The Mist (2017) [S01]- Complete

හැමෝටම ආයුබොවන් කියලා කියනවා,ඔන්න එහෙනම් ටික කාලෙකට පස්සේ මේ අවුරුද්දේ නිකුත් උන රූපවාහිනී කතා මාලාවක උපසිරසි ඔයාලා වෙනුවෙන් අරගෙන එනයි සූදානම, වැඩි කතා නැතුව බලමු සීරීස් එක ගැන.කතා මාලාවෙ නම වෙන්නේ The Mist. මේ කතාව 2007 වර්ශයේ නිකුත් උන The Mist කියන චිත්‍රපටය ඇසුරින් නිර්මාණය උන කතා මාලාවක්. ඔබ චිත්‍රපට රසිකයෙක් නම් මේ චිත්‍රපටය අනිවාර්‍යයෙන් නැරඹිය යුතු එකක් විදිහට මම නිර්දේශ කරන්න කැමතියි. 1980 දී Stephen King නම් ලේඛකයෙක් අතින් ලියැවෙන මේ ග්‍රන්ථයක් ඇසුරින් තමයි මේ චිත්‍රපටය නිපද වෙන්නේ. ඒ වගේම රූපවාහිනී කථා මාලාවටත් පාදක වෙන්නේ මේ ග්‍රන්ථයම තමයි. චිත්‍රපටය ගැන කියනවානම් මම බලපු සුපිරිම චිත්‍රපට අතරේ තියන එක් චිත්‍රපටයක් තමයි මේ චිත්‍රපටය. සාමාන්‍ය විද්‍යා ප්‍රබන්ධයකට එහා ගිය මනුශ්‍ය බැදීම් සහ හැසිරීම් මනාව නිරූපණය වෙන සිනමා සිත්තමක් තමයි මේ. ඒ වගේම චිත්‍රපටය සම්මාන හතරකට නිර්දේශ වෙලා තියනවා සහ IMDB දර්ශකයේ 7.4 ක අගයක් ගන්නත් සමත් වෙලා තියනවා. නමුත් කතා මාලාව නරඹන එකට චිත්‍රපටය නරඹා නොතිබීම කිසිම බාධාවක් වෙන්නේ නෑ. හරි, ඒ චිත්‍රපටය ගැනනේ..

රූපවාහිනී කතා මාලාව දිහාවට පොඩ්ඩක් හැරෙමු.බ්‍රිජ්විල් කියන්නේ ස්වභාව සෞන්දර්යෙන් අනූන, නාගරික පරිසරයෙන් මිදුන කුඩා ගම්මානයක්. මේකේ ඉන්න මිනිස්සුනුත් සාමකාමීව ජීවිතය ගතකරගෙන යනවා. කතාව ගලාගෙන යන්නේ කෙවින් ඔහුගේ බිරිඳ ඊව් සහ ඔවුන්ගේ දියණිය වෙන ඇලෙක්ස් වටා. ඇලෙක්ස්ගේ විවාහයට කලින් ජිවිතය ටිකක් කටුක එකක්. කෙවින් මුණගැසීම නිසා ඊව්ගේ ජිවිතයම වෙනස් වෙනවා. මේ දෙපලගේ දියණිය ට සාදයකදී මුහුණපාන්න වෙන සිදුවීමක් නිසාවෙන් මේ දෙන්නාගේ සාමකාමී ජීවිතය පොඩ්ඩක් අවුල් වෙලා යනවා. මේ සිදුවීම නිසා ඊව් තිරණය කරනවා, තමන්ගේ නැගණියගේ නිවසට ටික කාලයකට ගිහිල්ලා ඉන්න.ඔන්න ඊව් සහ ඇලෙක්ස් පිටත්ව යද්දී තමා විශේශම සිදුවීම වෙන්නේ. මුළු නගරයම වසාගෙන අද්භූත මීදුමක් එක වරම පැතිරෙන්න පටන් ගන්නවා. මේ මීදුමේ තියන විශේශත්වය තමයි මීදුම ඇතුලේ සිද්ධ වෙන අමුතු සිදුවීම්. මොකද මීදුමට වැඩි වේලාවක් නිරාවරණය වෙලා ඉන්න කෙනෙක් පණ පිටින් නම් ඉතුරු වෙන්නේ නෑ. මේ සිදුවීම වෙද්දී කෙවින් වෙනම තැනකත් ඇලෙක්ස් සහ ඊව් වෙනම තැනකත් සිර වෙනවා. මුළු නගරයම වෙලා ගන්න මේ මීදුම නිසා සියළු දෙනාගේම කටයුතු අඩාල වෙනවා. මීදුම පහ වෙලා යනකල් මිනිස්සුන්ට තමන් හිටි හිටි තැන් වලටම වෙලා ඉන්න වෙනවා. මෙන්න මේ සිද්ධි මාලාව තමයි කතාවට පාදක වෙන්නේ. මේවාට අමතරව තවත් සෑහෙන සිදුවීම් කතාව ඇතුලේ ගොඩනැගීගෙන යනවා. තවත් මම විස්තර කරන්න යන්නේ නෑ,මොකද ඒක කතාව රසවිඳින්න බාධාවක් වෙන නිසා. මේ මීදුම ඇත්තටම මොකක්ද, කාගේ වැඩක් නිසාද මෙහෙම උනේ, මීදුම ඇතුලේ සිරවුන අයට මොනවා වෙයිද, කෙවින්ට සහ් ඊව්ට මොකද වෙන්නේ. මීදුම නිසා වෙන සිදුවීම් මිනිස්සු කොහොමද දරාගන්නේ, ඔය වගේ ප්‍රශ්න වලට උත්තර කතාව බලන ඔයාලට දැනගන්න ලැබේවි. ඒ වගේම කුතුහලයෙන් පිරුණු නොහිතන විදිහේ අවසානයකුත් කතාව බලන ඔයාලට ලැබේවි.

