The Promised Neverland | S1 : EP07 & EP08 (2019) | සුභ ගමන් සිස්ටර් ක්‍රෝනේ!

මේ ගෙනාවෙ 7 සහා 8 කොටස් දෙක. මං එහෙනම් කලින් කොටස් දෙක මතක් කරන්නම්. නෝමාන් රේයි තමයි ඔත්තුකාරයා කියලා සිස්ටර් ක්‍රෝනෙ ආපු දවසෙ ඉඳන් තමයි සැක කරන්න පටන් අරන් තියෙන්නෙ. නෝමාන් හරිම භයානකයි ඔහොම හිටියට. මොලේ තරම තේරෙනවා ඇතිනෙ. ඒත් අනික් පැත්තෙන් රේයි. එයා ගහලා තියෙන ගේම් සේරටම හපන්. ගොඩක් කල් ඉඳන් මමාගෙ ඔත්තුකාරයෙක් විදියට එයා වැඩ කරලා තියෙන්නෙ වෙන මොකටවත් නෙවෙයි එමාටයි නෝමාන්ටයි ජීවිතේ බේරගන්න ක්‍රමයක් හදන්න. එයාට ඕන වෙන කවුරු නැතත් ඒ දෙන්නව ජීවත් කරවන්න. එමාටයි නෝමාන්ටයි එයා කොච්චර ආදරේද කියලා තේරෙනවනෙ. ඔය විදියට මමාවත් ෂේප් කරගෙන මෙයාලා පැනලා යන සැලැස්ම ඉස්සරහට කරගෙන යනවා. ඔය අතරෙ එයාලා රහස් කාමරයක් තියෙනවා කියලා හොයාගන්නවනෙ. ඩොන් කරන්නෙ මමාගෙ ඇත්ත නැත්ත හොයන්න ගිල්ඩා එක්ක රහස් කාමරේ හොයාගෙන යන එක. එතනදි එයා දකිනවා කෝනි වගේම ළමා නිවාසෙන් පිටවුන අනිත් ළමයින්ගෙත් සෙල්ලම් බඩු සේරම ඒක ඇතුලෙ හංගලා තියෙනවා. ඒ නිසා ඩොන්ට සාධාරණ සැකයක් එනවා. ඩොන් හිතන විදිය හරි කියලා එයා දැනගන්නෙ එමායි අනිත් අයගෙනුයි කතාව අහලා දැනගත්තට පස්සෙ. පස්සෙ පුංචි රණ්ඩුවකුත් ඇති වුනත් එයාලා එකට වැඩ කරන්න පටන් ගන්නවා කලින් වගේම. මේ පාර ඇත්ත දැනගෙනම. පිල් පොතක හොයාගත්ත මෝස් කෝඩ් වගයක් නිසා එයාලට පට්ටියෙන් එළියෙ ලෝකෙ ඉන්න කෙනෙක්ගෙ උදව් තියෙනවා කියලා දැනගන්නවා. “විලියම් මිනර්වා”. තාම එයා කව්ද කියලා හරියටම දන්නෙ නෑ. ඒත් ළමයින්ගෙ බලාපොරොත්තු වැඩි වෙනවා. මෙයාලා ඒ ගැනත් වැඩි විස්තර හොයනවා. ඔන්න ඔය වෙලාවෙදි තමයි සිස්ටර් ක්‍රෝනෙ බාධා කරන්නෙ. සිස්ටර් ක්‍රෝනෙ එමාලා කතා කර කර හිටපු සේරම දේවල් අහගෙන ඉඳලා තියෙනවා. ළමයි සිස්ටර් ක්‍රෝනෙට කොහොමද මුහුණ දෙයිද?

එහෙනම් 9 සහා 10 කොටස් වලින් ආයෙත් මුණ ගැහෙමු.