The Walking Dead [S09 : E04]| ඔබත් ගියොත්, හෙටක් තියේවිද?

ආයුබෝවන් යාළුවනේ..!

හැමදේම අස්ථාවර වුණු වෙලාවක ඔන්න බයිස්කෝප් අපිනං ස්ථාවරව වෙලාවට කලාවට සබ් එක අරගෙන එනව. ඉතිං ඔන්න ආපු දවසෙම අදත් වැඩේ ගොඩදාල දෙන්න හැකි වුණා. හැබැයි ඉතිං දවසක මාව රස්සාවෙන් එළියට ඇදල දානව බොස් නෝනට වැඩ කරන වෙලාවෙ මේව කරනව අහු වුණොත් නම්. අනිත් කාරණාව තමයි ඊලඟ සතියට විතරක් මට ආපු දවසෙම උපසිරැසිය ලබාදෙන්න හැකිවෙන එකක් නැහැ. ඒත් පහුවදාට ලබා දෙන්න උපරිම උත්සාහයක් දෙන්නම්. ඊට පස්සෙ ඉඳල ආයෙ සුපුරුදු පරිදි ආපු දවසෙම උපසිරැසි ලබා දෙන්නම්. කොහොමහරි කමක් නෑ ඔන්න ඉතිං වෝකින් ඩෙඩ් කතා මාලාවේ නමවැනි කතා සමයේ හතරවැනි කතාංගය තමයි මේ අරගෙන ආවෙ. අද කතාංගයේ අවසාන මිනිත්තු කීපයේ හුස්ම හිරවුණේ නැතුව විතරයි. මොනව කියන්නද කියල මටම හිතාගන්න බෑ. කමක් නෑ.. ගිය සතියෙ කොටස පොඩ්ඩක් මතක් කරගෙන අද දවස ගැන කතා කරමුකො.

පසුගිය කොටසින්..

ඉතිං පසුගිය කොටස මතකනම් කට්ටියට මතක ඇති ගැලවුම්කාරයෙක් වුණු ජස්ටින් මරල දාල ඇවිදින්නෙක් බවට පත්වෙලා ඉන්නකොට තමයි අහුවෙන්නෙ. මේ ගැන කඳවුරේ සෑහෙන ලොකු කතාබහක් ඇති වෙනව. ඊට කලින් කොටසෙදි ඩැරල් එක්ක ජස්ටින් පැටළුණු නිසා හැමෝම හිතන්නෙ ඩැරල් ජස්ටින්ව මැරුව කියල. තව කට්ටියක් හිතන්නෙ කුණුගොඩේ නෝන “ඈන්ටත්” ගැලවුකාරයො එක්ක පැටලැවිල්ලක් තියෙන නිසා, ඈන් ජස්ටින්ව මැරුව කියල. මොකද සයිමන් කියන ගැලවුම්කාරය ඈන්ගෙ පිරිස සමූලඝාතනය කරපු තරහ ඈන්ගෙ හිතේ තියෙනව වෙන්න පුළුවන් කියල කට්ටිය හිතනව. කොහොමහරි මේ සිදුවීමෙන් පස්සෙ එකපාරම “අරාට්” කියන ගැලවුකාර නායිකාව අතුරුදහන් වෙනව. මේක රහසක් විදියට තියාගෙන ඩැරල්, මැගී, රික්, කැරොල් බෙදිල යනව අරාට්ව හොයන්න. මෙහෙම යනකොට රික්, කැරොල් දෙන්නට මගදි ගැලවුකාරයන්ගෙ ප්‍රහාරයක් එල්ල වෙනව. ඒකෙන් මේ දෙන්න කොහොමහරි ගැලවෙනව, පොඩි උප්පරවැට්ටියක් දාල. ඩැරල්, මැගී දෙන්නට පොඩි ඉඟියක් ලැබෙනව අරාට් පැහැරගෙන ගියේ කවුද කියන එක ගැන. එහෙම හොයාගෙන යනකොට ඕෂන්සයිඩ් එකේ සෙට් එක තමයි මේ ගැලවුකාරයන් මරල දාන්නෙ කියල මැගීල හොයා ගන්නව. වැඩේ කියන්නෙ මේක උල්පන්දම ලැබිල තියෙන්නෙ මැගීගෙන්. මොකද ඕෂන්සයිඩ් එකේ මේ පිරිස ජස්ටින් සහ අරාට් මරන්න හේතුව තමයි මැගී ග්‍රෙගරිව මරපු එක. ඉතිං ලෙයින් යුක්තිය පසිඳලන ක්‍රමය ඔවුන් දැනගන්නෙ මැගීගෙ ක්‍රියාව නිසා. ඊට පස්සෙ මැගී කියනව “නීගන් බලන්න යන්න කාලෙ හරි” කියල. ඔන්න එතනින් එදා කතාව අවසාන වුණා.

