Westworld [S03 : E01]| දෙවියනි අප හට කමා වුව මැන…

ඉතිං ඔන්න තෙවන කතාසමයේ පලමු කතාංගය තමයි මේ ගෙන ආවේ.මේ කොටස අධක්ෂණය සහ රචනය Westworld හි show runners වල Lisa Joy සහ Jonathan Nolan විසින්.මේ කතා සමය කලිං වගේ කොටස් 10 නෑ කොටස් 8ක් පමණයි තියෙන්නේ. මෙහි දර්ෂණ තල විදිහට ඇමරිකාවේ නිව්යෝක් නගරය සහ සිංගපූරුව තමයි යොදාගෙන තියෙන්නේ. සුපුරුදු නලු නිලි කැලට අමතරව තවත් අලුත් චරිතයක් (Caleb Nichols) මේ කතාංගයේදි එකතු වෙනවා.චරිතය අලුත් උනාට රංගන ශිල්පියානම් ඔයාලා හොදට දන්න කෙනෙක්. ඒ තමයි Breaking Bad හි Jesse Pinkman නොහොත් Aaron Paul.

කොහොම වෙතත් මේ ගෙවියන කාලය ලෝකයකට වගේම කලා ක්ෂේත්‍ර‍ටත් හොද කාලයක් නම් නෙවෙයි. මේ කාලවකවානුවේදි අපිට කලා ලෝකයෙන් දිගින් දිගටම අහන්න ලැබුනේ රූපගත කිරිම් සහ තිරගතවිම් ප්‍ර‍මාද කල චිත්‍ර‍පට සහ කතාමාලා ගැන ප්‍ර‍වෘත්ති පමණයි.මේ තත්ත්වය ඉක්මනින් හොද අතට හැරේවි කියන බලාපොරොත්තුවේ ඉන්නවා.එවගේම අපි උත්සහ කරනවා හැකි තරම් ප්‍ර‍මාදයන් නොමැතිව කතංගය විකාශයවු සතිය ඇතුලතම උපසිරස ඔබවෙත ලබාදෙන්න. උපසිරසේ ගුණාත්මක බව වැඩි කරන්න නම් අමතර කාරණා එකතු කරන්න ඔනේ. එත් කාල වේලාව ඒකට බාධකයක්. හැකි පමණින් මේ දෙකම සමතුලිත කරගන්නයි උපරිම උත්සහ කරන්නේ.

ඉතිං සුපුරුදු පරිද සෑම කතාංගයකම පැහැදිලි කිරිම් සතිපතා බයිස්කෝප් මංසල හරහා ගෙන එන්නත් කටයුතු සුදානම් කරලා තියෙන්නේ. මේ සීසන් එකත් අඩිමින් මඩුල්ලෙන් බලෙන්ම වගේ ඉල්ල ගත්තේ කතාවට උපසිරස ගන්වන්න තියෙන ආසාව නිසාමයි. එවගේමයි Westworld වෙනුවෙන් මං උපසිරස ඔබවෙත ලබාදෙන අවසන් කතාසමයයි.

කලිං Westworld නොබලපු දරුවන්ටයි මේ මතක් කිරිම. මේ කතාමාලාව විද්‍යා ප්‍ර‍බන්ධ ගනයට වැටෙන 2016 දී HBO නාලිකාවේ විකාශය ආරම්භ කරපු කතාවක්. මේ වෙනකොට කොටස් 10 බැගින් කතාසමය 2ක් විකාශ වෙලා තියෙනවා. මේකේ සම නිශ්පාදක ලෙස Jonathan Nolan සම්බන්ධ වෙනවා නම කිව්වම මතක් වෙන්නේ කෙනෙක් ඉන්නවා නේද ඔව් මේ Christopher Nolanගේ මල්ලි. අයියා වගේම තමා මල්ලිත් අපේ ඔලුවට හොද ව්‍යයාම දෙන්න දක්ෂයෙක්. මේ කතාව ගොඩනැගෙන්නනේ කෘතිම බුද්ධිය සහිත රොබෝවරුන් ඉන්න විනෝද උද්‍යානයක් තුලයි. මේ කතාමාලාව ගැන තියෙන ලොකුම විවේචනය තමයි සංකීරන plot twist තිබිම සහ අනපේක්ෂිත time jumps/cut සහිතව කතාව ගලාගෙන යෑම. කොහොම උනත් පලමු කතාසමයේ පලවෙනි කතාංගය බලලා නවත්තන්න නම් එපා අඩුම තරමේ කොටස් 6 ක්වත් නරඹන්න.