුරුවනවා යන පණිවිඩය ලබා දෙමිනුයි. 7.8 IMDb අගයක් හා 70%ක කුණු තක්කාලි අගයක් ලබා ගත් මේ කතා මාලාව දෙවන සමය දක්වා දීර්ඝ කිරීමට පියවර ගෙන තියෙනවා. එසේනම් මෙතෙක් කල් පැවතී මනුෂ්‍ය-විපරිත යුද්ධයට තිතක් තබා විපරිත-විපරිත යුද්ධයකින් මුණ ගැසෙනතුරු හැමෝටම ජය ශ්‍රී!
Torrents Download
| HDTV | x264 | SVA | 623MB |
703F23D430B453904ADCAA0E9296C29B04947528
Direct Download
| HDTV | x264 | 480p | 332MB |
| HDTV | x265 | 720p | 451MB |
| HDTV | x264 | SVA | 623MB |
අප වෙබ් අඩවිය වෙතින් ලබා දෙන චිත්‍රපට සඳහා උපසිරැසි නොගැලපේනම් අදාල ලිංක් එක සමග අදහස් පහළින් දක්වන මෙන් දන්වා සිටිමි. උපසිරැසියට ගැලපෙන විදියට නිවැරදි කිරීමට අප සූදානම්.
(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)