සිරාවටම කිව්වොත් මට අද කොටස ගැන කියන්න හිතෙන්නෙත් නැති තරම්. මේ කතාවට ජීවය ගේන චරිතයක් අද මැරුණා හා සමාන තත්වෙකට පත් වෙනව. ඉතිං අවසාන මොහොතෙ ඒක දැක්කම මට ලිපිය ලියන්න හිතාගෙන ඉඳපු වීර්යය සම්පුර්ණයෙන් ම නැතිවෙලා ගියා. කොහොමහරි මැගී කිව්ව වගේම ඔන්න නීගන්ව හමුවෙන්න හිල්ටොප් වලින් පිටත් වෙනව. හැබැයි පෙනුණු විදියට නම් ඒක ඒ තරම් හොඳ ගමනක් වගේ පෙණුනෙ නෑ. කොහොමහරි ජීසස්, මැගීගෙ ගමන ගැන රික්ව දැනුවත් කරනව. රික් මැගීව නතර කරන්න උත්සාහ කළත් ඩැරල්ගෙ උප්පරවැට්ටියක් නිසා, දෙන්න පොඩි වලියක් ගිහින්, ගොඩ එන්න අමාරු මහ පතලයක් වගේ වලකට වැටෙනව. නිකං නෙවෙයි, ඩැරලුත් පෙරලිලා ගිහින් දෙන්නම තමයි ඒ වලට වැටෙන්නෙ. එතනදි ඔන්න පරණ සෙට් එකකම නම් මතක් කරකර දෙන්න බහින්බස් වෙනව. මේ අතරෙ කඳවුර පැත්තෙන් වෙඩි සද්දයක් ඇහෙනව. කඳවුරේ මේ වෙලාවෙ ඉන්නෙ කැරොල්. වෙඩි සද්දෙට මළවුන් ඒ පැත්තට ඇදිල එනව. රික් සහ ඩැරල් වැටිල ඉන්න වලටත් මළවුන් රංචුවක්ම කඩා වැටෙනව. කඳවුරේ වෙඩි තියාගන්නෙ කවුද? රික්, ඩැරල් දෙන්නට හෝ දෙන්නගෙන් එක්කෙනෙකුට ජීවිතේ බේරගන්න හැකි වේවිද? මෙතෙක් කතාවට පණ දුන්න මැරුණා හා සමාන චරිතෙ කවුද? රික්ද? ඩරල්ද? කැරොල්ද? එකක් කියන්නම් නිකමටවත් කතාව ඇදල අවසාන ටික මුලින් බලන්න හිතන්නවත් එපා. එහෙම බැලුවොත් මැද ටික බලන එක නතර කරල කට්ටිය ශෝක වෙන්න පටන් ගනීවි. ඒ නිසා පිළිවෙලට මුල ඉඳල අගට බලාගෙන යන්න. හැමෝටම ජය..!!

 Click Here කල පසු හෑෂ් (hash) එක google හි සෙවුමක ලැබෙනු ඇත. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

Torrents Download

| HDTV | x265 | 720p | 270MB |

Direct Download

| HDTV | x264 | 480p | 210MB |

| HDTV | x265 | 720p | 270MB |

(දකුණු පසින් ඇති දැන්වීම් ක්ලික් කර මෙම වෙබ් අඩවිය ඉදිරියට පවත්වාගෙන යාමට සහයෝගය දක්වන්න)