Warrior (2019-) [S01: E04] | වැටලීම සහා සාකච්ඡාව…

ඔන්න එහෙනම් Warrior කතා මාලාවෙ 4 වෙනි කොටසත් අරගෙන ආවා. මතක ඇතිනෙ ගිය සතියෙ වෙච්ච සිදු වීම් ටික. ගිය සතියෙ වැඩි පුරම යොමු වුනේ අ සාම්ගෙ නඩුව පැත්තට. රජයෙන් ගොඩක් උත්සහ කලා අසාම්ව වැරදි කාරයා කරන්න. හැබැයි ප්‍රමාණවත් සාක්ෂි නැති කමින් මිනිමැරුම් චෝදනාව විනිසුරු ඉවත් කරලා දානවා. ඒත් එක්කම අසාම්ගෙ සහෝදරියගෙ මැදිහත් වීමෙන් සාක්ෂි දෙන්න හිටපු දෙන්නවත් බය කරලා නවත්තනවා. ඒකත් එක්කම කිසිදු සාක්ෂියක් නැති නිසා අසාම්ට නිදහස ලැබෙනවා. ඊට පස්සෙ තමා හොදම හරිය…

අසාම් ආපහු හොප් වෙයිලා ලගට එනවා, යන්ග් ජූන් නම් අසාම්ව ඉහලින් පිලිගන්නවා වගේම සාදයකුත් තියනවා. ඔතනට ෆාදර් ජූන් එනවා. ඇවිත් අසාම් කිසිම හේතුවක් නැතුව චයිනාටවුන් වලින් පිටට ගිය එකට දඩුවම් කලා මතක ඇති. ඊට පස්සෙ නිළ වශයෙන් අසාම් හොප් වෙයි කෙනෙක් බවට පත්වෙනවා. හැමෝම මෙයාව සහෝදරයෙක් විදිහට පිළිගන්නවා.

ඔය අතරෙ නගරාධිපතිගෙ බිරිඳගෙ මෙහෙකාරයා එනවා අසාම්ව හම්බවෙන්න. එයා එතනදි ලියුම් කවරයක් දුන්නා මතක ඇති. ඒ පිනලොපිව බේරගත්ත එකට ස්තූති කරලා සල්ලි වගයක්. හැබැයි අසාම් ආපහු මේක එයාටම ගිහින් දෙනවා. මේ දෙන්නා අතරෙ යම් සම්බන්ධයක් ඇතිවෙන බවට නම් පැහැදිලියි. ඔන්න එහෙනම් මිස්ටර් බක්ලිගෙ යටිකූට්ටු වැඩත් එක්ක ගෙවුන පසුගිය කතාව වගේම ඒ ආකාරයේම යටු කූට්ටු වැඩ එක්ක ගෙවෙන මේ කතාවත් බලන්න එහෙනම්. ඊලග සතියෙ හම්බෙමු.

ජය වේවා!