The Walking Dead [S10 : E08]| කැරොල්!

ආයුබෝවන් යාළුවනේ..!

ඉතිං සමාවෙන්න ඕනෙ TWD දහවැනි කතා මාලාවේ Mid Season Finale කතාංගය අරගෙන එන්න සතියකටත් වඩා ප්‍රමාදයක් වුණා. හේතුව වුණේ මම වැඩියෙන්ම කාර්‍යබහුල වුණු සතිය පහුගිය සතිය වීම. කොහොම නමුත් ඉදිරියේදී මගේ කාර්‍යබහුල කාල සීමාව අවසන් වෙනව. ඉතිං The Dragon Prince ඉතාම ඉක්මනින් ලබා දෙන්න බලාපොරොත්තු වෙනව. එහෙනම් සමාවෙලා බලමු මොකද්ද ගිය සතියෙ වුණේ කියල.

ඉතිං පහුගිය සතිය අවසාන වුණේ නොහිතපු ඛේදවාචකයක් එක්ක. ඒ තමයි සිඩ්ඩ්ක්ගේ අවාසනාවන්ත මරණය. ඇත්තටම කිසි කෙනෙක් මේ වෙලාවෙ සිඩ්ඩිකගෙ මරණය බලාපොරොත්තු වුණේ නෑ. කාල්ගෙ චරිතය ඉවත් කිරීම එක්ක කරලියට ආපු සිඩ්ඩික් මෙහෙම අකාලයේ මරල දාපු එකනම් අනුමත් කරන්න බෑ. ජීසස් සමුගත්ත වෙලාවෙ, ටාරා, එනිඩ් අහිමි වුණු වෙලාවෙ වගේම ලොකු දුකක් මේ වෙලාවෙත් ඇති වුණා. කොහොමහරි ඔන්න එතනිම් එහාට තමයි අද මොකද වෙන්නෙ කියල බලාගන්න වෙන්නෙ. ඒ වගේම ලිඩියා දැන් ඉන්නෙ නිදහස් වෙලා. ඒකත් ලොකු අවධානමක්.

මේ අතරෙ ඉතිං සිඩ්ඩික්ට මේ අපරාධය කරපු අපරාධකාරයා ඩාන්ටේගෙ ඉරණම කොහොම විසඳේවිද? මරයි කියල ද හිතෙන්නෙ. බලාපොරොත්තු වෙන දේම නෙවෙයි වෙන්නෙ හැබැයි. ඊට පස්සෙ ඇරොන්ට ලැබෙන ඔත්තුවක් නිසා ඩැරල්, කැරොල්, ඇරොන්, මැග්නා, කොනී ඇතුළු සෙට් එකක් යනව ඇල්ෆගෙ රැළ හොයාගෙන. මේ ගමනෙදි අවාසනාවන්ත විදියට කැරොල්…… එක්කො කියන්න ඕන නෑනෙ. හැබැයි අවාසනාවන්ත සිදුවීමක් වෙනව අවසාන විනාඩි කීපයේ. ඒ වගේම ඉදිරියේදී මිශෝන් ගැන ලොකු බලාපොරොත්තුවක් තියාගන්න වෙනව. එහෙනම් ආයෙ TWD ආපු කාලෙක හමුවෙමු. ජය වේවා!