IMDB දර්ශයයේ 5.4 ක් ලබාගෙන තියන මේ කතා මාලාව walking dead වගේ කතා මාලා නරඹන්න ආසා අයට නම් බලන්න කියලා ඉහලින්ම නිර්දේශ කරන්න පුළුවන්. ඒ වගේම මේකේ තියන Drama ගතියත් බොහෝම විශිෂ්ඨයි. මිනිස්සුන්ගේ හැඟීම්, සිතුවිලි, ආපදාවකදී ඔවුන් හැසිරෙන විදිහ බොහෝම සියුම්ව නිරූපණය කරලා තියනවා. කතා මාලාවේ චරිත වලට

° Morgan Spector – Kevin Copeland

° Alyssa Sutherland – Eve Copeland

° Gus Birney – Alex Copeland

° Danica Curcic – Mia Lambert

° Okezie Morro – Bryan Hunt

° Luke Cosgrove – Jay Heisel

° Darren Pettie – Connor Heisel

° Russell Posner – Adrian Garff

° Frances Conroy – Nathalie Raven

යන අය රංගනයෙන් දායක වෙනවා. අවසාන වශයෙන් කියන්න තියෙන්නේ ඩවුන්ලෝඩ් කරලා බැලුවට නම් කිසිම පාඩුවක් වෙන්නෙ නෑ කියන එක.ඒවගේම සබ් එක නිර්මාණය කරන්න උදව් උන රවිඳු රුක්ශාන් මලයා සහ ඉසුරු සම්පත් සිරිසේන අයියත් මේ වෙලාවේ මතක් කරන්නම ඕන. මොකද එයාලා නැත්නම් මෙච්චර ඉක්මනට උපසිරැසිය ලබලා දෙන්න වෙන්නේ නෑ. ඒවගේම උපසිරැසිය බාර දුන්න සහෝදර ඇඩ්මින්වරුන්වත් මේ වෙලාවේ මතක් නොකරම බෑ.හරි එහෙනම් කතාව රසවිඳින්න කියලා ආරාධනා කරනවා. ආයෙම තවත් උපසිරැසියකින් හමුවෙමු.

 

Torrents Download

| HDTV | x264 | 720p | 3.6GB | [Complete S01]

Direct Download

| HDTV | x264 | 720p | 3.7GB | [Complete S01]

| HDTV | x264 | 720p | 880MB | [ E01-E02]

| HDTV | x264 | 720p | 660MB | [ E03-E04]

| HDTV | x264 | 720p | 810MB | [ E05-E06]

| HDTV | x264 | 720p | 660MB | [ E07-E08]

| HDTV | x264 | 720p | 780MB | [ E09-E10]